សត្វក្អែប គឺជាពពួកសត្វមានពិសអាចបង្កហានិភ័យខ្លះៗដល់មនុស្ស ប៉ុន្តែទោះបីជាយ៉ាងណាក៏ដោយ វាត្រូវបានគេដឹងថា គឺជាប្រភេទសត្វមានគុណតម្លៃគួរសមផ្នែកអេកូឡូស៊ី ក្នុងបរិស្ថានធម្មជាតិ ។ មជ្ឈមណ្ឌលអង្គរសម្រាប់ការអភិរក្សជីវៈចម្រុះបានអះអាងនាពេលថ្មីៗនេះថា ទោះបីជាសត្វក្អែបពិតជាសត្វដែលមានពិសក៏ពិតមែន និងមើលទៅហាក់គួរឱ្យខ្លាចថែមទៀត…
សត្វក្អែប គឺជាពពួកសត្វមានពិសអាចបង្កហានិភ័យខ្លះៗដល់មនុស្ស ប៉ុន្តែទោះបីជាយ៉ាងណាក៏ដោយ វាត្រូវបានគេដឹងថា គឺជាប្រភេទសត្វមានគុណតម្លៃគួរសមផ្នែកអេកូឡូស៊ី ក្នុងបរិស្ថានធម្មជាតិ ។
មជ្ឈមណ្ឌលអង្គរសម្រាប់ការអភិរក្សជីវៈចម្រុះបានអះអាងនាពេលថ្មីៗនេះថា ទោះបីជាសត្វក្អែបពិតជាសត្វដែលមានពិសក៏ពិតមែន និងមើលទៅហាក់គួរឱ្យខ្លាចថែមទៀត ប៉ុន្តែជាក់ស្តែងពួកវាមានអត្ថប្រយោជន៍ច្រើន ។
ស្ថាប័នអភិរក្សមួយនេះ បានអះអាងថា សត្វក្អែប ជាអ្នកទប់ស្កាត់ ឬរក្សាលំនឹងចំនួនសត្វល្អិតចង្រៃផ្សេងៗដែលមកបំផ្លាញដំណាំក្នុងបរិស្ថានធម្មជាតិ ។ សត្វក្អែប គឺជាសត្វរំពាដ៏មានប្រសិទ្ធភាព ដោយស៊ីពពួកសត្វឥតឆ្អឹងកងនានាដូចជា សន្តានសិប្បីជាតិ ឥតសំបក ខ្យងគោក និងពពួកសត្វល្អិតនានា ក្រុមកញ្ចែ កំពោង និងខ្ញុងជាដើម ដែលអាចនឹងបំផ្លាញនូវផលដំណាំរបស់មនុស្សយើង ។
សត្វក្អែបមានច្រើនប្រភេទណាស់ ហើយនៅកម្ពុជា វាក៏សំបូរសូម្បីតែនៅតាមលំនៅស្ថាននានានៅក្នុងរាជធានីភ្នំពេញក៏មានដែរ ហើយឧស្សាហ៍ឃើញ ជាពិសេសពេលលំនៅស្ថានលិចទឹក ។
សត្វក្អែបដែលធំបំផុតគេបានកត់ត្រាកន្លងមក គឺមានប្រវែងប្រមាណជា៣០សង់ទីម៉ែត្រ ហើយមកដល់ពេលនេះ មិនទាន់មានការកត់ត្រាថា តើសត្វនេះអាចរស់នៅបានប៉ុន្មានឆ្នាំពិតប្រាកដឡើយ ដោយ ឯកសារខ្លះថា ពី៥ទៅ៧ឆ្នាំ ឯកសារខ្លះទៀតថា មួយទស្សវត្សរ៍ ឬយូរជាងនេះ ៕
ចែករំលែកព័តមាននេះ