រាជធានីភ្នំពេញ ៖ បន្ថែមពីលើការរីករាយចំពោះទំនាក់ទំនងកាន់តែប្រសើរនៃប្រទេសទាំងពីរ កម្ពុជា-វៀតណាម នាយករដ្ឋមន្ត្រីវៀតណាម ជំរុញកម្ពុជាឲ្យពង្រឹងជញ្ជឹងពាណិជ្ជកម្មឡើងដល់២០ពាន់លានដុល្លារ ខណៈដែលកន្លងទៅសម្រេចគោលដៅ១០ពាន់លានដុល្លាររួចហើយ ។ ការប្រកាសរបស់នាយករដ្ឋមន្ត្រីវៀតណាមធ្វើឡើងក្នុងជំនួបដាច់ដោយឡែក នាឱកាសចូលរួមពិធីរំលឹកខួបអនុស្សាវរីយ៍លើកទី៨០…
រាជធានីភ្នំពេញ ៖ បន្ថែមពីលើការរីករាយចំពោះទំនាក់ទំនងកាន់តែប្រសើរនៃប្រទេសទាំងពីរ កម្ពុជា-វៀតណាម នាយករដ្ឋមន្ត្រីវៀតណាម ជំរុញកម្ពុជាឲ្យពង្រឹងជញ្ជឹងពាណិជ្ជកម្មឡើងដល់២០ពាន់លានដុល្លារ ខណៈដែលកន្លងទៅសម្រេចគោលដៅ១០ពាន់លានដុល្លាររួចហើយ ។
ការប្រកាសរបស់នាយករដ្ឋមន្ត្រីវៀតណាមធ្វើឡើងក្នុងជំនួបដាច់ដោយឡែក នាឱកាសចូលរួមពិធីរំលឹកខួបអនុស្សាវរីយ៍លើកទី៨០ នៃបដិវត្តន៍ខែសីហា និងទិវាបុណ្យឯករាជ្យជាតិវៀតណាម ថ្ងៃទី២ ខែកញ្ញា រវាងសម្ដេចតេជោ ហ៊ុន សែន ប្រធានព្រឹទ្ធសភា និងជាប្រធានគណបក្សប្រជាជនកម្ពុជា ជាមួយលោក Pham Minh Chinh នាយករដ្ឋមន្ត្រីវៀតណាម ។ នៅក្នុងជំនួបនោះ លោក Pham Minh Chinh បានបង្ហាញនូវភាពរីករាយចំពោះទំនាក់ទំនងកាន់តែប្រសើរនៃប្រទេសទាំងពីរកម្ពុជា-វៀតណាម។
លោកនាយករដ្ឋមន្ត្រីវៀតណាម ក៏បានជំរុញដើម្បីធ្វើយ៉ាងណាឱ្យទំនាក់ទំនងពាណិជ្ជកម្មនៃប្រទេសកម្ពុជា និងវៀតណាមឈានដល់២០ពាន់លានដុល្លារ ខណៈពេលកន្លងមកភាគីទាំងពីរសម្រេចបានគោលដៅ១០ពាន់លានដុល្លាររួចហើយ។
លើសពីនេះ នាយករដ្ឋមន្ត្រីវៀតណាមបានជំរុញពង្រីកវិស័យទេសចរណ៍នៃប្រទេសទាំងពីរធ្វើយ៉ាងណាឱ្យកើនឡើងថែមទៀតផងដែរ ។
នៅក្នុងជំនួបដដែលនោះ សម្តេចតេជោ ហ៊ុន សែន ក៏បានបង្ហាញការពេញចិត្តចំពោះការរីកចម្រើនផ្នែកពាណិជ្ជកម្ម និងការវិនិយោគរវាងប្រទេសទាំងពីរ ដែលជាផ្នែកនៃការបំពេញឲ្យគ្នាទៅវិញទៅមក។
ចំពោះវិស័យទេសចរណ៍សម្តេចប្រធានព្រឹទ្ធសភាបានរីករាយនឹងកំណើនទេសចរណ៍របស់វៀតណាមនៅកម្ពុជា ដែលស្ថិតក្នុងលំដាប់លេខ១ ហើយទេសចរណ៍កម្ពុជាក៏ទៅទស្សនាវៀតណាមច្រើនដែរ ជាពិសេស ទេសចរណ៍ដែលទៅព្យាបាលជំងឺ ៕
ចែករំលែកព័តមាននេះ