រាជធានីភ្នំពេញ ៖ ប៉ូលិសបានកសាងសំណុំរឿងបញ្ជូនបុរសអ្នកដើរទិញអេតចាយម្នាក់ទៅសាលាដំបូងរាជធានីភ្នំពេញ ក្រោយពីត្រូវប្រជាពលរដ្ឋចាប់ខ្លួនកាលពីថ្ងៃទី៣០ កញ្ញា វេលាម៉ោង៣និង៣០នាទីរសៀលជាមួយវត្ថុតាង រួមមានអំភ្លី ក្បាលឌីស មិចស៊័រ តេឡេ ខ្សែភ្លើង ទូរស័ព្ទមួយគ្រឿង ដែលជននេះបានឡើងគាស់ដំបូលផ្ទះលួចយកនៅយប់ថ្ងៃទី២៩ កញ្ញា ។
រាជធានីភ្នំពេញ ៖ ប៉ូលិសបានកសាងសំណុំរឿងបញ្ជូនបុរសអ្នកដើរទិញអេតចាយម្នាក់ទៅសាលាដំបូងរាជធានីភ្នំពេញ ក្រោយពីត្រូវប្រជាពលរដ្ឋចាប់ខ្លួនកាលពីថ្ងៃទី៣០ កញ្ញា វេលាម៉ោង៣និង៣០នាទីរសៀលជាមួយវត្ថុតាង រួមមានអំភ្លី ក្បាលឌីស មិចស៊័រ តេឡេ ខ្សែភ្លើង ទូរស័ព្ទមួយគ្រឿង ដែលជននេះបានឡើងគាស់ដំបូលផ្ទះលួចយកនៅយប់ថ្ងៃទី២៩ កញ្ញា ។
បុរសអ្នកដើរទិញអេតចាយនេះ ឈ្មោះប៊ុន ថា អាយុ២៩ឆ្នាំ ស្នាក់នៅផ្ទះជួលក្នុងភូមិប៉ប្រកខាងជើង សង្កាត់កាកាប ខណ្ឌពោធិ៍សែនជ័យ ។ ចំណែកម្ចាស់ផ្ទះឈ្មោះប្រាជ ព្រំ ភេទប្រុស អាយុ៣៧ឆ្នាំ ធ្វើការឱ្យក្រុមហ៊ុនឯកជនក្នុងស្រុកមួយ ស្នាក់នៅផ្ទះលេខ៤១ ផ្លូវរថភ្លើង ភូមិដំណាក់ សង្កាត់ភ្នំពេញថ្មី ខណ្ឌសែនសុខ ។
នាយប៉ុស្តិ៍ប៉ូលិសភ្នំពេញថ្មី ឱ្យដឹងថា មុនកើតហេតុម្ចាស់ផ្ទះបានបិទទ្វាររោងលក់គ្រឿងបំពងសម្លេងនៅមុខផ្ទះ ហើយនាំគ្នាចូលដេក លុះដល់ព្រឹកឡើងថ្ងៃទី៣០ កញ្ញា ស្រាប់តែឃើញដំបូលរោងត្រូវគេគាស់ ទើបដឹងថាចោរលួច ។ ជាចៃដន្យនារសៀលថ្ងៃនោះ ខណៈម្ចាស់ផ្ទះទៅទិញខ្សែភ្លើងនៅកន្លែងជួសជុលម៉ាញ៉េឯផ្សារស្រាប់តែឃើញជនសង្ស័យយករបស់ដែលលួចបានពីយប់ដឹកតាមកង់់យកទៅលក់ក៏ចាប់ខ្លួនឱ្យប៉ូលិសប៉ុស្តិ៍តែម្តងទៅ។ ការប្រកបរបរដោយសុចរិត គឺជាការប្រពៃមួយ តែគួរឱ្យស្តាយដែលបុរសរូបនេះបែកគំនិតលួចគេត្រូវតែមានទោសបែបនេះហើយ ៕
ចែករំលែកព័តមាននេះ