ចុះបិទទីតាំងលក់ឱសថ និងអាហារបំប៉នផ្លូវភេទនៅ​កណ្តាលក្រុងសៀម​រាប​


ខេត្តសៀមរាប ៖ ​សមត្ថកិច្ច​ការិយាល័យ​នគរបាល​ប្រឆាំង​បទល្មើស​សេដ្ឋកិច្ច​ខេត្ត​សហការ​ជាមួយ​មន្ទីរ​សុខាភិបាល និង​អាជ្ញាធរ​មូលដ្ឋាន ដឹកនាំ​ដោយ​លោក​វរសេ​នីយ៍​ឯក ​សឿ​ន សេននាយការិយាល័យ​ប្រឆាំង​បទល្មើស​សេដ្ឋកិច្ច​ខេត្ត​បាន​ចុះ​ប្រតិបត្តិការ​បង្ក្រាប​ទីតាំង​បើក​លក់​ផលិតផល ឱសថ និង​អាហារ​បំប៉ន​សុខភាព តាម​អន​ឡាញ ដោយ​មិន​បាន​ចុះ​បញ្ជិកា និង​គ្មាន​ការ​អនុញ្ញាត​ច្បាប់​ត្រឹមត្រូវ​ពី​ក្រសួងសុខាភិបាល ស្តី​ពី​ច្បាប់ វិសោធនកម្ម​ច្បាប់ ស្តី​ពី​ការ​គ្រប់គ្រង​ឱសថ​លើ​ទីតាំង​ដែល​មាន​យីហោ លីមីត លេស អិ​ុ មែ​ជី​ណេ​សិន II ឯ​.​ក (Balance) ព្រមទាំង​ដកហូត​បាន​វត្ថុ​តាង​ផលិតផល​ចំនួន​១០​មុខ ដែល​ក្រុមហ៊ុន​នាំ​ចូល​មក​ពី​ប្រទេស​ថៃ និង​ធ្វើការ​នាំ​ខ្លួន​អ្នកគ្រប់គ្រង​ចំនួន​២​នាក់​យក​មក​សួរនាំ​នៅ​ការិយាល័យ​ជំនាញ​នៃ​ស្នងការដ្ឋាន​នគរបាល​ខេត្តសៀមរាប ព្រមទាំង​បិទ​ទីតាំង​ខាងលើ​នេះ​ជា​បណ្តោះអាសន្ន​ផង​ដែរ ។

ការ​បង្ក្រាប​រហូត​ឈាន​ដល់​ធ្វើការ​បិទ​ទីតាំង​ខាងលើ​នោះ​នៅ​វេលា​ម៉ោង​១​និង​៣៥​នាទី​រសៀល​ថ្ងៃ​ទី​១៣ វិច្ឆិកា ស្ថិត​នៅ​តាម​បណ្តោយ​ផ្លូវជាតិ​លេខ​៦ ជាប់​របង​ខាងលិច សណ្ឋាគារ​អូស្ត្រាលី ក្នុងភូមិ​បន្ទាយ​ចាស់ សង្កាត់​ស្ល​ក្រាម ក្រុង​សៀមរាប ។

លោក​វរសេនីយ៍ឯក សឿ​ន សេន នាយការិយាល័យ​ប្រឆាំង​បទល្មើស​សេដ្ឋកិច្ច​នៃ​ស្នងការដ្ឋាន​នគរបាល​ខេត្តសៀមរាប បាន​ប្រាប់​ថា ដោយ​អនុវត្ត​ជា​ប្រចាំ​តាម​ការ​យកចិត្តទុកដាក់​ខ្ពស់​ពី​សំណាក់​លោក​ឧត្តមសេនីយ៍ទោ ទិ​ត្យ ណា​រ៉ុ​ង ស្នងការ​នគរបាល​ខេត្តសៀមរាប កម្លាំង​របស់​លោក​បាន​ប្រតិបត្តិការ​យា​៉ា​ង​សស្រាក់សស្រាំ​ដើម្បី​ធានា​ឱ្យ​បាន​នូវ​សុខុមាលភាព​របស់​បងប្អូន​ប្រជាពលរដ្ឋ​ឱ្យ​កាន់តែ​មាន​សុវត្ថិភាព ។

លោក​បាន​បញ្ជាក់​ថា អ្នកគ្រប់គ្រង​ជំនួស​ថៅកែ​ថៃ​ទាំង​២​នាក់ ឈ្មោះ បឿន វិចិត្រ ភេទ​ប្រុស អាយុ​២៩​ឆ្នាំ មុខរបរ​ជា​អ្នក​មើល​ការ​ខុស​ត្រូវ ក្នុង​ក្រុមហ៊ុន និង​ឈ្មោះ អោន រៀម ភេទ​ប្រុស អាយុ​២៥​ឆ្នាំ ជា​អ្នក​ពន្យល់​ណែនាំ និង​ប្រាប់​ពី​វិធី​បង្ហោះ​ផលិតផល​របស់​ក្រុមហ៊ុន​ក្នុង​ហ្វេ​ស​បុក ដើម្បី​ឱ្យ​អតិថិជន (​ទាក់ទង​) មក​ទិញ ។ លោក​បាន​បញ្ជាក់​ទៀត​ថា ផលិតផល​ឱសថ និង​អាហារ​បំប៉ន គ្មាន​ចុះ​បញ្ជិកា​នោះ​មាន​ចំនួន​១០​មុខ ក្នុង​នោះ​មាន ឱសថ អាហារ​បំប៉ន​សុខភាព ចំនួន​៣​មុខ​មាន​ចំនួន​៩៨​កំប៉ុង ស្មើ​២៩៤០​គ្រាប់ និង​គ្រឿងសំអាង មាន​ចំនួន​៧​មុខ ស្មើនឹង​៧៦​ប្រអប់​។ លោក​បាន​បន្ត​ទៀត​ថា កម្លាំង​ជំនាញ​បាន​ប្រគល់​វត្ថុ​តាង​ទាំងអស់​ទៅ​ឱ្យ​មន្ទីរ​សុខាភិបាល​ខេត្ត​ដើម្បី​ធ្វើការ​ដុត​កម្ទេច​ចោល​។

បច្ចុប្បន្ន​អ្នកគ្រប់គ្រង​ទាំង​២​នាក់ កម្លាំង​ជំនាញ​កំពុងធ្វើការ​សាកសួរ និង​សុំ​យោបល់​ពី​ព្រះរាជអាជ្ញា​អម​សាលាដំបូង​ខេត្ត ដើម្បី​ចាត់ការ​ទៅ​តាម​ផ្លូវច្បាប់ ។

សូម​បញ្ជាក់​ថា ក្រុមហ៊ុន​ផលិតផល ឱសថ និង​អាហារ​បំប៉ន​សុខភាព​របស់​ថៃ​ដែល​បង្ហោះ តាម​អន​ឡាញ​នេះ គឺ​មាន​សិស្ស​មក​រៀន ស្រី ប្រុស សរុប​ចំនួន​៤៩៧​នាក់​ក្នុង​នោះ​​​មាន​ទាំង សិស្ស​វិទ្យាល័យ​អង្គរ ព្រមទាំង​មក​ពី​តាម​បណ្តា​ខេត្ត​នានា និង​ក្នុង​ខេត្ត​សៀមរាប​ផង​ដែរ ហើយ​ពួក​គេ​បាន​យក​លុយ​ពី​សិស្ស​ក្នុង​ម្នាក់​ៗ​ចំនួន​១០​ដុ​លា្ល​សម្រាប់​បង់​ឱ្យ​ថ្លៃ​ជួល​ផ្ទះ ប៉ុន្តែ​ពួក​សិស្ស​ទាំង​អស់នោះ គ្មាន​ប្រាក់ខែ​ទេ បើ​លក់​ផលិត​ផល តាម​អន​ឡាញ​នេះ​បាន​គឺ​ពួក​គេ​កម្រៃ​៥០%​ក្នុង​១​ដប ឬ​១​កំប៉ុង ។ តាម​ប្រភព​ព័ត៌មាន​បន្ថែម​ថា ក្នុង​ឱសថ​ទាំង​១០​មុខ​នេះ មាន​ខ្លះ​ជា​ថ្នាំ​បំប៉ន​ផ្លូវភេទ ដែល​អសមត្ថភាព និង​ថ្នាំ​ពង្រីក​សុដន់​ផង​ដែរ ៕

ព័ត៌មាន​ជាតិ

អត្រាប្តូរប្រាក់

  • ប្រាក់រៀល (1USD)
  • KHR 4,048.00
អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ