ខេត្តសៀមរាប ៖ ជនសង្ស័យម្នាក់ត្រូវបានកម្លាំងកងរាជអាវុធហត្ថខេត្តធ្វើការចាប់ឃាត់ខ្លួន កាលពីវេលាម៉ោង៥ និង៣០នាទីល្ងាចថ្ងៃទី២៦ តុលា ២០១២ ស្ថិតក្នុងភូមិភ្នំទ្រង់បាត ឃុំកំពង់ថ្កូវ ស្រុកក្រឡាញ់ ពីបទបបួលក្មេងស្រីមិនទាន់គ្រប់អាយុទៅងូតទឹក រួចលួងលោមរំលោ.ភសេពសន្ថវៈបានសម្រេចនៅវាលស្រែ ខណៈម្តាយក្មេងស្រីរងគ្រោះមិននៅផ្ទះ ។
ខេត្តសៀមរាប ៖ ជនសង្ស័យម្នាក់ត្រូវបានកម្លាំងកងរាជអាវុធហត្ថខេត្តធ្វើការចាប់ឃាត់ខ្លួន កាលពីវេលាម៉ោង៥ និង៣០នាទីល្ងាចថ្ងៃទី២៦ តុលា ២០១២ ស្ថិតក្នុងភូមិភ្នំទ្រង់បាត ឃុំកំពង់ថ្កូវ ស្រុកក្រឡាញ់ ពីបទបបួលក្មេងស្រីមិនទាន់គ្រប់អាយុទៅងូតទឹក រួចលួងលោមរំលោភសេពសន្ថវៈបានសម្រេចនៅវាលស្រែ ខណៈម្តាយក្មេងស្រីរងគ្រោះមិននៅផ្ទះ ។
យោងតាមបទបញ្ជារបស់លោកឧត្តមសេនីយ៍ត្រីម៉ន សាម៉ុន មេបញ្ជាការកងរាជអាវុតហត្ថខេត្តសៀមរាប បានចាត់ឱ្យមន្ត្រីស្រាវជ្រាវ និងយុត្តិធម៌ដឹកនាំដោយលោកវរសេនីយ៍ឯកស្រី យូរ៉ា មេបញ្ជាការរង និងប្រធានមន្ទីរស្រាវជ្រាវ និងយុត្តិធម៌ និងកម្លាំងជំនាញរបស់ការិយាល័យស្រាវជ្រាវប្រឆាំងការជួញដូរមនុស្ស និងការពារអនីតិជន បានសហការគ្នាជាមួយកម្លាំងសមត្ថកិច្ចកងរាជអាវុធហត្ថស្រុកក្រឡាញ់ ឈានដល់ការឃាត់ខ្លួនជនសង្ស័យ ឈ្មោះព្រេជ ហល់ ភេទប្រុស អាយុ៣១ឆ្នាំ មានទីលំនៅស្រុកក្រឡាញ់ ខេត្តសៀមរាប ពីបទចាប់រំលោភសេពសន្ថវៈក្មេងស្រីមិនទាន់គ្រប់អាយុដែលមានស្ថានទម្ងន់ទោស ។
ដែលជនសង្ស័យបានប្រព្រឹត្តនៅភូមិភ្នំបាត ឃុំកំពង់ថ្កូវ ស្រុកក្រឡាញ់ កាលពីវេលាម៉ោង៩ព្រឹកថ្ងៃទី២៤ តុលា ២០១២ នៅវាលស្រែខាងលិចផ្ទះ ។ ហើយជនសង្ស័យនោះ បានសារភាពថា ខ្លួនពិតជាបបួលនាងទៅងូតទឹករួចក៏លួងលោមនាងរួមរ័កតែម្តងរហូតបានសម្រេចនៅកណ្តាលវាលស្រែខាងលិចផ្ទះរបស់ជនរងគ្រោះ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ