ADផ្ទាំងផ្សព្វផ្សាយពាណិជ្ជកម្ម

សមត្ថកិច្ចអន្តរក្រសួងចុះឆែកឆេរនិងបង្ក្រាបឌីស្កថតចម្លង

12 ឆ្នាំ មុន

២៩ ខែ កញ្ញា ឆ្នាំ ២០១២ ម៉ោង ១០:៤៥

រាជធានីភ្នំពេញ ៖ មន្ត្រីសមត្ថកិច្ចអន្តរក្រសួងបង្ក្រាបបទល្មើសភាពយន្ត និងវីដេអូបានចុះឆែកឆេរ និងបង្ក្រាបទីតាំងលក់ឌីស្កថតចម្លងជាច្រើនតូបនៅផ្សារអូឡាំពិក ក្នុងសង្កាត់អូឡាំពិក ខណ្ឌចំការមន ដឹកនាំដោយលោកលី សុផាន់ណា ព្រះរាជអាជ្ញារងអមសាលាដំបូងរាជធានីសហការជាមួយលោក សៅ ប៊ុនធឿន អនុប្រធានគណៈកម្មការអន្តរក្រសួងបង្ក្រាបបទល្មើសភាពយន្ត និងវីដេអូ កាលពីរសៀលថ្ងៃទី២៧ កញ្ញា ដោយមានការចង្អុលបង្ហាញពីលោក ឃឹម សារិទ្ធ រដ្ឋលេខាធិការ

លោក សៅ ប៊ុនធឿន អនុប្រធានគណៈកម្មការអន្តរក្រសួងបង្ក្រាបបទល្មើសភាពយន្តនិងវីដេអូបានឲ្យដឹងថា ក្នុងប្រតិបត្តិការនេះសមត្ថកិច្ចឆែកឆេររកឃើញឌីស្កថតចម្លងដែលមានលក់នៅក្នុងតូបជាច្រើនក្នុងផ្សារអូឡាំពិក ។ ការចុះបង្ក្រាបនេះ ដើម្បីណែនាំអប់រំអាជីវករកុំឲ្យទិញលក់ឌីស្កថតចម្លងក្នុងគោលបំណងលើកស្ទួយវប្បធម៌និងវិស័យសិល្បៈ ។ លោកបញ្ជាក់ថា ឌីស្កថតចម្លងដែលសមត្ថកិច្ចបង្ក្រាបបានយកទៅរក្សាទុកនៅក្រសួងវប្បធម៌ និងវិចិត្រសិល្បៈ ៕