ទីក្រុងកូឡុំបូ ៖ ប្រទេសស្រីលង្កាបានប្រកាសថា រាល់ថ្ងៃពុធ ជាថ្ងៃឈប់សម្រាកសម្រាប់ស្ថាប័នរដ្ឋ អំឡុងពេលសន្សំសំចៃប្រេងឥន្ធនៈ ខណៈដែលប្រទេសដីកោះមួយនេះ កំពុង តែតស៊ូជាមួយការខ្វះខាតដែលអាចកើតមាន បន្ទាប់ពីសង្គ្រាមរបស់សហរដ្ឋអាមេរិក…
ទីក្រុងកូឡុំបូ ៖ ប្រទេសស្រីលង្កាបានប្រកាសថា រាល់ថ្ងៃពុធ ជាថ្ងៃឈប់សម្រាកសម្រាប់ស្ថាប័នរដ្ឋ អំឡុងពេលសន្សំសំចៃប្រេងឥន្ធនៈ ខណៈដែលប្រទេសដីកោះមួយនេះ កំពុង តែតស៊ូជាមួយការខ្វះខាតដែលអាចកើតមាន បន្ទាប់ពីសង្គ្រាមរបស់សហរដ្ឋអាមេរិក និងប្រទេសអ៊ីស្រាអែលជាមួយនឹងប្រទេសអ៊ីរ៉ង់។
ស្រីលង្កា គឺជាប្រទេសមួយក្នុងចំណោមប្រទេសដែលកាត់បន្ថយម៉ោងធ្វើការ ដើម្បីសន្សំសំចៃប្រេងឥន្ធនៈ ដែលភាគច្រើននាំចូលពីមជ្ឈិមបូព៌ា។ ហើយចាប់ពីថ្ងទី១៨ ខែមីនា ឆ្នាំ២០២៦ តទៅ ស្ថាប័នរដ្ឋ ក៏ដូចជាសាលារៀន និងសាកលវិទ្យាល័យ នឹងដំណើរការត្រឹម៤ថ្ងៃក្នុង១សប្តាហ៍ប៉ុណ្ណោះ។ ជាមួយគ្នានោះ មន្ត្រីរាជការ ក៏ត្រូវបានប្រាប់ឱ្យធ្វើការពីផ្ទះតាមដែលអាចធ្វើទៅបានផងដែរ។
ប្រធានាធិបតីស្រីលង្កា លោក Anura Kumara Dissanayake កាលពីថ្ងៃទី១៦ ខែមីនា ឆ្នាំ២០២៦ បានថ្លែងនៅក្នុងកិច្ចប្រជុំបន្ទាន់ជាមួយបណ្តាមន្ត្រីជាន់ខ្ពស់ថា រដ្ឋាភិបាលក៏កំពុងស្នើសុំឱ្យវិស័យឯកជនអនុវត្តតាមផងដែរ ហើយលោកក៏បានប្រកាសថា រៀងរាល់ថ្ងៃពុធ គឺជាថ្ងៃឈប់សម្រាកសម្រាប់ស្ថាប័នរដ្ឋ។
ការប្រកាសនេះ គឺជាវិធានការរឹតបន្តឹងចុងក្រោយបំផុតក្នុងចំណោមវិធានការរឹតបន្តឹងជាបន្តបន្ទាប់ដែលបានអនុវត្តដោយបណ្តាប្រទេសនៅទ្វីបអាស៊ី ចាប់តាំងពីសង្គ្រាមបានបិទច្រកសមុទ្រហ័រមូស (Hormuz) ដែលធ្លាប់ដឹកប្រេងរាប់លានបារ៉ែលពីឈូងសមុទ្រចូលទៅក្នុងតំបន់នេះ។ ជាក់ស្តែង ៩០% នៃប្រេង និងឧស្ម័នទាំងអស់ដែលឆ្លងកាត់តាមច្រកសមុទ្រនេះ កាលពីឆ្នាំមុនបានតម្រង់ទៅទ្វីបអាស៊ី ដែលជាតំបន់នាំចូលប្រេងធំជាងគេបំផុតរបស់ពិភពលោក៕ ប្រភព ៖ BBC និង The Guardian
ចែករំលែកព័តមាននេះ