រាជធានីភ្នំពេញ ៖ អ្នកនាំពាក្យរាជរដ្ឋាភិបាល បានឲ្យដឹងថា ដោយសារការឈ្លានពានរបស់យោធាថៃ លើដែនអធិបតេយ្យភាពកម្ពុជា មកដល់ពេលនេះ យោធាថៃ បានធ្វើការបាញ់ប្រហារបណ្តាលឲ្យជនស៊ីវិលស្លូតត្រង់កម្ពុជា ស្លាប់កើនដល់៣០នាក់…
រាជធានីភ្នំពេញ ៖ អ្នកនាំពាក្យរាជរដ្ឋាភិបាល បានឲ្យដឹងថា ដោយសារការឈ្លានពានរបស់យោធាថៃ លើដែនអធិបតេយ្យភាពកម្ពុជា មកដល់ពេលនេះ យោធាថៃ បានធ្វើការបាញ់ប្រហារបណ្តាលឲ្យជនស៊ីវិលស្លូតត្រង់កម្ពុជា ស្លាប់កើនដល់៣០នាក់ និងរបួសកើនដល់៨៨នាក់ ។
ថ្លែងក្នុងសន្នីសារព័ត៌មាន នារសៀលថ្ងៃទី២៥ ខែធ្នូ ឆ្នាំ២០២៥ នៅទីស្តីការគណៈរដ្ឋមន្ត្រី ឯកឧត្តម ប៉ែន បូណា អ្នកនាំពាក្យរាជរដ្ឋាភិបាល បានលើកឡើងថា គិតមកដល់ម៉ោងនេះ មានជនស៊ីវិលស្លូតត្រង់កម្ពុជា បានស្លាប់ចំនួន៣០នាក់ របួសកើនដល់៨៨នាក់ ក្នុងនោះមានកុមារ ស្ត្រីមនុស្សចាស់ ចំណែកមនុស្សភៀសសឹក ចេញពីផ្ទះសំបែង កើនដល់ជាង៦៣ម៉ឺននាក់ ដោយសារយោធាថៃបានធ្វើការឈានពានដែនអធិបតេយ្យកម្ពុជា ។
ឯកឧត្តម អ្នកនាំពាក្យ បានលើកឡើងថា យោធាថៃ បានបាញ់បំផ្លិចបំផ្លាញហេដ្ឋារចនាសម្ព័ន្ធកម្ពុជាច្រើន មានផ្ទះសំបែង ផ្លូវស្ពាន សាលារៀន មន្ទីពេទ្យ ផ្សារ អាគាអាជីវកម្មឯកជន វត្តអារាម រូបបដិមាព្រះវិស្ណ្ រហូតសម្បត្តិវប្បធម៌ជាតិ និងបេតិកភណ្ឌពិភពលោក ដ៏មានតម្លៃរបស់មនុស្សជាតិ បានរងការបំផ្លិចបំផ្លាញចារៀងរាល់ថ្ងៃពីការទម្លាក់គ្រាប់បែក និងការបាញ់ផ្លោង របស់ទាហានថៃ ។
អ្នកនាំពាក្យ បានបញ្ជាក់ថា ៖ “នេះតុល្យការដ៏ធ្ងន់ធ្ងរ បំផុតមកលើជនស៊ីវិល និងហេដ្ឋារចនាសម្ព័ន្ធស៊ីវិល បណ្តាលមកសង្គ្រាមឈ្លានពានយ៉ាងកម្រោល រយៈពេល១៩ថ្ងៃហើយ របស់ទាហាថៃ មកលើដែនអធិបតេយ្យភាពកម្ពុជា រាប់ចាប់តាំងពីថ្ងៃទី៧ធ្នូ ឆ្នាំមក” ។
ឯកឧត្ត មន្ថែមថា កងទ័ពឈ្លានបានថៃ បានទម្លាក់គ្រាប់បែកដោយមិនរើសទីតាំង មិនរើសកន្លែង ដែលធ្វើឲ្យជនស៊ីវិលស្លូតត្រង់កម្ពុជារងគ្រោះជាច្រើន និងបន្តកើនឡើងជាលំដាប់ ខណៈហេដ្ឋារចនាសម្ព័ន្ធស៊ីវិលក៏រងការបំផ្លិចបំផ្លាញ់ជារៀងរាល់ថ្ងៃ។ ទន្ទឹមនឹងសង្គ្រាមប្រដាប់អាវុធ ដ៏សាហាវព្រៃផ្សៃ មកលើកម្ពុជា និងពលរដ្ឋស្លូតត្រង់ មេដឹកនាំថៃ ក៏បានប្រើប្រាស់ សង្គ្រាមចិត្តសាស្ត្រ តាមរយៈការប្រើប្រាស់បណ្តាញផ្លូវការ និងមិនផ្លូវការ ផ្សព្វផ្សាយនានា ព័ត៌មានមិនពិត ប្រឌិតបំភ្លៃក្នុងគោលដៅភូតកុហក់របស់ខ្លួន ដើម្បីទាក់ទាញប្រជាប្រិយភាពនយោបាយផង និងក៏ដើម្បីវាយបំបាក់ទឹកចិត្តប្រជាពលរដ្ឋខ្មែរផង និងបំបែកកម្លាំងសាមគ្គីរវាងប្រជាពលរដ្ឋ និងថ្នាក់ដឹកនាំយើងផង ។
ជាមួយគ្នានោះដែរ ឯកឧត្តម បានលើកឡើងថា ទោះយ៉ាងណាប្រជាពលរដ្ឋកម្ពុជា មិនបានជឿរនោះទេ ផ្ទុយទៅវិញ ប្រជាពលរដ្ឋ និងកងកម្លាំងប្រដាប់អាវុធ រឹតតែកៀកស្មាគ្នា ដើម្បីការពារទឹកដី សេចក្តីថ្លៃថ្នូរបស់ប្រជាពលរដ្ឋខ្មែរ ដែលនេះជាខឿនការពារជាតិដ៏រឹងមាំ ។
ក្នុងនាមជាអ្នកនាំពាក្យ ឯកឧត្តម បានកោតសរសើចំពោះកម្លាំងមហាសាមគ្គី របស់ប្រជាជាតិខ្មែរ និងសូមស្ញប់ស្ញែងចំពោះវីរកងទ័ព ប្រដាប់អាវុធគ្រប់ប្រភេទ ដែលតស៊ូជាមួយសត្រូវឈ្លានពាន ដ៏អង់អាចក្លាហាន ដើម្បីការពារទឹកដី ដោយផ្តល់ទំនុកចិត្តទាំងស្រុង ចំពោះថ្នាក់ដឹកនាំ ៕
ចែករំលែកព័តមាននេះ