ខេត្តកណ្តាល ៖ ជនសង្ស័យ២នាក់ ស្លៀកពាក់ស្អាតបាត មើលមិនដឹងថាជាចោរនោះទេ បានធ្វើសកម្មភាពលួចកាច់.កម៉ូតូ ប៉ះចំម៉ូតូរបស់លោកអធិការរងទទួលផែនព្រហ្មទណ្ឌស្រុកកៀនស្វាយ ត្រូវសមត្ថកិច្ចបោះដៃតាមវិទ្យុទាក់ទង ដេញតាមស្ទាក់ រហូតចាប់ខ្លួនបានទាំង២នាក់មកវិញ…
ខេត្តកណ្តាល ៖ ជនសង្ស័យ២នាក់ ស្លៀកពាក់ស្អាតបាត មើលមិនដឹងថាជាចោរនោះទេ បានធ្វើសកម្មភាពលួចកាច់.កម៉ូតូ ប៉ះចំម៉ូតូរបស់លោកអធិការរងទទួលផែនព្រហ្មទណ្ឌស្រុកកៀនស្វាយ ត្រូវសមត្ថកិច្ចបោះដៃតាមវិទ្យុទាក់ទង ដេញតាមស្ទាក់ រហូតចាប់ខ្លួនបានទាំង២នាក់មកវិញ ។
ហេតុការណ៍នេះបានលកើតឡើងកាលពីវេលាម៉ោង០៧ និង ៣០នាទីយប់ថ្ងៃទី០៧ ខែកញ្ញា ឆ្នាំ២០២៥ ចំណុចផ្លូវជាតិលេខ២ ភូមិដើមមៀន១ សង្កាត់ដើមមៀន ក្រុងតាខ្មៅ ខេត្តកណ្តាល។
លោកវរសេនីយ៍ឯក យី វណ្ណដា អធិការដ្ឋាននគរបាលក្រុងតាខ្មៅ បានឲ្យដឹងជនសង្ស័យមានគ្នា២នាក់ ៖
១-ឈ្មោះ បឿន ចាន់នី ភេទប្រុស អាយុ៣៧ឆ្នាំ មុខរបរ មិនពិតប្រាកដ រស់នៅភូមិព្រែកធំ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
២-ឈ្មោះ ខុម សត្យា ភេទប្រុស អាយុ២៦ឆ្នាំ មុខរបរ មិនពិតប្រាកដ រស់នៅភូមិព្រែកធំ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ ។
ចំណែកជនរងគ្រោះមានឈ្មោះ លឿន ជីវ៉ា ភេទប្រុស អាយុ៣៦ឆ្នាំ មុខរបរ នគរបាល (អធិការរងទទួលផែនព្រហ្មទណ្ឌស្រុកកៀនស្វាយ) រស់នៅភូមិដើមមៀន១ សង្កាត់ដើមមៀន ក្រុងតាខ្មៅ ខេត្តកណ្តាល ។ ក្នុងនោះសមត្ថកិច្ចដកហូត វត្ថុតាងរួមមាន ៖ ម៉ូតូ១គ្រឿងម៉ាកHonda c125 ពណ៌ខ្មៅ ផ្លាកលេខ ភ្នំពេញ1JB-4939 (របស់ជនរងគ្រោះ), ម៉ូតូ១គ្រឿងម៉ាកHonda click ពណ៌ស ផ្លាកលេខ ភ្នំពេញ 1JT-0842(របស់ជនសង្ស័យ) សោរសៀលេខ០៨ ចំនួន០១, សោរខ្វែងរុំស្កុតពណ៌ខ្មៅចំនួន០១ ,ដែកសំប៉ែតបួនជ្រុងចំនួន០៣ ។
លោកបានបន្តឲ្យដឹងទៀតថា នៅថ្ងៃទី០៧ ខែកញ្ញា ឆ្នាំ ២០២៥ ម៉ោង៧និង៣០នាទីយប់ ជនរងគ្រោះបានយកម៉ូតូ១គ្រឿងម៉ាកHonda ធុនសេ125 ពណ៌ខ្មៅ ស៊េរីឆ្នាំ២០២២ ពាក់ផ្លាកលេខ ភ្នំពេញ 1jB-4939 មកទុកនៅមុខហាងអ៊ុតសក់ស្ថិតនៅភូមិដើមមៀន១ សង្កាត់ដើមមៀន ក្រុងតាខ្មៅ ខេត្តកណ្តាល ក្រោយមកក៏មានជនសង្ស័យចំនួន០២នាក់ខាងលើ បានធ្វើសកម្មភាពលួចកាច់ក ម៉ូតូរបស់ជនរងគ្រោះជិះគេចខ្លួនបាត់។
ក្រោយពេលកើតហេតុ ជនរងគ្រោះ បានមកដាក់ពាក្យបណ្តឹងនៅអធិការនគរបាលក្រុងតាខ្មៅ និងឆែកតាមរយៈកាមេរ៉ាសុវត្ថិភាព ក៏នគរបាលបោះដៃតាមវិទ្យុទាក់ទង ដេញតាមស្ទាក់ រហូតចាប់ខ្លួនបានទាំង២នាក់មកវិញ រួមទាំងវត្ថុតាងយកមកសួរនាំនិងចាត់ការតាមនីតិវិធី។
នៅចំពោះមុខនគរបាលជនសង្ស័យបានឆ្លើយសារភាពថាខ្លួនទាំង២នាក់ ពិតជាបានធ្វើសកម្មភាពលួចកាច់ក ម៉ូតូម៉ាកHonda c125 ឆ្នាំ២០២២ ពណ៌ខ្មៅ ផ្លាកលេខ ភ្នំពេញ 1JB -4939 របស់ជនរងគ្រោះ ប្រាកដមែន។
បច្ចុប្បន្នជនសង្ស័យទាំង២នាក់ខាងលើ ត្រូវបានសមត្ថកិច្ចធ្វើការ ឃាត់ខ្លួនបណ្តោះអាសន្ននៅអធិការដ្ឋាននគរបាលក្រុងតាខ្មៅ ដើម្បីចាត់ការតាមច្បាប់បន្តទៀត ៕
ចែករំលែកព័តមាននេះ