តម្លៃទំនិញប្រើប្រាស់វៀតណាមក្នុងខែកញ្ញាឡើងខ្ពស់បំផុតក្នុងរយៈពេល១៦ខែ ដោយសារតម្លៃថែទាំសុខុមាលភាព ការអប់រំ និងគមនាគមន៍ឡើងខ្ពស់ដែរ ។សន្ទស្សន៍តម្លៃទំនិញប្រើប្រាស់កើន២,២% ចាប់ពីដើមខែកញ្ញាមក នេះបើតាមការិយាល័យស្ថិតិរដ្ឋាភិបាលឱ្យដឹង ។កាលពីខែសីហា កន្លងទៅ សន្ទស្សន៍តម្លៃទំនិញប្រើប្រាស់របស់ប្រទេសនេះកើន០,៦% ។
តម្លៃទំនិញប្រើប្រាស់វៀតណាមក្នុងខែកញ្ញាឡើងខ្ពស់បំផុតក្នុងរយៈពេល១៦ខែ ដោយសារតម្លៃថែទាំសុខុមាលភាព ការអប់រំ និងគមនាគមន៍ឡើងខ្ពស់ដែរ ។សន្ទស្សន៍តម្លៃទំនិញប្រើប្រាស់កើន២,២% ចាប់ពីដើមខែកញ្ញាមក នេះបើតាមការិយាល័យស្ថិតិរដ្ឋាភិបាលឱ្យដឹង ។កាលពីខែសីហា កន្លងទៅ សន្ទស្សន៍តម្លៃទំនិញប្រើប្រាស់របស់ប្រទេសនេះកើន០,៦% ។
កំណើនតម្លៃទំនិញកើតមានឡើងនៅពេលដែលក្រុមអាជ្ញាធរស្វះស្វែងពង្រីកឥណទានដើម្បីសង្គ្រោះសេដ្ឋកិច្ចស្របពេលដែលមានក្តីបារម្ភថា អតិផរណាអាចនឹងកើតឡើងម្តងទៀតពិបាកគ្រប់គ្រងបាន ។កាលពីដើមខែនេះ លោកនាយករដ្ឋមន្ត្រីវៀតណាម ង្វៀន តាន់ដុង និយាយថា វៀតណាមមានបំណងកំណត់អតិផរណាត្រឹម៦% នៅក្នុងឆ្នាំនេះ និងឆ្នាំក្រោយ៧% ហើយសន្ទស្សន៍តម្លៃទំនិញប្រើប្រាស់កើន១៨,១% កាលពីឆ្នាំ២០១១ ។ សេដ្ឋវិទូម្នាក់នៅសាកលវិទ្យាល័យធនាគារក្រុងហូជីមិញ និយាយថា បវេសនកាលឆ្នាំថ្មីនៅក្នុងខែកញ្ញា និងតម្លៃប្រេងសាំងខ្ពស់បានជំរុញឱ្យតម្លៃការអប់រំ និងគមនាគមន៍កើនឡើង ។
យោងតាមទិន្នន័យពីធនាគាររដ្ឋវៀតណាម បានឱ្យដឹងថា កម្ចីនៅជំពាក់សរុបរបស់ធនាគារនៅក្នុងខែកញ្ញាកើន ១,៨២% ចាប់ពីចុងឆ្នាំ២០១១ មក ។ ថ្មីៗនេះវៀតណាមបានកំណត់ទិសដៅកំណើនឥណទានឆ្នាំ២០១២ ចំនួន១៥% ប៉ុន្តែទេសាភិបាលធនាគារកណ្តាលលោកង្វៀន វ៉ាន់ប៊ិញ និយាយថា កំណើនឥណទាននឹងមិនលើសពី៨%ទេ ៕
ចែករំលែកព័តមាននេះ