រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងនគរបាលខណ្ឌទួលគោកឃាត់ខ្លួន បន្ទាប់ពីប៉ុនប៉ងធ្វើសកម្មភាពលួចយកទ្រព្យសម្បត្តិប្រជាពលរដ្ឋនៅចំណុចផ្ទះលេខ១៥៤A ផ្លូវលេខ១៨៦ ក្រុមទី៧ ភូមិ៩ សង្កាត់ទឹកល្អក់ទី៣ ខណ្ឌទួលគោក រាជធនីភ្នំពេញ…
រាជធានីភ្នំពេញ ៖ ជនសង្ស័យម្នាក់ត្រូវបានកម្លាំងនគរបាលខណ្ឌទួលគោកឃាត់ខ្លួន បន្ទាប់ពីប៉ុនប៉ងធ្វើសកម្មភាពលួចយកទ្រព្យសម្បត្តិប្រជាពលរដ្ឋនៅចំណុចផ្ទះលេខ១៥៤A ផ្លូវលេខ១៨៦ ក្រុមទី៧ ភូមិ៩ សង្កាត់ទឹកល្អក់ទី៣ ខណ្ឌទួលគោក រាជធនីភ្នំពេញ កាលពីវេលាម៉ោង១១និង៥៧នាទីយប់ ថ្ងៃទី១៤ ខែតុលា ឆ្នាំ២០២៥ ។
ជនសង្ស័យរូបនោះឈ្មោះ ថោងចាន់ វាសនា ហៅវុធ ភេទប្រុស អាយុ២៧ឆ្នាំ ជនជាតិខ្មែរ មុខរបរ និងស្នាក់នៅផ្ទះ១៧៦Z ផ្លូវ១៩២ សង្កាត់ទឹកល្អក់ទី៣ ខណ្ឌទួលគោក រាជធានីភ្នំពេញ (មានសារធាតុញៀ.ន) ។
ចំណែកជនរងគ្រោះមានឈ្មោះ ហាក់ ធនសុធី ភេទប្រុស អាយុ៣១ឆ្នាំ ជនជាតិខ្មែរ មុខរបរបុកគ្គលិកក្រុមហ៊ុន ស្នាក់នៅផ្ទះលេខ១៥៤A ផ្លូវលេខ១៨៧ ក្រុមទី៧ ភូមិ៩ សង្កាត់ទឹកល្អក់ទី៣ ខណ្ឌទួលគោក ។
តាមនគរបាលខណ្ឌទួលគោកបានឲ្យដឹងថា នៅមុនពេលកើតហេតុកម្លាំងសមត្ថកិច្ចនគរបាលខណ្ឌទួលគោក និងនគរបាលប៉ុស្តិ៍ទឹកល្អក់ទី៣ បានជិះល្បាតនៅក្នុងមូលដ្ឋានគ្រប់ប្រទះឃើញជនសង្ស័យកំពុងតែធ្វើសកម្មភាពប៉ុនប៉ងលួចទ្រព្យសម្បត្តិ ប្រជាពលរដ្ឋនៅពេលយប់ហើយសមត្ថកិច្ចក៏បានឃាត់សួរ ។
បន្ទាប់ពីឃាត់ខ្លួនសមត្ថកិច្ចដកហូតវត្ថុតាងចាប់យករួមមាន ៖-កាបូបតូចពណ៌ប្រផេះចំនួន០១ ,កូនកំបិតដងឈើចំនួន០១ផងដែរ ។
បច្ចុប្បន្ន : ជនសង្ស័យខាងលើកំពុងឃាត់ខ្លួនជាបណ្ដោះអាសន្ននៅអធិការដ្ឋាននគរបាលខណ្ឌទួលគោក ដើម្បីសាកសួរតាមនីតិវិធី ៕
ចែករំលែកព័តមាននេះ