បង្ក្រាបទីតាំងកន្ទុយលេខមួយកន្លែង ឃាត់ខ្លួនមនុស្ស២នាក់
- ភ្នំពេញ
រាជធានីភ្នំពេញ ៖ កាលពីវេលាម៉ោង១៥និង០០នាទីរសៀល ថ្ងៃទី១៤ ខែវិច្ឆិកា ឆ្នាំ២០១៧ កម្លាំងសមត្ថកិច្ចចម្រុះដឹកនាំដោយ លោក ឌី រ័ត្នខេមរុណ…
រាជធានីភ្នំពេញ ៖ កាលពីវេលាម៉ោង១៥និង០០នាទីរសៀល ថ្ងៃទី១៤ ខែវិច្ឆិកា ឆ្នាំ២០១៧ កម្លាំងសមត្ថកិច្ចចម្រុះដឹកនាំដោយ លោក ឌី រ័ត្នខេមរុណ អភិបាលរងខណ្ឌ បានចុះបង្ក្រាបទីតាំងកត់កន្ទុយលេខ (ឆ្នោតយួន) មួយកន្លែងស្ថិតតាមបណ្តោយផ្លូវប៉េតុង ក្នុងភូមិឬស្សី៣ សង្កាត់ស្ទឹងមានជ័យ២ ខណ្ឌមានជ័យ ។
ជនសង្ស័យជាអ្នកកត់មានឈ្មោះ ឡឹក សុវណ្ណា ភេទប្រុស អាយុ៥៧ឆ្នាំ មុខរបរនៅផ្ទះ និងអ្នកចូលចាក់ឆ្នោតម្នាក់ឈ្មោះ ថន ស្រស់ ភេទប្រុស អាយុ២៩ឆ្នាំ ។
ក្នុងការចុះបង្ក្រាប កម្លាំងចម្រុះបានធ្វើការដកហូតវត្ថុតាងរួមមានដូចជា ក្រដាសមានសរសេរលេខឆ្នោតវៀតណាមមួយចំនួន, ម៉ាស៊ីន Computer យួរដៃ១គ្រឿង, ម៉ាស៊ីនបោះពុម្ភ១គ្រឿង, ម៉ាស៊ីនកត់លេខ២គ្រឿង, តុចំនួន២ (តុឈើ១, តុដែក១) កៅអីជ័រចំនួន៥ និងថវិកាចំនួន៥២៥,០០០រៀល ។
ក្រោយការឃាត់ខ្លួនទាំងអ្នកកត់ និងអ្នកចាក់ទាំង២នាក់ ត្រូវនាំខ្លួនយកទៅកាន់អធិកាដ្ឋាននគរបាលខណ្ឌមានជ័យ រង់ចាំកសាងសំណុំរឿងបញ្ចូនទៅតុលាការចាត់ការទៅតាមនីតិវិធី ៕
ចែករំលែកព័តមាននេះ