ខេត្តកំពត ៖ ស្ត្រីម្នាក់ជិះម៉ូតូទៅផ្សារគេចអ្នកជិះកង់ធ្លាក់ជង្ហុកដួលទៅជង់នឹងឈើប្រវែង៣តឹក មុតដោតជាប់ឆ្កឹងលើទ្រូងខាងឆ្វេងលិចទៅកញ្ចឹងក ហើយត្រូវបានគេបញ្ជូនទៅសង្គ្រោះនៅមន្ទីរពេទ្យ កាលពីវេលាម៉ោង២ និង២០នាទីរសៀលថ្ងៃទី២១ តុលា នៅចំណុចភូមិព្រៃខ្មៅ ឃុំស្រែក្នុង ស្រុកជុំគិរី ។
ខេត្តកំពត ៖ ស្ត្រីម្នាក់ជិះម៉ូតូទៅផ្សារគេចអ្នកជិះកង់ធ្លាក់ជង្ហុកដួលទៅជង់នឹងឈើប្រវែង៣តឹក មុតដោតជាប់ឆ្កឹងលើទ្រូងខាងឆ្វេងលិចទៅកញ្ចឹងក ហើយត្រូវបានគេបញ្ជូនទៅសង្គ្រោះនៅមន្ទីរពេទ្យ កាលពីវេលាម៉ោង២ និង២០នាទីរសៀលថ្ងៃទី២១ តុលា នៅចំណុចភូមិព្រៃខ្មៅ ឃុំស្រែក្នុង ស្រុកជុំគិរី ។
តាមសម្តីក្រុមគ្រួសាររបស់ស្ត្រីរងគ្រោះប្រាប់ឱ្យដឹងថា មុនពេលកើតហេតុស្ត្រីឈ្មោះលឿង ង៉ោ អាយុ៤៥ឆ្នាំ ជាអ្នកលក់បាយកាហ្វេគុយទាវមានទីលំនៅភូមិព្រៃយ៉ាវ ឃុំស្រែក្នុង ស្រុកគិរី បានជិះម៉ូតូសង់កូរ៉េ ពណ៌ក្រហម ក្នុងគោលបំណងទៅផ្សារឈូកទិញទឹកស៊ីរ៉ូប៍យកមកលក់ ។ ខណៈពេលជិះម៉ូតូទៅដល់ចំណុចខាងលើគាត់ បានគេចអ្នកជិះកង់ដែលជិះមកពីខាងមុខបណ្តាលឱ្យម៉ូតូរបស់គាត់ធ្លាក់ជង្ហុកដួលបោកទៅនឹងចិញ្ចើមផ្លូវ ជង់នឹងឈើស្រួចមុតដោតជាប់លើទ្រូងខាងឆ្វេងលិចទៅកញ្ចឹងកតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ