ម្នាស់ក្រៅពីមានរសជាតិផ្អែមគួរឱ្យចង់ទទួលទាន វាត្រូវគេអះអាងថា ផ្តល់អត្ថប្រយោជន៍ដល់សុខភាពមនុស្សចំនួន៧យ៉ាង ៖
១-ជួយកាត់បន្ថយអត្រាប្រឈមនឹងការឡើងឈាម ៖
មធ្យោបាយមួយក្នុងចំណោមមធ្យោបាយដ៏ល្អបំផុតដើម្បីទប់ស្កាត់បញ្ហានេះគឺត្រូវទទួលទានអាហារដែលមានប៉ូតាស្យូមច្រើនបូករួមនឹងសូដ្យូមបន្តិចបន្តួច ។ ទឹកម្នាស់មួយពែងមានផ្ទុកសូដ្យូមប្រហែលជា១មីលី្លក្រាម និងប៉ូតាស្យូម ១៩៥មីលី្លក្រាម ។
២-ជួយបញ្ចុះទម្ងន់ ៖
ដោយសារតែវាមានរសជាតិផ្អែមពីធម្មជាតិ ដូច្នេះការទទួលទានម្នាស់ពិតជាអាចជួយកាត់បន្ថយការស្រេកឃ្លានបង្អែម ដែលនេះជាហេតុធ្វើឱ្យកាត់បន្ថយកាឡូរីបានច្រើន ។ ដូចនេះការទទួលទានម្នាស់ឱ្យបានច្រើនក្នុងពេលបាយម្តងៗនឹងជួយអ្នកឱ្យចុះទម្ងន់ ។
៣-ជួយថែរក្សាសុខភាពភ្នែក ៖
ការសិក្សាទាំងឡាយបានរកឃើញថា ម្នាស់អាចជួយការពារប្រឆាំងនឹងបញ្ហាភ្នែកដែលទាក់ទងនឹងអាយុ ក៏ព្រោះតែវាសំបូរដោយសារធាតុប្រឆាំងអុកស៊ីដកម្ម ។
៤-ជួយប្រឆាំងនឹងជំងឺច្រើនមុខ ៖
ម្នាស់ត្រូវគេដឹងថាសំបូរដោយវីតាមីន C។ វីតាមីននេះមានអត្ថប្រយោជន៍ការពាររាងកាយប្រឆាំងនឹងកោសិកាសេរីមិនឱ្យចូលទៅវាយប្រហារបណ្តាកោសិកាសុខភាព ។ វីតាមីន C ត្រូវគេគិតថាជាសមាសធាតុប្រឆាំងអុកស៊ីដកម្មរលាយក្នុងទឹកដ៏សំខាន់បំផុតដែលមានសមត្ថភាពទប់ទល់បណ្តាសារធាតុបង្កជំងឺនៅក្នុងរាងកាយ ។ ក្រៅពីនេះ វាក៏ជាអ្នកប្រយុទ្ធដ៏អស្ចារ្យមួយផងដែរប្រឆាំងនឹងជំងឺគ្រុនក្តៅ ព្រមទាំងជួយបង្កើនកម្លាំងប្រព័ន្ធការពាររាងកាយទៀតផង ។
៥-ជួយទប់ស្កាត់ផ្ទាំងកំបោរនិងរក្សាធ្មេញឱ្យមានសុខភាពល្អ ៖
អត្ថប្រយោជន៍មួយផ្សេងរបស់វីតាមីន C នៅក្នុងផ្លែម្នាស់គឺជួយទប់ស្កាត់ការបង្កើតជាផ្ទាំងកំបោរនៅលើធ្មេញនិងជើងធ្មេញ ក៏ដូចជាជំងឺអញ្ចាញ ។
៦-ជួយព្យាបាលការទល់លាមកនិងចលនាពោះវៀនមិនទៀងទាត់ ៖
ដោយសារតែផ្លែម្នាស់សំបូរដោយសារធាតុសរសៃខ្ពស់ ដូច្នេះវាមានប្រសិទ្ធភាពក្នុងការព្យាបាលការទល់លាមក និងចលនាពោះវៀនមិនទៀងទាត់ ។
៧-ធ្វើឱ្យស្បែកស្រស់ស្អាត ៖
ម្នាស់ត្រូវគេរកឃើញថា ផ្ទុកទៅដោយអង់ហ្ស៊ីមដែលជួយឱ្យស្បែកទន់ ជួយកែលំអសំណើមស្បែក និងព្រមទាំងកំចាត់ចោលកោសិកាដែលងាប់និងខូច ។ ដូច្នេះវានឹងជួយឱ្យយើងទទួលបានសំបុររលោងស្រស់ថ្លា ៕
ចែករំលែកព័តមាននេះ