កីឡាករប្រដាល់អង់គ្លេសអាមៀ ខាន់បានប្រកាសថា ការប្រកួតបន្ទាប់របស់ខ្លួននឹងធ្វើនៅខែធ្នូចុងឆ្នាំនេះដោយជួបជាមួយកីឡាករមិនធ្លាប់ចាញ់របស់អាមេរិក កាឡូស ម៉ូលីណា ។ ការប្រកួតត្រូវគេដឹងថា នឹងធ្វើនៅសហរដ្ឋអាមេរិក ក៏ប៉ុន្តែកាលបរិច្ឆេទពិតប្រាកដនៅមិនទាន់បានសម្រេចនៅឡើយទេ ។
កីឡាករប្រដាល់អង់គ្លេសអាមៀ ខាន់បានប្រកាសថា ការប្រកួតបន្ទាប់របស់ខ្លួននឹងធ្វើនៅខែធ្នូចុងឆ្នាំនេះដោយជួបជាមួយកីឡាករមិនធ្លាប់ចាញ់របស់អាមេរិក កាឡូស ម៉ូលីណា ។ ការប្រកួតត្រូវគេដឹងថា នឹងធ្វើនៅសហរដ្ឋអាមេរិក ក៏ប៉ុន្តែកាលបរិច្ឆេទពិតប្រាកដនៅមិនទាន់បានសម្រេចនៅឡើយទេ ។
អាមៀ ខាន់បានបរាជ័យនៅក្នុងការប្រកួត២លើកចុងក្រោយរបស់ខ្លួនដែលលើកទី១គឺក្រោមកណ្តាប់ដៃកីឡាករកីឡាករ Lamont Petersonខែធ្នូឆ្នាំទៅមិញ និងលើកទី២ក្រោមកណ្តាប់ដៃដានី ហ្គាស្យ៉ាកាលពីខែកក្កដាឆ្នាំនេះ ។ ក្នុងពេលថ្មីៗនេះ ខាន់ក៏បានជ្រើសរើសលោក Virgil Hunterធ្វើជាគ្រូបង្ហាត់របស់ខ្លួនជំនួសលោកហ្វ្រេដឌី រ៉ូចដែលជាគ្រូបង្ហាត់ចាស់ផងដែរ ។ គេបានថ្លែងថា ៖«ម៉ូលីណាជាកីឡាករដែលមានល្បិចប្រកួតខ្ពស់និងមានល្បឿនវាយចេញរហ័ស ហើយខ្ញុំតែងតែចង់ជួបកីឡាករបែបនេះ »។
ជាមួយនឹងគ្រូបង្ហាត់ថ្មី អាមៀ ខាន់មានទំនុកចិត្តថា ខ្លួននឹងពិតជាអាចយកឈ្នះការប្រកួតលើកនេះ ។ សូមបញ្ជាក់ថា លោក Virgil Hunterត្រូវបានជាប់ឈ្មោះជាគ្រូបង្វឹកឆ្នើមប្រចាំឆ្នាំ ២០១១ក្រោយពីបានជួយឱ្យកីឡាករអាមេរិក Andre Ward ឈ្នះខ្សែក្រវាត់ពិភពលោកក្នុងប្រភេទទម្ងន់ Super-Middleweightដល់ទៅ២ ។
គេបានថ្លែងថា ៖«គ្រប់គ្នាពិតជាបានដឹងពីជំនាញរបស់គាត់រួមនិងស្នាដៃដែលគាត់សម្រេចបានរយៈ២-៣ឆ្នាំកន្លងមកនេះ ។ ខ្ញុំកំពុងរង់ចាំហ្វឹកហាត់ជាមួយគាត់ ។ ដោយមានគាត់ធ្វើជាអ្នកឱ្យទឹកខ្ញុំ ខ្ញុំដឹងថា ខ្ញុំពិតជាអាចដណ្តើមបានតំណែងកំពូលក្នុងប្រភេទទម្ងន់ Light-Welterweightជាថ្មីវិញ »។
យ៉ាងណាក៏ដោយ ម៉ូលីណាដែលមានវ័យទើប២៥ឆ្នាំពិតជាមិនអាចមើលស្រាលបានទេ ។ នៅក្នុងការប្រកួតសរុប១៨លើក គេឈ្នះ១៧លើកនិងស្មើ១លើក ។ កាលពីខែមិថុនាកន្លងមក គេបានយកឈ្នះកីឡាករ Marcos Leonardo Jimenez ដោយពិន្ទុក្លាយជាម្ចាស់ខ្សែក្រវាត់អន្តរទ្វីបប្រភេទទម្ងន់ស្រាលស្ថាប័ន WBO ៕
ចែករំលែកព័តមាននេះ