រាជធានីភ្នំពេញ ៖ នគរបាលប៉ុស្តិ៍បឹងទំពុនទី១ បានចាប់ឃាត់ខ្លួនជនម្នាក់ ក្រោយពីធ្វើសកម្មភាពបៀតបៀនកេរ្តិ៍ខ្មាសដោយប្រើម្រាមដៃលើក្មេងស្រីម្នាក់ ទើបមានអាយុ១១ឆ្នាំ បណ្តាលឲ្យនាងរងរបួសធ្ងន់ កាលពីល្ងាចថ្ងៃទី៧ ខែវិច្ឆិកា នៅបន្ទប់ផ្ទះជួលមួយកន្លែង…
រាជធានីភ្នំពេញ ៖ នគរបាលប៉ុស្តិ៍បឹងទំពុនទី១ បានចាប់ឃាត់ខ្លួនជនម្នាក់ ក្រោយពីធ្វើសកម្មភាពបៀតបៀនកេរ្តិ៍ខ្មាសដោយប្រើម្រាមដៃលើក្មេងស្រីម្នាក់ ទើបមានអាយុ១១ឆ្នាំ បណ្តាលឲ្យនាងរងរបួសធ្ងន់ កាលពីល្ងាចថ្ងៃទី៧ ខែវិច្ឆិកា នៅបន្ទប់ផ្ទះជួលមួយកន្លែង ក្នុងសង្កាត់បឹងទំពុនទី១ ខណ្ឌមានជ័យ ។
ជននេះឈ្មោះ នុំ ចាន់ណាក់ ភេទប្រុស អាយុ៣៥ឆ្នាំ មុខរបរមិនពិតប្រាកដ ស្នាក់នៅ
បន្ទប់ផ្ទះជួលចំណុចកើតហេតុខាងលើ ជាមុខសញ្ញាធ្លាប់ជាប់ពន្ធនាគារ និងជាជនប្រើប្រាស់ថ្នាំញៀនផងដែរ ។ តាមប្រភពព័ត៌មានឲ្យដឹងថា នៅល្ងាចថ្ងៃទី៧ ខែវិច្ឆិកា ក្មេងស្រីរងគ្រោះបានចេញមករត់លេងនៅខាងក្រៅបន្ទប់ផ្ទះជួលជាមួយក្មេងៗក្នុងភូមិ២-៣នាក់ទៀត ។ លុះមួយសន្ទុះក្រោយមក ក្មេងៗទាំងនោះបានត្រឡប់ទៅផ្ទះវិញអស់ ឯជននេះឃើញក្មេងស្រីរងគ្រោះឈរតែម្នាក់ឯង ក៏ចាប់ខ្ទប់មាត់ទាញចូលក្នុងបន្ទប់ផ្ទះជួលអ្នកជិតខាងក្បែរនោះ រួចធ្វើសកម្មភាពបៀតបៀនកេរ្តិ៍ខ្មាសដោយប្រើដៃ បណ្តាលឲ្យមានរបួសហូរឈាមយ៉ាងខ្លាំង ។
ភ្លាមៗបន្ទាប់ពីធ្វើសកម្មភាពរួច ក្មេងស្រីបានរត់ចេញមកក្រៅស្រែកឲ្យគេឯងជួយ បង្កឲ្យមានការភ្ញាក់ផ្អើលដល់អ្នកជិតខាងជួយអន្តរាគមន៍នាំទៅមន្ទីរពេទ្យ និងទូរស័ព្ទប្រាប់ទៅឪពុកម្តាយដែលទៅធ្វើការនៅសង្កាត់កំបូល ខណ្ឌពោធិ៍សែនជ័យ មកមើលកូនស្រី ។ ដោយឡែក ជននេះក្រោយធ្វើសកម្មភាពរួច បានរត់គេចខ្លួនបាត់ស្រមោលតាំងពីល្ងាចថ្ងៃនោះម្ល៉េះ លុះព្រឹកឡើងឃើញត្រឡប់មកផ្ទះវិញ ក៏ត្រូវនគរបាលប៉ុស្តិ៍ឃាត់ខ្លួនតែម្តង ។
ជនសង្ស័យត្រូវបានឃុំខ្លួនបណ្តោះអាសន្ននៅប៉ុស្តិ៍នគរបាលបឹងទំពុនទី១ ដើម្បីកសាងសំណុំរឿងបញ្ចូនទៅសាលាដំបូងចាត់ការតាមនីតិវិធី ។ ចំណែកក្មេងស្រីរងគ្រោះ កំពុងស្ថិតក្នុងការសង្គ្រោះបន្ទាន់នៅមន្ទីរព្យាបាលឯកជនមួយ ដោយសារនាងត្រូវរងរបួសធ្ងន់ ៕
ចែករំលែកព័តមាននេះ