រាជធានីភ្នំពេញ ៖ បុរសជាជនអនាថាម្នាក់ ត្រូវបានគេប្រទះឃើញដួលស្លាប់នៅតាមដងផ្លូវ បន្ទាប់ពីផឹកស្រវឹងយ៉ាងជោកជាំ ។ ការប្រទះឃើញបុរសរូបនោះ ពុំត្រូវគេស្គាល់អត្តសញ្ញាណឡើយជាជនអនាថា ដួលស្លាប់បង្កឲ្យមានការភ្ញាក់ផ្អើលកាលពីវេលាម៉ោង៤ទៀបភ្លឺ ថ្ងៃទី០៩…
រាជធានីភ្នំពេញ ៖ បុរសជាជនអនាថាម្នាក់ ត្រូវបានគេប្រទះឃើញដួលស្លាប់នៅតាមដងផ្លូវ បន្ទាប់ពីផឹកស្រវឹងយ៉ាងជោកជាំ ។
ការប្រទះឃើញបុរសរូបនោះ ពុំត្រូវគេស្គាល់អត្តសញ្ញាណឡើយជាជនអនាថា ដួលស្លាប់បង្កឲ្យមានការភ្ញាក់ផ្អើលកាលពីវេលាម៉ោង៤ទៀបភ្លឺ ថ្ងៃទី០៩ ខែកញ្ញា ឆ្នាំ២០២៥ នៅចំណុចលើផ្លូវបេតុង មុខផ្ទះគ្មានលេខ ក្នុងភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
តាមសន្តិសុខ ដែលយាមនៅក្បែរកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញបុរសរូបនោះដួលស្លាប់នៅលើដងផ្លូវ រួចក៏រាយការណ៍ទៅសមត្ថកិច្ចមូលដ្ឋាន ដើម្បីរាយការណ៍បន្តទៅនគរបាលជំនាញ ដើម្បីចុះត្រួតពិនិត្យ។ ទោះបីជាយ៉ាងណាគេពុំដឹងថា បុរសរូបនោះដួលស្លាប់តាំងពីពេលណានោះឡើយ។ នៅកន្លែងកើត ហើយសមត្ថកិច្ចរកឃើញនៅលើឃឿនចិញ្ចើមផ្លូវមុខផ្ទះមានសំបកកំប៉ុងស្រាបៀរ ចំនួន៣, នំប៉ាវចំនួន២, ផ្លែឈើ១ថង់, សំបកដបទឹកសុទ្ធ និងស្បែកជើងស៊កជ័រ ១គូររបស់ជនរងគ្រោះ ។
តាមព័ត៌មានឱ្យដឹងទៀតថា បុរសអនាថារូបនោះ តែងតែចូលចិត្តផឹកស្រាជាប្រចាំមិននឹកស្មានថា ផឹកស្រវឹង ដួលស្លាប់បែបនេះ។បន្ទាប់ពីត្រួតពិនិត្យសាកសព លោកឧកញ៉ាវេជ្ជបណ្ឌិត នង សុវណ្ណរ័ត្ន គ្រូពេទ្យកោសល្យវិច័យអមតុលាការរាជធានីភ្នំពេញ បានសន្និដ្ឋានថា បុរសរូបនោះ ស្លាប់ដោយគាំងបេះដូង អាចបណ្ដាលមកពីជំងឺបេះដូង ៕
ចែករំលែកព័តមាននេះ