លោកចន ដាប់បលយូហេនរី អ្នកជំនួញជនជាតិអាមេរិក និងជាម្ចាស់ក្លិបហង្សក្រហម Liverpoolបានសម្រេចចិត្តមិនសាងសង់ទីលានប្រកួតថ្មី ប៉ុន្តែនឹងបោះទីតាំងនៅឯទីលាន អេនហ្វីលបន្ត ដោយពង្រីកចំណុះឱ្យបានដល់៦០.០០០កៅអី ។ នេះបើតាមការបង្ហើបឱ្យដឹងពីទីភ្នាក់ងារព័ត៌មានដេលីម៉េលរបស់អង់គ្លេស ។
លោកចន ដាប់បលយូហេនរី អ្នកជំនួញជនជាតិអាមេរិក និងជាម្ចាស់ក្លិបហង្សក្រហម Liverpoolបានសម្រេចចិត្តមិនសាងសង់ទីលានប្រកួតថ្មី ប៉ុន្តែនឹងបោះទីតាំងនៅឯទីលាន អេនហ្វីលបន្ត ដោយពង្រីកចំណុះឱ្យបានដល់៦០.០០០កៅអី ។ នេះបើតាមការបង្ហើបឱ្យដឹងពីទីភ្នាក់ងារព័ត៌មានដេលីម៉េលរបស់អង់គ្លេស ។
សម្រាប់គម្រោងការពង្រីកទីលានប្រកួតអេនហ្វីលរំពឹងថា នឹងចំណាយប្រាក់ប្រហែល១៥០លានផោនដែលអាចសន្សំសំចៃបានដល់ទៅ៤០០លានផោនប្រសិនបើសាងសង់ទីលានប្រកួតថ្មីនៅបរិវេណស្គេនលីផាក ដោយមិនរួមបញ្ចូលថវិកាប្រហែល៥០លានផោនក្នុងការចេញម៉ូដ ។
Liverpool នៅមិនទាន់ប្រកាសជាផ្លូវការនៅឡើយទេ ប៉ុន្តែសភាក្នុងទីក្រុងមានជំនឿថា ហ្វេនវ៉េស្ព័រ ហ្រ្គុប (Fenway Sports Group)របស់លោកចន ដាប់បលយូហេនរី ជាម្ចាស់ក្លិប នឹងបញ្ជាក់ប្រាប់អ្នកគាំទ្រក្នុងពេលឆាប់ៗនេះ ។អ្នកនាំពាក្យប្រចាំសភាបង្ហើបឱ្យដឹងថា ក្លិបLiverpool ហាក់ដូចជាសម្រេចនៅទីតាំងអេនហ្វីលបន្ត និងត្រៀមបញ្ជាក់ការសម្រេចជាថ្មីក្នុងពេលឆាប់ៗនេះ។
បច្ចុប្បន្នអេនហ្វីល មានចំណុះកៅអីប្រហែល៤៥.០០០ហើយការពង្រីកចំណុះកៅអីនេះគឺដើម្បីប្រកួតប្រជែងនឹងក្លិបផ្សេងៗ ក្នុងក្របខណ្ឌប្រឺមីញេលីកលើប្រាក់ចំណូល ព្រោះកាលពីមុននេះមានការពិភាក្សាគ្នាអស់រយៈពេលជិត១០ឆ្នាំ រឿងសង់ទីលានប្រកួតថ្មី ប៉ុន្តែមានភាពរអាក់រអួល ៕
ចែករំលែកព័តមាននេះ