បន្ទាយមានជ័យ ៖ រយៈពេល៥ថ្ងៃកម្លាំងចម្រុះបានបណ្តេញជនជាតិថៃនិងភូមាប្រុស/ស្រី ចំនួន៣៥នាក់ ដែលលួចឆ្លងចូលមកទឹកដីកម្ពុជាដើម្បីមករកការងារនៅក្នុងភូមិសាស្ត្រ ស្រុកម៉ាឡៃ ។ លោក ស្វាយ ជា…
បន្ទាយមានជ័យ ៖ រយៈពេល៥ថ្ងៃកម្លាំងចម្រុះបានបណ្តេញជនជាតិថៃនិងភូមាប្រុស/ស្រី ចំនួន៣៥នាក់ ដែលលួចឆ្លងចូលមកទឹកដីកម្ពុជាដើម្បីមករកការងារនៅក្នុងភូមិសាស្ត្រ ស្រុកម៉ាឡៃ ។
លោក ស្វាយ ជា អភិបាលស្រុកម៉ាឡៃ បានប្រាប់ថា ៖ រយៈពេលតែ៥ថ្ងៃ កម្លាំងចម្រុះមាននគរបាលការពារព្រំដែនគោក លេខ៨១៥ សហការជាមួយកម្លាំងយោធា តំបន់ប្រតិបត្តិការសឹករង ស្រុកម៉ាឡៃ បានបណ្តេញជនជាតិថៃ និងភូមា ចំនួន៤លើក មានចំនួន៣៥នាក់ ក្នុងនោះមានស្រី៦នាក់ ដែលលួចឆ្លងអូរព្រំដែនចូលមកកម្ពុជា ក្នុងភូមិសាស្ត្រស្រុកម៉ាឡៃ ។
លោកបានបញ្ជាក់ថា ៖ កម្លាំងចម្រុះដែលបណ្តេញជនជាតិថៃ និងជនជាតិឥណ្ឌូននេស៊ី អោយត្រឡប់ចូលទឹកដីថៃ មាន៤លើក ក្នុងភូមិសាស្ត្រ ស្រុកម៉ាឡៃ មាន ៖
១. កាលពីថ្ងៃទី១២ ខែកក្កដា ឆ្នាំ២០២៥ បានបណ្តេញ មានចំនួន១៤នាក់ មានស្រី១នាក់ មានជនជាតិថៃ៧នាក់ និងជនជាតិភូមា ចំនួន៧នាក់ ក្នុងនោះស្រីម្នាក់ ។
២.កាលពីថ្ងៃទី១៤ ខែកក្កដា ឆ្នាំ២០២៥ បានបណ្តេញជនជាតិថៃចំនួន២នាក់ ក្នុងនោះមានស្រីម្នាក់ ។
៣.នៅថ្ងៃទី១៥ ខែកក្កដា ឆ្នាំ២០២៥ បានបណ្តេញជនជាតិថៃចំនួន៦នាក់ជាស្រី ។
៤.នៅថ្ងៃទី១៦ ខែកក្កដា ឆ្នាំ២០២៥ បានបណ្តេញជនជាតិថៃចំនួន៣នាក់ ។
លោក ស្វាយ ជា បានបញ្ជាក់ថា ៖ ជនជាតិថៃ និងជនជាតិឥណ្ឌូនេស៊ីដែលត្រូវបានបណ្តេញអោយត្រឡប់ចូលទៅក្នុងទឹកដីថៃវិញ ព្រោះពួកគាត់បានលួចឆ្លងព្រំដែនចូលមក ក្នុងភូមិសាស្ត្រ ស្រុកម៉ាឡៃ មានបំណងទៅរកការងារធ្វើ នៅក្រុងប៉ោយប៉ែត ដែលលួចឆ្លងដែនដោយខុសច្បាប់ ត្រូវបានណែនាំអោយពួកគាត់វិលត្រឡប់ចូលទឹកដីថៃវិញ ៕
ចែករំលែកព័តមាននេះ