ខេត្តស្វាយរៀង ៖ សមត្ថកិច្ចតាមប្រមាញ់ និងចាប់ឃាត់ខ្លួនជនសង្ស័យម្នាក់ ក្នុងចំណោម០៣នាក់ (ស្រី១នាក់) ករណីប្លន់២ករណីកន្លែងផ្សេងគ្នា នៅស្រុកកំពង់រោទិ៍ ។ បើតាមលោកហែម…
ខេត្តស្វាយរៀង ៖ សមត្ថកិច្ចតាមប្រមាញ់ និងចាប់ឃាត់ខ្លួនជនសង្ស័យម្នាក់ ក្នុងចំណោម០៣នាក់ (ស្រី១នាក់) ករណីប្លន់២ករណីកន្លែងផ្សេងគ្នា នៅស្រុកកំពង់រោទិ៍ ។ បើតាមលោកហែម សាមុត អធិការនគរបាលស្រុកកំពង់រោទិ៍បានប្រាប់អ្នកសារព័ត៌មានយើងកាលពីរសៀលថ្ងៃទី១៥ កក្កដា ឆ្នាំ២០២៥ នេះថា ជនរងគ្រោះមាន០២នាក់ ១-ឈ្មោះ ពែក យ៉យ ភេទស្រី អាយុ៣០ឆ្នាំ ជាបុគ្គលិកកាស៊ីណូឡាក់គីរ៉ូប៊ី មានលំនៅភូមិជប់ព្រីង ឃុំថ្មី ស្រុកកំពង់រោទិ៍ ខេត្តស្វាយរៀង ត្រូវចោរប្លន់ យកម៉ូតូ១គ្រឿងនិងកាបូបស្ពាយ១ ហើយនៅក្នុងកាបូបនោះ មានប្រាក់៤ម៉ឺនរៀល ,ទូរស័ព្ទម៉ាកអូប៉ូ០១គ្រឿង ,អត្តសញ្ញាណបណ្ណ័សញ្ជាត្តិខ្មែរ១សន្លឹក, ប័ណ្ណប.ស.ស១សន្លឹក និងកាតអេ.ស៊ី.លី.ដា១
សន្លឹក។
ជនរងគ្រោះទី២-មានឈ្មោះឡូញ សំភាស់ ភេទស្រី អាយុ១៨ឆ្នាំ ជាសិស្ស មានទីលំនៅភូមិខាងលិចវត្ត ឃុំត្នោត ស្រុកកំពង់រោទិ៍ ខេត្តស្វាយរៀង ត្រូវចោរប្លន់យកម៉ូតូ មួយគ្រឿងម៉ាក HONDA WAVE ពណ៌ខ្មៅ គ្មានស្លាកលេខ យកទៅបាត់ដោយសុវត្ថភាព ។
ប្រភពបន្តថា ចំណែកជនសង្ស័យដែលឃាត់ខ្លួនបានមានឈ្មោះម៉ៅ ចាន់រ៉ា ភេទប្រុស អាយុ១៨ឆ្នាំ មុខរបរមិនពិតប្រាកដ មានទីលំនៅភូមិអង្គតាមោក ឃុំប្រសូត្រ ស្រុកស្វាយទាប ខេត្តស្វាយរៀង រួមទាំងវត្ថុតាងមាន: ម៉ូតូ ០១គ្រឿងម៉ាក HONDA WAVE ពណ៌ខ្មៅ គ្មានផ្លាកលេខ លេខម៉ាស៊ីន ២៧៤៨០០៤ និងកាបូបស្ពាយចំនួន ០១ ពណ៌ខ្មៅ គ្មានសម្ភារ(ត្រូវជនសង្ស័យយកចេញអស់)។
លោកអធិការបញ្ជាក់ថា នៅថ្ងៃទី១៤ ខែកក្កដា ឆ្នាំ២០២៥ វេលាម៉ោង១២ និង៣០នាទី ប៉ុស្ដិ៍នគរបាលរដ្ឋបាលថ្មី បានទទួលពាក្យប្តឹងដោយផ្ទាល់ពីជនរងគ្រោះថា មានករណី លួចមានស្ថានទម្ងន់ទោស (ប្លន់) មួយករណីកើតឡើង ចំណុចលើផ្លូវជាតិលេខ៣១៤Dចន្លោះបង្គោលគីឡូម៉ែត្រលេខ២៣,២៤ ស្ថិតក្នុងភូមិអូរឃុំថ្មី ស្រុកកំពង់រោទិ៍ខេត្តស្វាយរៀង បង្កឡើងដោយជនសង្ស័យចំនួន០៣នាក់ (ស្រី០១នាក់) មិនស្គាល់អត្តសញ្ញាណ បានធ្វើសកម្មភាពធាក់ម៉ូតូនរងគ្រោះឈ្មោះ ពែក យ៉យ បណ្តាលឲ្យដួលទៅនឹងចិញ្ចើមផ្លូវរងរបួសបាក់ស្មាខាងឆ្វេង រួចឆក់យកកាបូបជនរងគ្រោះ រួចគេចចេញពីកន្លែងកើតហេតុទៅបាត់់។
ក្រោយពីទទួលបានបណ្តឹងនេះភ្លាម កម្លាំងជំនាញនៃអធិការដ្ឋាននគរបាលស្រុកកំពង់រោទិ៍ សហការជាមួយកម្លាំងប៉ុស្ដិ៍នគរបាលរដ្ឋបាលទាំង១១ក្នុងស្រុកកំពង់រោទិ៍ ព្រមទាំងសហការជាមួយកម្លាំងអធិការដ្ឋាននគរបាលទាំង ៨ក្រុងស្រុកក្នុងខេត្តស្វាយរៀង ធ្វើការស្រាវជ្រាវកំណត់អត្តសញ្ញាណ ស្វែងរកតាមចាប់មុខសញ្ញាជនសង្ស័យ លុះដល់វេលាម៉ោង១ និង៣០នាទីរសៀលប៉ុស្ដិ៍នគរបាលរដ្ឋបាលត្នោត បានទទូលពាក្យប្តឹងដោយផ្ទាល់ពីជនរងគ្រោះថាមានករណីលួចមានស្ថានទម្ងន់ទោស (ប្លន់)មួយទៀតកើតឡើង នៅចំណុចលើផ្លូវក្រាលកៅស៊ូ ស្ថិតក្នុងភូមិត្រោក ឃុំត្នោត ស្រុកកំពង់រោទិ៍ ខេត្តស្វាយរៀង បង្កឡើងដោយជនសង្ស័យចំនួន០៣នាក់ (ស្រី០១នាក់) មិនស្គាល់អត្តសញ្ញាណ ភិនភាគជនសង្ស័យដដែលបានធ្វើសកម្មភាពជិះកៀរម៉ូតូជនរងគ្រោះឲ្យឈប់ រួចប្លន់យកម៉ូតូ០១គ្រឿងរបស់ជនរងគ្រោះឈ្មោះ ឡូញ សំភាស់ រួចប្លន់យកម៉ូតូជិះចេញពីកន្លែងកើតហេតុទៅបាត់ ។
រហូតដល់ម៉ោង០៥ និង៣០នាទីល្ងាចថ្ងៃដដែល សមត្ថកិច្ចបានសហការជាមួយកម្លាំសមត្ថកិច្ចក្រុងបាវិតឃាត់បានមុខសញ្ញាជនសង្ស័យ ០១នាក់ ឈ្មោះ ម៉ៅ ចាន់រ៉ា ទាំងវត្ថុតាងមាន ម៉ូតូ ០១គ្រឿងម៉ាក HONDA WAVE ផងដែរ។ បន្ទាប់ពីធ្វើការឃាត់ខ្លួនសមត្ថកិច្ចក្រុងបាវិត បានប្រគល់ជនសង្ស័យ រួមទាំងវត្ថុតាង យកមកសាកសួរបន្តនៅអធិការដ្ឋាននគរបាលស្រុកកំពង់រោទិ៍ជាម្ចាស់ករណី។
នៅចំពោះមុខសត្ថកិច្ចជនសង្ស័យបានឆ្លើយសារភាពថា ខ្លួននិងបក្សពួក០២នាក់ (ស្រី ០១នាក់) ពិតជាបានធ្វើសកម្មភាព ធាក់ម៉ូតូមួយគ្រឿង បណ្តាលឲ្យដួល រួចឆក់យកកាបូប នៅចំណុចភូមិអូរ ឃុំថ្មី ស្រុកកំពង់រោទិ៍ខេត្តស្វាយរៀង ព្រមទាំងជិះកៀរម៉ូតូជនរងគ្រោះឲ្យឈប់ រួចប្លន់យកម៉ូតូ០១គ្រឿងម៉ាក HONDA WAVE ពណ៌ខ្មៅ នៅចំណុចភូមិត្រោក ឃុំត្នោត ស្រុកកំពង់រោទិ៍ ខេត្តស្វាយរៀង ពិតប្រាកដមែន។
បច្ចុប្បន្ន ជនសង្ស័យត្រូវបានឃាត់ខ្លួនចំនួន០១នាក់ និងកំពុងស្រាវជ្រាស្វែងរកជនសង្ស័យចំនួន០២នាក់ (ស្រី០១នាក់) កសាងសំណុំរឿងចាត់ការតាមច្បាប់ ។ ចំណែកជនសង្ស័យ០២នាក់ (ស្រី១នាក់) សមត្ថកិច្ចបានស្គាល់អត្តសញ្ញាណអស់ហើយកំពុងតាមប្រម៉ាញ់មិនអាចរត់រួចពីសំណាញ់ច្បាប់ឡើយ ៕
ចែករំលែកព័តមាននេះ