ក្មេងស្រីជំទង់ម្នាក់ទៅឃ្វាលគោ ត្រូវគេចាប់រំលោ.ភបូក
- កំពង់ចាម
ខេត្តត្បូងឃ្មុំ ៖ ក្មេងស្រីជំទង់ម្នាក់ឈ្មោះ ស.ន.គ អាយុ១៤ឆ្នាំ រស់នៅស្រុកពញាក្រែក បានចេញពីផ្ទះទៅឃ្វាលគោ កាលពីព្រឹកថ្ងៃទី០៨ វិច្ឆិកា ២០១៧…
ខេត្តត្បូងឃ្មុំ ៖ ក្មេងស្រីជំទង់ម្នាក់ឈ្មោះ ស.ន.គ អាយុ១៤ឆ្នាំ រស់នៅស្រុកពញាក្រែក បានចេញពីផ្ទះទៅឃ្វាលគោ កាលពីព្រឹកថ្ងៃទី០៨ វិច្ឆិកា ២០១៧ ត្រង់ចំណុចព្រៃឈើទាលខ្ពស់។ ដោយបាត់មិនឃើញប្រលប់មកផ្ទះវិញនោះទេ។ ក៏បង្កឲ្យមានការភ្ញាក់ផ្អើលឆោរឡោ ហើយសមាជិកក្រុមគ្រួសារ នាំគ្នាទៅតាមមើលឃើញដេកស្លាប់ ជាករណីរំលោភបូក។ ក្រោមការយកទុកដាក់ពីសមត្ថកិច្ចគ្រប់លំដាប់ថ្នាក់នោះ ក្រោយកើតហេតុ៦ថ្ងៃ បានឈានទៅចាប់ជនសង្ស័យបានចំនួន២នាក់ និងបក្ខពួកម្នាក់ទៀតរត់គេចខ្លួនបាត់។ លោកឧត្តមសេនីយ៍ត្រី ប្រាក់ ប៊ុនណុន ស្នងការរងនគរបាលខេត្តទទួលផែនព្រហ្មទណ្ឌ បានឲ្យដឹងថា ក្មេងស្រីដែលស្លាប់ខាងលើបានចេញពីផ្ទះ ដោយបានដឹកគោយកទៅឃ្វាល នាព្រឹកព្រលឹមតែមិនបានឃើញមកផ្ទះវិញ លុះដល់ចន្លោះម៉ោង១០ទៅ១១ព្រឹក ថ្ងៃទី០៨ វិច្ឆិកា ពេលដែលបាត់មនុស្សក៏នាំគ្នាទៅតាមរកកន្លែងឃ្វាលគោ ស្រាប់តែឃើញដេកស្លាប់ បង្កឲ្យមានការភ្ញាក់ផ្អើលមនុស្សមើលហើយប៉ុស្ត៍
រដ្ឋបាលមូលដ្ឋានបានចុះទៅហ៊ុំព័ទ្ធកន្លែងកើតហេតុ មិនឲ្យអ្នកណាចូលទៅប៉ះសពឡើយ។
លោកឧត្តមសេនីយ៍ត្រី ប្រាក់ ប៊ុនណុន ស្នងការរងគរបាលខេត្តប្រាប់បន្តថា ដោយទទួលបានបញ្ជាពី លោកឧត្តមសេនីយ៍ទោ បែន រ័ត្ន ស្នងការនគរបាលខេត្ត នោះបានចាត់ឲ្យកម្លាំងនគរបាលបច្ចេកទេសចុះមកពិនិត្យសពឃើញថា ជាករណីរំលោភបូក។ នាថ្ងៃកើតហេតុសមត្ថកិច្ចគ្រប់លំដាប់ថ្នាក់បានធ្វើការស្រាវជ្រាវ ដោយយកចិត្តទុកបំផុត ដើម្បីតាមរកក្រុមឃាតកដ៏ឃោរឃៅតើមានចំនួនប៉ុន្មាននាក់? ទីបំផុតក្នុងរយៈពេល៦ថ្ងៃក្រោយកើតហេតុ ជនសង្ស័យចំនួន២នាក់ ត្រូវបានចាប់ខ្លួនជាបន្តបន្ទាប់ក្នុងនោះមាន ១-ឈ្មោះ គួយ ខេណាក់ ភេទប្រុស អាយុ២៧ឆ្នាំ ២-ឈ្មោះ ហេង ភស្ស នៅភា ភេទប្រុស អាយុ១៧ឆ្នាំ ទាំងពីរនាក់នេះរស់នៅភូមិឃុំជាមួយនឹងអ្នកស្លាប់ដែរ។ ដោយឡែកបក្ខពួកម្នាក់ទៀតបានរត់គេចខ្លួនបាត់ពីមូលដ្ឋាន ដោយសមត្ថកិច្ចកំពុងតែតាមស្វែងរកចាប់ខ្លួន។
លោកឧត្តមសេនីយ៍ត្រី ស្នងការរងបានបញ្ជាក់ថា បន្ទាប់មកនៅថ្ងៃទី១៤ វិច្ឆិកា ២០១៧ ចៅក្រមស៊ើប ហៃ ណៃហេង បានចេញដីកាឃុំខ្លួនលេខ៤២៨ ដោយបានចោទឈ្មោះ ហេង ភស្ស ពីបទឃាតកម្មដោយមានទារុណកម្ម អំពើឃោរឃៅ ឬអំពើរំលោភសេពសន្ថវៈ នៅត្រង់ចំណុចព្រៃឈើទាលភ្លោះក្នុងភូមិស្រុកពញាក្រែក កាលពីថ្ងៃទី០៨ វិច្ឆិកា ២០១៧ យោងតាមមាត្រា២០៥ នៃក្រមព្រហ្មទណ្ឌ។ ចំណែកឈ្មោះ កួយ ខៃណាក់ ត្រូវបានចោទប្រកាន់ពីបទដូចគ្នាផងដែរ រហូតមកដល់យប់ថ្ងៃទី១៥ វិច្ឆិកានេះ ជនទី៣ មិនទាន់ត្រូវបានចាប់ខ្លួននូវឡើយទេ។ សូមបញ្ជាក់ថា កន្លងមកនេះមានបទល្មើសធំៗចំនួនពីរករណី ដែលកើតឡើងនៅស្រុកក្រុចឆ្មា និងស្រុកពញាក្រែកត្រូវបានលោកស្នងការនគរបាលខេត្តត្បូងឃ្មុំ តាមបំបែក និងចាប់បានឃាតកដោយទទួលបានភាពជោគជ័យ៕
ចែករំលែកព័តមាននេះ