ខេត្តកំពត ៖ មានសត្វប្រចៀវរាប់លានក្បាលនៅក្នុងរូងភ្នំទូកមាស ស្រុកបន្ទាយមាស កំពុងរងការលួចចាប់ពីក្រុមមនុស្សដែលគេនិយាយថា ជាចោរជើងឆើតហ៊ានដើរលើខ្នងភ្នំដ៏គ្រោះថ្នាក់បំផុតលួចទៅដងប្រចៀវយកទៅលក់ដោយគេអះអាងថា សាច់ប្រចៀវកំពុងពេញនិយមសម្រាប់ធ្វើជាគ្រឿងក្លែម។
ពលរដ្ឋម្នាក់ឈ្មោះសុខ ឌី ភេទប្រុស អាយុ៤៨ឆ្នាំ មានទីលំនៅភូមិច្រកឃ្លៃ ឃុំទូកមាសខាងលិច ស្រុកបន្ទាយមាស ប្រាប់ឱ្យដឹងថា ពីមុនប្រចៀវនៅរូងភ្នំទូកមាសនេះគឺមានច្រើនណាស់រាប់មិនអស់ទេ ប៉ុន្តែប៉ុន្មានឆ្នាំចុងក្រោយនេះសត្វប្រចៀវមិនសូវមានច្រើនដូចមុនទេ ព្រោះត្រូវចោរលួចយកមងធ្វើជាសំណាញ់ដងចាប់យកទៅលក់ ហើយបើគ្មានការគ្រប់គ្រងឱ្យបានម៉ឺងម៉ាត់នោះទេ អាចនឹងត្រូវផុតពូជនៅពេលក្រោយ ។ លោកលៀង ប៊ុល អាយុ៥២ឆ្នាំ ជាអ្នកគ្រប់គ្រងមើលថែរក្សាសត្វប្រចៀវប្រាប់ឱ្យដឹងថា សត្វប្រចៀវពិតជាមានការបាត់បង់មួយចំនួនមែន ដោយសារត្រូវពួកចោរឡើងទៅដងនៅក្នុងរូងភ្នំទូកមាស ។ លោកបន្តថា លោកបានជួលពលរដ្ឋ២នាក់ឱ្យជួយយាមតែនៅតែមានពួកចោរលួចឆ្លងភ្នំទៅដងប្រចៀវនោះយកទៅលក់ដដែល។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ