រាជធានីភ្នំពេញ ៖ ហេតុការណ៍គួរឱ្យភ្ញាក់ផ្អើលមួយកើតឡើង ខណៈនារីម្នាក់ព្យាយាមរត់ចូលរថយន្តសម្លាប់ខ្លួន ធ្វើឱ្យនារីម្នាក់ទៀតរត់ដេញចាប់អោបគ្នាឈរយំសស្រាក់នៅលើកំណាត់ផ្លូវលេខ២៧១ មុខខ្លោងទ្វារវត្តសន្សំកុសលក្នុងសង្កាត់បឹងទំពុន ខណ្ឌមានជ័យ វេលាម៉ោង៤ និង៤៥នាទីទៀបភ្លឺថ្ងៃទី២៩ តុលា ។
រាជធានីភ្នំពេញ ៖ ហេតុការណ៍គួរឱ្យភ្ញាក់ផ្អើលមួយកើតឡើង ខណៈនារីម្នាក់ព្យាយាមរត់ចូលរថយន្តសម្លាប់ខ្លួន ធ្វើឱ្យនារីម្នាក់ទៀតរត់ដេញចាប់អោបគ្នាឈរយំសស្រាក់នៅលើកំណាត់ផ្លូវលេខ២៧១ មុខខ្លោងទ្វារវត្តសន្សំកុសលក្នុងសង្កាត់បឹងទំពុន ខណ្ឌមានជ័យ វេលាម៉ោង៤ និង៤៥នាទីទៀបភ្លឺថ្ងៃទី២៩ តុលា ។
សាក្សីបានឱ្យដឹងថា មុនពេលកើតហេតុនារី២នាក់អាយុក្រោម២០ឆ្នាំ ម្នាក់ពាក់អាវដៃវែងពណ៌ខ្មៅ និងម្នាក់ទៀតពាក់អាវដៃវែងឆ្នូតខ្មៅលាយស បានរត់ដេញចាប់នៅលើកំណាត់ផ្លូវលេខ២៧១ ក្នុងទិសដៅពីកើតទៅលិច លុះមកដល់មុខវត្តសន្សំកុសលនារីពាក់អាវពណ៌ខ្មៅ ព្យាយាមរត់ចូលរថយន្តអ្នកដំណើរតាមផ្លូវ ប៉ុនប៉ងសម្លាប់ខ្លួន ធ្វើឱ្យនារីពាក់អាវឆ្នូតពណ៌សរត់ដេញតាមចាប់ និងបានឈរយំអោបគ្នាសស្រាក់ ។
យ៉ាងណាមិញអ្នកឃើញហេតុការណ៍នាំគ្នាសាកសួរមានរឿងអី បានជាចង់សម្លាប់ខ្លួនបែបនេះ តែនារីទាំងពីរនាក់មិននិយាយស្តីអ្វីទាំងអស់បាននាំគ្នាដើរចេញពីកន្លែងកើតហេតុតែម្តង ។ ក្នុងហេតុការណ៍នេះ ប្រជាពលរដ្ឋបាននាំគ្នាស្តីបន្ទោសថា បើចង់ស្លាប់កុំនាំគ្នាមករត់ចូលរថយន្តដែលគេកំពុងតែបើកបរបែបនេះ នាំឱ្យគ្រោះថ្នាក់ដល់អ្នកដទៃ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ