លោក Virgil Hunterដែលបានជួយឱ្យកីឡាករ Andre Wardឈានទៅដល់វគ្គផ្តាច់ព្រ័ត្រកម្មវិធី Super Sixត្រូវបានតែងតាំងជាគ្រូបង្ហាត់ថ្មីរបស់កីឡាករប្រដាល់អង់គ្លេសអាមៀ ខាន់ ។ ការសម្រេចរបស់ក្រុមអាមៀ ខាន់ជ្រើសរើសយកលោក Hunterមកជំនួសលោករ៉ូចគឺបន្ទាប់ពីអាមៀ ខាន់បរាជ័យក្នុងការប្រកួត២លើកបន្តបន្ទាប់គ្នា ។ ក្រុមនេះយល់ឃើញថា អាមៀ ខាន់គឺជាអាទិភាព
លោក Virgil Hunterដែលបានជួយឱ្យកីឡាករ Andre Wardឈានទៅដល់វគ្គផ្តាច់ព្រ័ត្រកម្មវិធី Super Sixត្រូវបានតែងតាំងជាគ្រូបង្ហាត់ថ្មីរបស់កីឡាករប្រដាល់អង់គ្លេសអាមៀ ខាន់ ។ ការសម្រេចរបស់ក្រុមអាមៀ ខាន់ជ្រើសរើសយកលោក Hunterមកជំនួសលោករ៉ូចគឺបន្ទាប់ពីអាមៀ ខាន់បរាជ័យក្នុងការប្រកួត២លើកបន្តបន្ទាប់គ្នា ។ ក្រុមនេះយល់ឃើញថា អាមៀ ខាន់គឺជាអាទិភាពទី២របស់លោករ៉ូចបន្ទាប់ពីម៉ានី ប៉ាក់គីអាវក៏ដូចជាកីឡាករ Julio Cesar Chavez Jr. ប៉ុណ្ណោះ ។
ការបរាជ័យលើកទី២ក្រោមកណ្តាប់ដៃកីឡាករដានី ហ្គាស្យ៉ារឹតតែបញ្ជាក់យ៉ាងច្បាស់ថា បច្ចេកទេសការពាររបស់អាមៀ ខាន់អន់ខ្លាំងណាស់ ។ ខាន់ធ្លាប់បានបញ្ជាក់ថា លោករ៉ូចមិនបានយកចិត្តទុកដាក់បង្ហាត់ខ្លួនដូចកីឡាករផ្សេងទៀតក្នុងជុំរុំហ្វឹកហាត់នោះទេ ហើយនោះជាមូលហេតុដែលនាំឱ្យគេចាញ់ការប្រកួត ។
លោករ៉ូចវិញបានថ្លែងថា ខ្លួនបានព្រងើយកន្តើយនឹងការស្នើសុំរបស់ជុំរុំហ្វឹកហាត់អាមៀ ខាន់ចំនួន២លើកដែលសុំឱ្យលោកបោះបង់ចោលការបង្ហាត់ម៉ានី ប៉ាក់គីអាវនិង Julio Cesar Chavez Jr.ទៅបង្ហាត់តែអាមៀ ខាន់ម្នាក់ឯង ។
អាមៀ ខាន់បានចាប់ហាត់រៀនជាមួយលោកហ្វ្រេដឌី រ៉ូចនៅឆ្នាំ២០០៨ពោលគឺក្រោយពីរូបគេចាញ់ដោយសន្លប់ក្នុងទឹកទី១អំឡុងការប្រកួតការពារខ្សែក្រវាត់ទម្ងន់ស្រាលអន្តរទ្វីប WBOប្រឆាំងកីឡាករ Breidis Prescott ។ បន្ទាប់ពីនោះមក គេបានយកឈ្នះ៨ប្រកួតរួមនិងខ្សែក្រវាត់ពិភពលោក២ស្ថាប័ន ។ នៅក្នុង១៧ប្រកួតដំបូង ខាន់ត្រូវបានបង្ហាត់ដោយលោក Oliver Harrison ។ បន្ទាប់មកគឺលោក Dean Powell និងលោក Jorge Rubio។ ប៉ុន្តែពួកគេបង្ហាត់ខាន់បានម្នាក់មួយប្រកួតប៉ុណ្ណោះ មុនពេលដែលកីឡាករអង់គ្លេសដើមកំណើតប៉ាគីស្ថានរូបនេះផ្លាស់មកហាត់ជាមួយលោកហ្វ្រេដឌី រ៉ូច ។
សូមបញ្ជាក់ថា អាមៀ ខាន់ធ្លាប់ប្រកួតបាន២៩លើក ឈ្នះ២៦ ចាញ់៣ មិនដែលស្មើ និងធ្លាប់ផ្តួលដៃគូឱ្យសន្លប់បានចំនួន ១៨លើក ៕
ចែករំលែកព័តមាននេះ