រាជធានីភ្នំពេញ ៖ កម្លាំងនៃគណៈបញ្ជាការឯកភាពខណ្ឌមានជ័យ បានដឹកនាំកម្លាំងចម្រុះ ចុះធ្វើរដ្ឋបាលនៅចំណុចក្រោមស្ពានអាកាសស្ទឹងមានជ័យ ឃាត់បានជនសង្ស័យប្រុសស្រីចំនួន៧នាក់ ព្រមឧបករណ៍សម្រាប់ប្រើប្រាស់គ្រឿងញៀនមួយចំនួន ការចុះធ្វើរដ្ឋបាលខាងលើនេះបានធ្វើឡើងនៅវេលាម៉ោង៧យប់ ថ្ងៃទី១០ ខែវិច្ឆកា ឆ្នាំ២០១៧ នៅចំណុចក្រោមស្ពានស្ទឹងមានជ័យចាស់ សង្កាត់ស្ទឹងមានជ័យ១ ខណ្ឌមានជ័យ។ ជនសង្ស័យដែលត្រូវសមត្ថកិច្ចឃាត់ខ្លួនបានមានឈ្មោះ ១.ឈ្មោះ សំណាង រតនា ភេទប្រុស អាយុ៣០ឆ្នាំ មុខរបររើសអេតចាយ ២.ឈ្មោះ សុង ធី ភេទប្រុស អាយុ២៥ឆ្នាំ មុខរបររើសអេតចាយ ៣.ឈ្មោះ ច្រិត វីរៈ ភេទប្រុស អាយុ២៣ឆ្នាំ មុខរបររើសអេតចាយ ៤.ឈ្មោះ មុំ វិទូ ភេទប្រុស អាយុ៣៣ឆ្នាំ មុខរបររើសអេតចាយ ៥.ឈ្មោះ ចន្ទ័ និមល ភេទស្រី អាយុ២១ឆ្នាំ មុខរបរ បម្រើកាខារ៉ាអូខេ ៦.ឈ្មោះ ឡេង ច្រិប ភេទស្រី អាយុ៣២ឆ្នាំ មុខរបររើសអេតចាយ ៧.ឈ្មោះ មុំ ស្រីពៅ ភេទស្រី អាយុ១៨ឆ្នាំ មុខរបររើសអេតចាយ។
ក្រោយពេលឃាត់ខ្លួន សមត្ថកិច្ចដកហូត ដាវកែច្នៃចំនួន៣ដើម កាំបិតចំនួន៣ ព្រមទាំងឧបករណ៍សម្រាប់ប្រើប្រាស់គ្រឿងញៀនមួយចំនួន។ តាមសម្តីសមត្ថកិច្ច ប៉ុស្តិ៍នគរបាលស្ទឹងមានជ័យ មួយរូបបានឲ្យដឹងថា មុននឹងឈានទៅការឃាត់ខ្លួន ជនសង្ស័យប្រុសស្រីទាំង៧នាក់នេះបាន គឺគណៈបញ្ជាឯកភាពខណ្ឌមានជ័យ បានដឹកនាំកម្លាំងចម្រុះ មានទាំង អាវុធហត្ថ កម្លាំងអន្តរាគមន៍ខណ្ឌមានជ័យ និងសមត្ថកិច្ចប៉ុស្តិ៍នគរបាលស្ទឹងមានជ័យ បានចុះធ្វើរដ្ឋបាល នៅចំណុចក្រោមស្ពានស្ទឹងមានជ័យ ដែលជាតំបន់ អនាធិបតេយ្យ សម្បូរទៅដោយក្មេងស្ទាវប្រុសស្រី បានមកប្រមូលផ្តុំគ្នា ស្នាក់នៅ និងប្រើប្រាស់គ្រឿងញៀន ឃាត់ខ្លួនបានមនុស្សប្រុសស្រីចំនួន៧នាក់ ព្រមទាំងដកហូត ដាវកែច្នៃ និងឧបករណ៍សម្រាប់ប្រើប្រាស់គ្រឿងញៀនមួយចំនួនយកទៅធ្វើការសាកសួរនៅប៉ុស្តិ៍នគរបាលនគរបាលស្ទឹងមានជ័យ១ ។ នៅចំពោះមុខសមត្ថកិច្ច ជនសង្ស័យទាំងនោះ បានសារភាពថា ពួកគេពិតជាធ្លាប់ប្រើប្រាស់គ្រឿងញៀនពិតប្រាកដមែន ។ ក្រោយពេលកើតហេតុ បន្ទាប់ពីសាកសួរ ជនសង្ស័យព្រមទាំងវត្ថុតាង ត្រូវបានសមត្ថកិច្ច បញ្ជួនខ្លួនទៅមន្ទីរសង្គមកិច្ច ដើម្បីធ្វើការអប់រំ៕
ចែករំលែកព័តមាននេះ