ខេត្តព្រះវិហារ ៖ មានភ្លៀងធ្លាក់មួយមេលាយឡំ និងខ្យល់កន្ត្រាក់នោះ បណ្ដាលឲ្យខូចខាតផ្ទះប្រជាពលរដ្ឋ និងដើមឈើ ព្រមទាំងហេដ្ឋារចនាសម្ព័ន្ធមួយចំនួននៅសង្កាត់កំពង់ប្រណាក និងសង្កាត់ប៉ាលហាល ក្រុងព្រះវិហាររងការខូចខាត ។…
ខេត្តព្រះវិហារ ៖ មានភ្លៀងធ្លាក់មួយមេលាយឡំ និងខ្យល់កន្ត្រាក់នោះ បណ្ដាលឲ្យខូចខាតផ្ទះប្រជាពលរដ្ឋ និងដើមឈើ ព្រមទាំងហេដ្ឋារចនាសម្ព័ន្ធមួយចំនួននៅសង្កាត់កំពង់ប្រណាក និងសង្កាត់ប៉ាលហាល ក្រុងព្រះវិហាររងការខូចខាត ។
លោកវរសេនីយ៍ឯកលី តៃឈន់ អធិការនគរបាលក្រុងព្រះវិហារបានឲ្យអ្នកយកព័ត៌មានដឹងថាថ្ងៃទី២៨ ខែមេសា ឆ្នាំ២០២៤ នៅក្នុងក្រុងព្រះវិហារ មានករណីភ្លៀងខ្យល់កន្ត្រាក់ បណ្ដាលឲ្យខូចខាតផ្ទះសម្បែង តូប បង្គោល ភ្លើង សូឡា និងដើមឈើមួយចំនួនរងការខូចខាត មានដូចខាងក្រោម ៖ នៅសង្កាត់ប៉ាលហាល ប៉ះពាល់ដូចជា ៖ ផ្ទះចំនួន០៩ខ្នង បង្គោល ភ្លើង សូឡាចំនួន០១ដើម និងដើមឈើ ចំនួន១៧ដើម ។
ក្នុងនោះមាន១ .ភូមិភារកិច្ច-ផ្ទះរបើកដំបូលចំនួន០៩ខ្នង និងដើមឈើរលំចំនួន០៤ដើម ។ ២.ភូមិហ្មសែត ដើមឈើរលំចំនួន១២ដើម(ដើមឈើលំអរនៅស្តូបតាឌី) និងបង្គោលភ្លើងសូឡារលំ ០១ដើម ។ ៣.ភូមិឯកភាព ដើមឈើ: រលំចំនួន០១ដើម ។ សង្កាត់កំពង់ប្រណាក ប៉ះពាល់ដូចជា ៖ តូបចំនួន០២ខ្នង និងផ្ទះចំនួន០១ខ្នង ។ ១.ភូមិអណ្តូងពោធិ៍-ប៉ះពាល់តូបជួសជុលម៉ូតូទំហំ ៤ម×៨ម កម្ពស់៤ម ធ្វើអំពីឈើប្រក់ដំបូលស័ង្កសី ខូចខាតដំបូលទាំងស្រុង ។ ប៉ះពាល់តូបកាត់ដេរទំហំ ៤ម×៨ម កម្ពស់ ៤ម ធ្វើអំពីឈើប្រក់ដំបូលស័ង្កសី ខូចខាតដំបូលទាំងស្រុង ។
២.ភូមិគោកបេង-ប៉ះពាល់ផ្ទះទំហំ ៩ម×១១ម កម្ពស់៤ម ធ្វើអំពីឈើប្រក់ដំបូលស័ង្កសី ខូចខាតដំបូលសំយ៉ាបខាងមុខផ្ទះ ។ សរុបទាំង២ សង្កាត់ ខូចខាតផ្ទះពលរដ្ឋចំនួន១០ខ្នង តូបចំនួន០២ខ្នង ,បង្គោលភ្លើង សូឡាចំនួន០១ដើម និងដើមឈើ ចំនួន១៧ដើម ។
បន្ទាប់ពីមានហេតុការណ៍ខ្យល់កន្ត្រាក់នោះ កម្លាំងសមត្ថកិច្ច និងអាជ្ញាធរពាក់ព័ន្ធនៃក្រុងព្រះវិហារ បានចុះទៅដល់កន្លែងកើតហេតុ ដើម្បីជួយអន្តរាគមន៍ដល់ពលរដ្ឋភ្លាមៗដែរ ។
នៅក្នុងហេតុការនោះភ្លាមៗដែ រក្នុងថ្ងៃទី២៨ ខែមេសា ឆ្នាំ២០២៤ ក្រុមការងារមន្ទីរសាធារណការ និងដឹកជញ្ជូនខេត្តព្រះវិហារក៏បានចុះកាត់ដើមឈើចំនួន០៣ដើផងដែរដែលត្រូវខ្យល់កន្ត្រាក់បោកបក់ដួលរលំមកលើផ្លូវលើកំណាត់ផ្លូវជាតិលេខ៦២ ចាប់ពីចន្លោះគ.ម១២៤+៥០០ ដល់គ.ម១២៦+០០០ ដើម្បីសម្រួលចរាចរណ៍ជូនប្រជាពលរដ្ឋក្នុងការធ្វើដំណើរជិតឆ្ងាយនៅលើដងផ្លូវនោះផងដែរ ៕
ចែករំលែកព័តមាននេះ