ការស្ទាបស្ទង់មតិមួយចេញផ្សាយកាលពីថ្ងៃទី២៦ កញ្ញា ឱ្យដឹងថា លោកបារ៉ាក់អូបាម៉ាមានអ្នកគាំទ្រនាំមុខដាច់គូប្រជែងនៃគណបក្សសាធារណរដ្ឋ លោក មីតរ៉ូមនី ក្នុងរដ្ឋគន្លឹះ២ដែលចាត់ទុកថា សំខាន់បំផុតកំណត់ពីជោគជ័យសម្រាប់ការបោះឆ្នោតប្រធានាធិបតីអាេមរិកនាថ្ងៃទី៦ វិច្ឆិកា ខាងមុខនេះ ដោយរដ្ឋគន្លឹះទាំងពីរនោះគឺរដ្ឋផ្លរីដា ហើយពិសេសបំផុតរដ្ឋ អូហៃយ៉ូ ។ ក្នុង
ការស្ទាបស្ទង់មតិមួយចេញផ្សាយកាលពីថ្ងៃទី២៦ កញ្ញា ឱ្យដឹងថា លោកបារ៉ាក់អូបាម៉ាមានអ្នកគាំទ្រនាំមុខដាច់គូប្រជែងនៃគណបក្សសាធារណរដ្ឋ លោក មីតរ៉ូមនី ក្នុងរដ្ឋគន្លឹះ២ដែលចាត់ទុកថា សំខាន់បំផុតកំណត់ពីជោគជ័យសម្រាប់ការបោះឆ្នោតប្រធានាធិបតីអាេមរិកនាថ្ងៃទី៦ វិច្ឆិកា ខាងមុខនេះ ដោយរដ្ឋគន្លឹះទាំងពីរនោះគឺរដ្ឋផ្លរីដា ហើយពិសេសបំផុតរដ្ឋ អូហៃយ៉ូ ។ ក្នុងរដ្ឋទាំងពីរនេះលោកអូបាម៉ានាំមុខលោករ៉ូមនី ដល់១០ពិន្ទុ ។
លោកអូបាម៉ា និងលោករ៉ូមនី កាលពីថ្ងៃទី២៦ កញ្ញា សុទ្ធតែទៅឃោសនាបោះឆ្នោតនៅរដ្ឋអូហៃយ៉ូ ជារដ្ឋមួយដែលក្នុងប្រវត្តិសាស្ត្រថ្មី ពុំមានបេក្ខជននៃគណបក្សសាធារណរដ្ឋណាមួយ អាចឈ្នះឆ្នោតប្រធានាធិបតីដោយពុំបានឈ្នះឆ្នោតនៅរដ្ឋនេះឡើយ។
យោងតាមការស្ទាបស្ទង់មតិរបស់ញូវយ៉កថែម របស់CBS និងសាកលវិទ្យាល័យQUINNIPIAC ថា ខណៈសល់ពេល៥សប្តាហ៍ និង៦ថ្ងៃទៀតដល់ថ្ងៃបោះឆ្នោត លោក រ៉ូមនី មានអ្នកចង់បោះឆ្នោតឱ្យលោកនៅរដ្ឋអូហៃយ៉ូត្រឹម៤៣% ក្នុងចំណោមពួកអ្នកត្រូវសាកសួរទល់នឹង៥៣% សម្រាប់លោកអូបាម៉ា ។ នៅរដ្ឋផ្លរីដា អ្នកចង់បោះឆ្នោតឱ្យលោកអូបាម៉ាមាន៥៣% ទល់នឹង៤៤% សម្រាប់លោកមីតរ៉ូមនី៕
ចែករំលែកព័តមាននេះ