ភាគហ៊ុនអាស៊ីកើនឡើងខ្ពស់កាលពីថ្ងៃព្រហ្បតិ៍ ស្របពេលដែលមានរបាយការណ៍ថា ធនាគារកណ្តាលរបស់ចិននឹងចាក់បញ្ចូលទឹកប្រាក់៣៦៥ពាន់លានយាន់ ទៅក្នុងប្រព័ន្ធធនាគារ ។ ប៉ុន្តែងាកទៅតំបន់ចាយប្រាក់អឺរ៉ូឯណោះវិញ ប្រទេសអេស្ប៉ាញ និងក្រិកកំពុងជួបវិបត្តិធ្ងន់ធ្ងរដោយសារមានការធ្វើបាតុកម្មប្រឆាំងនឹងរដ្ឋាភិបាល ព្រោះតែវិធានការមួយចំនួន ។
ភាគហ៊ុនអាស៊ីកើនឡើងខ្ពស់កាលពីថ្ងៃព្រហ្បតិ៍ ស្របពេលដែលមានរបាយការណ៍ថា ធនាគារកណ្តាលរបស់ចិននឹងចាក់បញ្ចូលទឹកប្រាក់៣៦៥ពាន់លានយាន់ ទៅក្នុងប្រព័ន្ធធនាគារ ។ ប៉ុន្តែងាកទៅតំបន់ចាយប្រាក់អឺរ៉ូឯណោះវិញ ប្រទេសអេស្ប៉ាញ និងក្រិកកំពុងជួបវិបត្តិធ្ងន់ធ្ងរដោយសារមានការធ្វើបាតុកម្មប្រឆាំងនឹងរដ្ឋាភិបាល ព្រោះតែវិធានការមួយចំនួន ។
សន្ទស្សន៍ផ្សារហ៊ុនក្រុងសៀងហៃ Shanghai Composite កើន៣% ស្របពេលដែលធនាគារចិនកើន០,៨% ហើយធនាគារ Mechant’s Bank កើន០,៩% ។ សន្ទស្សន៍ផ្សារហ៊ុនក្រុងហុងកុង Hang Seng កើន១,២% ខណៈពេលសន្ទស្សន៍ China Enterprise ដែលមានក្រុមហ៊ុនធំៗចុះបញ្ជីនៅចិនដីគោកកើន០,៥%ដែរ ។ ចំណែកសន្ទស្សន៍នៅផ្សារហ៊ុនរបស់ជប៉ុន Nikkei និងសន្ទស្សន៍ផ្សារហ៊ុនអូស្ត្រាលី S&P/ASX កើន០,៥% ដូចគ្នា ខណៈដែលសន្ទស្សន៍នៅផ្សារហ៊ុនកូរ៉េខាងត្បូង KOSPI កើន០,៤% ។ នៅអាស៊ីអាគ្នេយ៍ សន្ទស្សន៍ផ្សារហ៊ុនសិង្ហបុរី Straits Time កើន០,៤% ខណៈដែលសន្ទស្សន៍ផ្សារហ៊ុនម៉ាឡេស៊ី KL Composite កើន០,៦% ។
ដោយឡែកសន្ទស្សន៍អចលនទ្រព្យរបស់ចិនក៏កើនដែរ ក្នុងនោះក្រុមហ៊ុនអចលនទ្រព្យ China Resource Land Ltd កើន២,៦% ខណៈដែលក្រុមហ៊ុន Guangdong Investment Ltd កើន៣,១% ។
ចែករំលែកព័តមាននេះ