រាជធានីភ្នំពេញ ៖ យោងតាមសេចក្តីជូនដំណឹងរបស់ក្រសួងមហាផ្ទៃ ចុះថ្ងៃទី២៦ ខែឧសភា ឆ្នាំ២០២៥ បានឱ្យដឹងថា គណៈកម្មការប្រឡងប្រជែង ជ្រើសរើសក្របខណ្ឌមន្ត្រីពន្ធនាគារសម្រាប់ឆ្នាំ២០២៥ គឺរាជរដ្ឋាភិបាលនៃព្រះរាជាណាចក្រកម្ពុជា…
រាជធានីភ្នំពេញ ៖ យោងតាមសេចក្តីជូនដំណឹងរបស់ក្រសួងមហាផ្ទៃ ចុះថ្ងៃទី២៦ ខែឧសភា ឆ្នាំ២០២៥ បានឱ្យដឹងថា គណៈកម្មការប្រឡងប្រជែង ជ្រើសរើសក្របខណ្ឌមន្ត្រីពន្ធនាគារសម្រាប់ឆ្នាំ២០២៥ គឺរាជរដ្ឋាភិបាលនៃព្រះរាជាណាចក្រកម្ពុជា បានអនុញ្ញាតឱ្យក្រសួងមហាផ្ទៃជ្រើសរើសក្របខណ្ឌមន្ត្រីពន្ធនាគារ(ឋានន្តរស័ក្តិអនុរក្សថ្នាក់លេខ៣)ចំនួន៨នាក់(ស្រី១នាក់) សម្រាប់បម្រើការងារនៅពន្ធនាគាររាជធានីភ្នំពេញ(PJ) ។
ក-លក្ខខណ្ឌនៃការជ្រើសរើស បេក្ខជនទាំងពីរភេទដែលមានសិទ្ធិសុំចុះឈ្មោះប្រឡងប្រជែងជ្រើសរើស ត្រូវបំពេញដូចខាងក្រោម ៖
១-មានសញ្ជាតិខ្មែរ
២-មានកាយសម្បទាគ្រប់គ្រាន់និងមានសុខភាពល្អ(ឆ្លងកាត់ការត្រួតពិនិត្យឈាម កាយ
សម្បទា និងតេស្តរកសារធាតុញៀន) ។
៣-បេក្ខជនទាំងពីរភេទត្រូវមានកម្ពស់ បុរសកម្ពស់ ១,៦៧ម៉ែត្រឡើង និងនារីកម្ពស់ ១,៥៧ម៉ែត្រឡើង និងមានទម្ងន់សមាមាត្រនឹងកម្ពស់ ។
៤-មានជីវប្រវត្តិច្បាស់លាស់ មានកិរិយាមារយាទល្អ និងពុំធ្លាប់មានទោស ។
៥-បេក្ខជនទាំងពីរភេទ ត្រូវមានសញ្ញាបត្រយ៉ាងទាបបំផុត មធ្យមសិក្សាទុតិយភូមិ ឬសញ្ញា
បត្រសមមូល ។
៦-ត្រូវមានអាយុយ៉ាងតិច ១៨ឆ្នាំ ហើយមិនលើសពី ២៥ឆ្នាំ ។ ការកម្រិតអាយុត្រូវបានរំកិលពី ២៥ឆ្នាំ ដល់ ៣៥ឆ្នាំ ចំពោះបេក្ខជនដែលមានសញ្ញាបត្រថ្នាក់បរិញ្ញាបត្រ ឬសមមូល និង ៤០ឆ្នាំ ចំពោះបេក្ខជនដែលមានសញ្ញាបត្រថ្នាក់បរិញ្ញាបត្រជាន់ខ្ពស់ ឬសមមូល ។
៧-មានទីលំនៅអចិន្ត្រៃយ៍ច្បាស់លាស់នៅភូមិសាស្ត្ររាជធានីភ្នំពេញ
៨-មិនមានស្លាកស្នាមរបួស ឬស្លាកស្នាមសាក់ដែលពិនិត្យជាក់ស្តែងឃើញថាមិនសមរម្យ។
ខ-កាលបរិច្ឆេទផ្តល់ពាក្យ ទទួលពាក្យ ទីកន្លែងផ្តល់ពាក្យ រៀងរាល់ម៉ោងធ្វើការ ចាប់ពីថ្ងៃទី២១ ខែកក្កដា ដល់ថ្ងៃទី២៥ ខែកក្កដា ឆ្នាំ២០២៥ ។ ទទួលពាក្យរៀងរាល់ម៉ោងធ្វើការ ចាប់ពីថ្ងៃទី២៨ ខែកក្កដា ដល់ថ្ងៃទី១ ខែសីហា ឆ្នាំ២០២៥ វេលាម៉ោង១៧:០០នាទី ជាកាលបរិច្ឆេទកំណត់ចុងក្រោយ ។ ទីកន្លែងផ្តល់ពាក្យនិងទទួលពាក្យនៅសាលារាជធានីភ្នំពេញ ។
គ-វិញ្ញាសាប្រឡង និងមណ្ឌលប្រឡង
វិញ្ញាសាប្រឡង ៖ ចំណេះដឹងទូទៅ និងចំណេះដឹងវិស័យពន្ធនាគារ(រយៈពេល ២ម៉ោង)
មណ្ឌលប្រឡងនៅរាជធានីភ្នំពេញ (ទីតាំងជាក់ស្តែងនឹងជូនដំណឹងនៅពេលក្រោយ)។
ឃ-ការចុះឈ្មោះតាមប្រព័ន្ធអនឡាញ(ONLINE) ។
បេក្ខជនត្រូវបំពេញព័ត៌មានបឋម ក្នុងការស្នើសុំសិទ្ធិប្រឡងប្រជែងតាមប្រព័ន្ធអនឡាញតំណភ្ជាប់https://gdhr.interior.gov.kh/gdp/request?recruit=2) ឬស្គែន QR CODE រួចបេក្ខជនម្នាក់ៗត្រូវបោះពុម្ព(Print) បង្កាន់ដៃស្នើសុំសិទ្ធិប្រឡងប្រជែងនេះ ដើម្បីបង្ហាញដល់អនុគណៈកម្មការផ្តល់ពាក្យនិងទទួលពាក្យ នៅទីកន្លែងផ្តល់ពាក្យសុំចូលបម្រើការងារក្នុងក្របខណ្ឌមន្ត្រីពន្ធនាគារ ។
ង-ឯកសារដែលត្រូវភ្ជាប់មកជាមួយនៅពេលបេក្ខជនម្នាក់ៗមកទទួលពាក្យសុំចូលបម្រើការងារ ត្រូវភ្ជាប់មកជាមួយនូវឯកសារដូចខាងក្រោម ៖
-បង្កាន់ដៃស្នើសុំសិទ្ធិប្រឡងប្រជែងតាមប្រព័ន្ធអនឡាញ១ច្បាប់
-សញ្ញាបត្រ ឬលិខិតបញ្ជាក់ការសិក្សា ទទួលស្គាល់ជាផ្លូវការ១ច្បាប់
-សេចក្តីចម្លងសំបុត្រកំណើត ឬសេចក្តីចម្លងសំបុត្របញ្ជាក់កំណើត១ច្បាប់
-អត្តសញ្ញាណប័ណ្ណសញ្ជាតិខ្មែរ១ច្បាប់
-សៀវភៅស្នាក់នៅនិង/ឬសៀវភៅគ្រួសារ១ច្បាប់ ។
សេចក្តីដូចបានជម្រាបជូនខាងលើ សូមសាធារណជនជ្រាបជាព័ត៌មាន ៕
ចែករំលែកព័តមាននេះ