លោក ពូទីន សន្ទនាតាមទូរស័ព្ទជាមួយលោក ត្រាំ ចែករំលែកពីសំណើបញ្ចប់សង្គ្រា.មអ៊ីរ៉ង់ឱ្យបានឆាប់
ទីក្រុងមូស្គូ ៖ លោក យូរី អ៊ូសាកូវ (Yuri Ushakov) ជំនួយការគោលនយោបាយការបរទេសរបស់វិមានក្រឹមឡាំង (Kremlin) បានឱ្យដឹងថា…
ទីក្រុងមូស្គូ ៖ លោក យូរី អ៊ូសាកូវ (Yuri Ushakov) ជំនួយការគោលនយោបាយការបរទេសរបស់វិមានក្រឹមឡាំង (Kremlin) បានឱ្យដឹងថា ប្រធានាធិបតីរុស្ស៊ី លោក វ្លាដឺមៀរ ពូទីន (Vladimir Putin) កាលពីថ្ងៃទី៩ ខែមីនា ឆ្នាំ២០២៦ នៅក្នុងការសន្ទនាតាមទូរស័ព្ទជាមួយប្រធានាធិបតីអាមេរិក លោក ដូណាល់ ត្រាំ (Donald Trump) បានដាក់សំណើដោះស្រាយជម្លោះនៅអ៊ីរ៉ង់ឱ្យបានឆាប់រហ័ស។ នេះបើតាមប្រភពពីទីភ្នាក់ងារសារព័ត៌មាន Reuters បានចេញផ្សាយ។
លោក អ៊ូសាកូវ ផ្តល់ការរៀបរាប់អំពីការសន្ទនារវាងមេដឹកនាំទាំងពីរ ទៅកាន់អ្នកយកព័ត៌មានថា មេដឹកនាំទាំងពីរក៏បានពិភាក្សាអំពីជម្លោះនៅអ៊ុយក្រែន និងបានកត់សម្គាល់ថា ផលប្រយោជន៍របស់រុស្ស៊ី គួរតែជំរុញឱ្យអ្នកចរចារបស់អ៊ុយក្រែនសម្រេចឈានទៅរកការដោះស្រាយសង្គ្រាមដ៏រ៉ាំរៃរវាងប្រទេសទាំងពីរផងដែរ។
លោកបានពណ៌នាពីការពិភាក្សាទាំងមូលរបស់លោក ពូទីន និងលោក ត្រាំ ថាមានសារៈសំខាន់ខ្លាំងណាស់ ហើយវាទំនងជាមានសារៈសំខាន់ជាក់ស្តែង សម្រាប់ការងារបន្ថែមទៀតរវាងប្រទេសទាំងពីរ (រុស្ស៊ី-អាមេរិក)។ លោក អ៊ូសាកូវ banបន្តថា លោក ពូទីន បានបង្ហាញគំនិតជាច្រើនមានគោលបំណងបញ្ចប់ជម្លោះនយោបាយ និងការទូតឱ្យបានឆាប់រហ័សរវាងអ៊ីរ៉ង់ រួមទាំងបញ្ហាដែលបានកើតឡើងជាមួយបណ្តាមេដឹកនាំប្រទេសឈូងសមុទ្រ ប្រធានាធិបតីអ៊ីរ៉ង់ និងមេដឹកនាំនៃប្រទេសដទៃទៀត។ ហើយជាលទ្ធផលលោកថា លោក ត្រាំ បានផ្តល់ការវាយតម្លៃរបស់លោកពីការវិវត្តក្នុងប្រតិបត្តិការអាមេរិក-អ៊ីស្រាអែល។
លោក អ៊ូសាកូវ ក៏បានលើកឡើងដែរថា ប្រធានាធិបតីទាំងពីរក៏បានពិភាក្សាអំពីស្ថានភាពនៅប្រទេសវេណេស៊ុយអេឡា ពាក់ព័ន្ធនឹងបរិបទនៃទីផ្សារប្រេងសកលផងដែរ៕
ចែករំលែកព័តមាននេះ