ខេត្តឧត្តរមានជ័យ ៖ លោក ម៉ុក ម៉ារ៉េត រដ្ឋមន្ត្រីក្រសួងបរិស្ថាន បានដឹកនាំគណៈប្រតិភូជាច្រើនរូបអញ្ជើញចុះសួរសុខទុក្ខដល់ក្រុមយុវជនស្ម័គ្រចិត្តសម្តេចអគ្គមហាសេនាបតីតេជោ ហ៊ុន សែន ប្រមុខរាជរដ្ឋាភិបាលនៃព្រះរាជាណាចក្រកម្ពុជា ដែលកំពុងបំពេញបេសកកម្មវាស់វែងដីធ្លីជូនប្រជាពលរដ្ឋ និងបាននាំយកអំណោយជាច្រើនទៅចែកជូនផងដែរ ។ ពិធីនេះបានរៀបចំឡើងនៅក្នុងបរិវេណសាលាស្រុកអន្លង់វែង ដោយមានការចូលរួមពីលោក អឺុង វ៉ន អភិបាលរងខេត្ត លោក វណ្ណ កុសល អភិបាលស្រុកត្រពាំងប្រាសាទ លោក យឹម ផាន់ណា អភិបាលស្រុកអន្លង់វែង កាលពីរសៀលថ្ងៃទី៧ តុលា ២០១២ ។
កញ្ញា ទូច សុគន្ធី ប្រធានក្រុម១០៨ និងតំណាងឱ្យ៤ក្រុមទៀតបានឡើងអានរបាយការណ៍ជូនគណៈប្រតិភូស្តីពីលទ្ធផលក្នុងការចុះវាស់វែងដីធ្លីជូនប្រជាពលរដ្ឋទាំង២ស្រុកក្នុងនោះស្រុកអន្លង់វែង មានក្រុមយុវជនស្ម័គ្រចិត្តចំនួន២ក្រុមគឺក្រុម១០៨ និង១០៩ ចំនួន២៤នាក់ បានចុះវាស់វែងដីធ្លីជូនប្រជាពលរដ្ឋបានចំនួន៣៦៥៥.៨៩ហិកតា បំពេញសាលាកបត្របានចំនួន២.៦៥៦គ្រួសារ កត់ក្នុងទម្រង់បានចំនួន២.១១៥គ្រួសារ និងគ្រួសារដែលបានផ្ទៀងផ្ទាត់រួចចំនួន៦៥៧ វាស់វែងក្បាលដីបានចំនួន១.០៣២ក្បាលដី គូសក្បាលដីបានចំនួន១.០២៨ក្បាលដី និងបានបំពេញទម្រង់បែបបទបានចំនួន២៣៩ក្បាលដី។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ