សហព័ន្ធកីឡាវាយសីកម្ពុជាចេញសេចក្តីជូនដំណឹង
- ភ្នំពេញ
រាជធានីភ្នំពេញ ៖ យោងតាមផែនការប្រចាំឆ្នាំរបស់ក្រសួងអប់រំ យុវជន និងកីឡាសហព័ន្ធកីឡាវាយសីកម្ពុជា បានប្រកាសជូនដំណឹងដល់បណ្ដាសមាគម និងក្លិបកីឡា វាយសីក្នុងរាជធានី ខេត្ត ក្រុង…
រាជធានីភ្នំពេញ ៖ យោងតាមផែនការប្រចាំឆ្នាំរបស់ក្រសួងអប់រំ យុវជន និងកីឡាសហព័ន្ធកីឡាវាយសីកម្ពុជា បានប្រកាសជូនដំណឹងដល់បណ្ដាសមាគម និងក្លិបកីឡា វាយសីក្នុងរាជធានី ខេត្ត ក្រុង…
រាជធានីភ្នំពេញ ៖ យោងតាមផែនការប្រចាំឆ្នាំរបស់ក្រសួងអប់រំ យុវជន និងកីឡាសហព័ន្ធកីឡាវាយសីកម្ពុជា បានប្រកាសជូនដំណឹងដល់បណ្ដាសមាគម និងក្លិបកីឡា
វាយសីក្នុងរាជធានី ខេត្ត ក្រុង ក្រោមឱវាទទាំងអស់ឱ្យបានជ្រាបស្ដីពីការរៀបចំការប្រកួត កីឡាវាយសីជ្រើសរើសជើងឯកប្រចាំឆ្នាំ២០១៧ដែលនឹងប្រព្រឹត្តទៅចាប់ពីថ្ងៃទី៣ដល់ថ្ងៃទី៧ធ្នូនៅទីលានកីឡាវាយសីស្ថិតក្នុងពហុកីឡដ្ឋានជាតិអូឡាំពិក ។
លោកឧត្តមសេនីយ៍ ជាម សុភា អគ្គលេខាធិការរងសហព័ន្ធកីឡាវាយសីកម្ពុជា និងជា
មន្ត្រីបច្ចេកទេសរៀបចំការប្រកួតបានឱ្យដឹងថា សមាគម និងក្លិបកីឡាវាយសីជាសមាជិកដែលទទួលស្គាល់ដោយសហព័ន្ធកីឡាវាយសីកម្ពុជាទាំងអស់ដែលមានបំណងចូលរួមប្រកួតជ្រើសរើសជើងឯកប្រចាំឆ្នាំ២០១៧សូមមកដាក់ចូលរួមប្រកួតចាប់ពីថ្ងៃជូនដំណឹងនេះតទៅរហូតដល់ថ្ងៃទី២៧ វិច្ឆិកានៅការិយាល័យសហព័ន្ធកីឡាវាយសីកម្ពុជាស្ថិតនៅអគារគណៈកម្មាធិការជាតិអូឡាំពិកកម្ពុជាជាន់ទី២ ។ ចំពោះឯកសារដែលត្រូវភ្ជាប់មកជាមួយមានពាក្យស្នើសុំចូលរួមប្រកួត២ច្បាប់ បញ្ជីរាយនាមប្រតិភូដឹកនាំ គ្រូបង្វឹកកីឡាករ កីឡាការិនីចំនួន២ច្បាប់ កិច្ចសន្យា២ច្បាប់ ប្រវត្តិរូបកីឡាករ កីឡាការិនីម្នាក់ៗ២ច្បាប់ និងរូបថត៣x៤ និង៤x៦ចំនួន២សន្លឹក ។ ចំពោះព័ត៌មានលម្អិតផ្សេងៗអាចទាក់ទងផ្ទាល់នៅទីស្នាក់ការរបស់សហព័ន្ធ ។
ចំណែកវិញ្ញាសាដែលដាក់ឱ្យប្រកួតមានប្រកួតវាយជាក្រុមបុរស(Men’s Team Events) និងប្រកួតវាយគូ (2 Doubles) ។ រីឯវិញ្ញាសាប្រកួតឯកត្តជនមានបុរសអាយុ១៩ឆ្នាំឡើង យុវជនអាយុ១៩ឆ្នាំចុះ យុវជនអាយុក្រោម១៧ឆ្នាំ យុវជនអាយុក្រោម១៥ឆ្នាំ និងយុវជនអាយុក្រោម១៣ឆ្នាំ ។
លោក ជាម សុភា បានបន្តឱ្យដឹងទៀតថា ចំពោះប្រាក់រង្វាន់ឆ្នាំនេះមានការកើនឡើងជាងឆ្នាំមុន គឺចំណាត់ថ្នាក់ក្រុមលេខ១ទទួលបាន៧៥ម៉ឺនរៀល លេខ២ទទួលបាន៥០ម៉ឺនរៀល និងលេខ៣ទទួលបាន៤០ម៉ឺនរៀល ។ ប្រកួតវាយគូ លេខ១ទទួលបាន៤០ម៉ឺនរៀល លេខ២ទទួលបាន៣០ម៉ឺនរៀល និងលេខ៣ទទួលបាន២០ម៉ឺនរៀល ។ ប្រកួតឯកត្តជន លេខ១ទទួលបាន២០ម៉ឺនរៀល លេខ២ទទួលបាន១៥ម៉ឺនរៀល និងលេខ៣ទទួលបាន១០ម៉ឺនរៀល ៕
ចែករំលែកព័តមាននេះ