កីឡាករអេស្ប៉ាញចច ឡូរេនហ្សូ(Jorge Lorenzo)បានសម្តែងនូវក្តីត្រេកអរយ៉ាងខ្លាំងបន្ទាប់ពីខ្លួនបានយកឈ្នះការនាំមុខបណ្តោះអាសន្ននៃការប្រណាំងម៉ូតូជីភីនៅលើទឹកដីកំណើតរបស់ខ្លួនកម្មវិធី Aragon Moto Grand Prixនៅទីលានប្រណាំង Motorland race trackស្ថិតនៅក្នុងទីក្រុង Alcaniz កាលពីសៅរ៍ទី២៩កញ្ញា ម្សិលមិញ ។
កីឡាករអេស្ប៉ាញចច ឡូរេនហ្សូ(Jorge Lorenzo)បានសម្តែងនូវក្តីត្រេកអរយ៉ាងខ្លាំងបន្ទាប់ពីខ្លួនបានយកឈ្នះការនាំមុខបណ្តោះអាសន្ននៃការប្រណាំងម៉ូតូជីភីនៅលើទឹកដីកំណើតរបស់ខ្លួនកម្មវិធី Aragon Moto Grand Prixនៅទីលានប្រណាំង Motorland race trackស្ថិតនៅក្នុងទីក្រុង Alcaniz កាលពីសៅរ៍ទី២៩កញ្ញា ម្សិលមិញ ។
ឡូរេនហ្សូដែលជាអ្នកបើកបរឱ្យក្រុមយ៉ាម៉ាហាបានយកឈ្នះការនាំមុខបណ្តោះអាសន្នជាលើកទី៥ក្នុងរដូវកាលបន្ទាប់ពីបញ្ចប់ការប្រណាំងក្នុងថិរវេលា១នាទីនិង៤៩.៤០៤វិនាទីប្រជែងយកឈ្នះកីឡាករមិត្តរួមជាតិដានី ប៉េដ្រូហ្សារបស់ក្រុមប្រណាំងហុងដាដែលបានបញ្ចប់ការប្រណាំងក្នុងចំណាត់ថ្នាក់លេខ២ ។ ប៉េដ្រូហ្សាប្រើអស់ថិរវេលា១នាទីនិង៤៩.៤៩២វិនាទីគឺ០.០៨៨វិនាទីយឺតជាងកីឡាករឡូរេនហ្សូ ។ ចំណាត់ថ្នាក់ទី៣បានទៅលើកីឡាករជើងខ្លាំងមកពីប្រទេសអង់គ្លេស Cal Crutchlow ។ Crutchlowដែលបើកបរឱ្យក្រុម Tech 3 Yamahaបានបញ្ចប់ការប្រណាំងក្នុងថិរវេលា១នាទីនិង៤៩.៥៧៦វិនាទី។
កីឡាករអាមេរិកបេន ស្ប៉ាយដែលជាអ្នកបើកបរឱ្យក្រុមយ៉ាម៉ាហាបានបញ្ចប់ការប្រណាំងដោយប្រើអស់ថិរវេលា១នាទីនិង៤៩.៧៤៨វិនាទីគឺ០.៣៤៤វិនាទីយឺតជាងកីឡាករឡូរេនហ្សូតាមពីក្រោយដោយកីឡាករអាល្លឺម៉ង់ Stefan Bradlរបស់ក្រុម LCR Hondaដែលបញ្ចប់ការប្រណាំងក្នុងលំដាប់ទី៥ ។ កីឡាករអុីតាលីអ៊ែនឌ្រា ដូវីហ្ស៊ីយ៉ូសូ(Andrea Dovizioso)បានប្រើអស់ថិរវេលា១នាទីនិង៥០.២៤១វិនាទីស្ថិតក្នុងលំដាប់ទី៦ ។ ឯកីឡាករអុីតាលីម្នាក់ទៀត វ៉ាឡឹនទីណូ រ៉ូស៊ីបញ្ចប់ការប្រណាំងស្ថិតក្នុងចំណាត់ថ្នាក់លេខ៨ ។ កីឡាកររូបនេះបានប្រើអស់ថិរវេលា១នាទីនិង៥០.៩៤៩វិនាទីយឺតជាងកីឡាករឡូរេនហ្សូ១.៥៤៥វិនាទី ។
ថ្លែងបន្ទាប់ពីទទួលបានជោគជ័យ ឡូរេនហ្សូបានបញ្ជាក់ថា៖«វាជាចុងសប្តាហ៍ដ៏ស្រស់ត្រកាលមួយ។
ស្អែកគឺជាថ្ងៃប្រកួតប្រជែងយ៉ាងស្វិតស្វាញបំផុត។ ខ្ញុំគិតថា វាច្បាស់ជាមានការប្រដេញគ្នាយ៉ាងខ្លាំងក្លាបំផុត ។ ការយកឈ្នះក្នុងថ្ងៃនេះពិតជាមានសារសំខាន់ខ្លាំងណាស់ ។ ការប្រណាំងក្នុងថ្ងៃនេះក្រុមរបស់យើងទាំងមូលបានធ្វើការងារជាមួយគ្នាបានយ៉ាងល្អបំផុតជាពិសេសម៉ូតូប្រណាំងហាក់ពុំមានបញ្ហាចោទអ្វីទេ»។ គេបានបន្តថា៖«ទោះជាយ៉ាងណា នៅពេលចាប់ផ្តើមពិតជាពិបាកខ្លាំងដ្បិតផ្លូវប្រណាំងរអិលជាខ្លាំង ។ ខ្ញុំបានសម្រុកទៅមុខយ៉ាងខ្លាំងទើបដណ្តើមបានការនាំមុខ » ។
សម្រាប់ឡូរេនហ្សូដែលជាជើងឯកពិភពលោក២សម័យកាល នេះគឺជាលើកទី២៣ហើយក្នុងអាជីពដែលរូបគេឈ្នះការនាំមុខបណ្តោះអាសន្ន ៕
ចែករំលែកព័តមាននេះ