រាជធានីភ្នំពេញ ៖ ពេជ្រ អារុណ អ្នកប្រដាល់ចាស់វស្សាមកពីក្លិបសម្រែករាជសីហ៍បង្ក្រាបគ្រឿងញៀន ណាត់ជួបសាកកម្លាំង សាំង សីុថា មកពីសមាគមកីឡាប្រដាល់ក្រសួងការពារជាតិ នៅលើសង្វៀនទូរទស្សន៍ប៉ុស្តិ៍លេខ៥ ថ្ងៃអាទិត្យ ទី៣០ កញ្ញា ខាងមុខនេះ ។
រាជធានីភ្នំពេញ ៖ ពេជ្រ អារុណ អ្នកប្រដាល់ចាស់វស្សាមកពីក្លិបសម្រែករាជសីហ៍បង្ក្រាបគ្រឿងញៀន ណាត់ជួបសាកកម្លាំង សាំង សីុថា មកពីសមាគមកីឡាប្រដាល់ក្រសួងការពារជាតិ នៅលើសង្វៀនទូរទស្សន៍ប៉ុស្តិ៍លេខ៥ ថ្ងៃអាទិត្យ ទី៣០ កញ្ញា ខាងមុខនេះ ។
រវាងគូនេះ បើទោះជាសុទ្ធតែជាអ្នកប្រដាល់ចាស់វស្សាដូចគ្នាមែន ប៉ុន្តែកន្លងមកមិនធ្លាប់បានជួបគ្នាម្តងណាឡើយ ។ និយាយពីប្រវតិ្តអារុណ ធ្លាប់ឡើងសង្វៀនមុនសីុថា ប៉ុន្តែថ្វីដៃប្រកួតគឺមិនលើសគ្នាប៉ុន្មានឡើយ ។ អារុណ គ្រាន់តែមួយរយៈនេះ គេអន់កម្លាំងជាងមុនបន្តិច តែល្បិចប្រយុទ្ធនៅលើសង្វៀន គឺល្អជាងសីុថា ព្រោះថាស្នៀតកែង និងជង្គង់របស់គេអាចប្រើការបានយ៉ាងល្អបំផុត ។
ស្នៀតជង្គង់របស់គេពេលវាយចេញម្តងៗមិនសូវជាខុសទិសដៅប៉ុន្មានឡើយ បើមិនមានការប្រុងប្រយ័ត្នទេច្បាស់ជាគ្រោះថ្នាក់មិនខាន ។ រីឯសីុថា វិញ ទោះមិនសូវពូកែស្នៀតកែង និងជង្គង់មែន ប៉ុន្តែស្នៀតជើង និងស្នៀតកណ្តាប់ដៃល្អ និងមានកម្លាំងខ្លាំង រីឯចិត្តក៏សឿងណាស់ដែរ ។ សីុថា គេគិតថា អារុណជាសិស្សច្បង ប៉ុន្តែគេក៏ចង់សាកមើលដែរថា តើអារុណ ខ្លាំងប៉ុនណានោះ ។ រវាងគូនេះ បើសិនជាអារុណ មិនអាចបំបាក់សីុថា ឱ្យបានមុនទឹកទី៥ទេនោះ គឺអាចនឹងយ៉ាប់ដោយសារសីុថា មិនខានឡើយ ជាពិសេសគឺចាញ់កម្លាំងតែម្តង ។
សូយ វីរៈ មកពីក្លិបអូដឹមកីឡា ក៏ត្រូវបានផ្គូផ្គងឱ្យប្រកួតជាមួយ កៅ ឡាក់ មកពីក្លិបកងពលតូចលេខ៧០ នៅថ្ងៃជាមួយគ្នានេះដែរ ។ រវាងគូនេះ ក៏មិនមែនជាជើងអន់ប៉ុន្មានដែរខាងល្បិចប្រយុទ្ធនៅលើសង្វៀននោះ ។ វីរៈ ល្បីល្បាញខាងស្នៀតកែង រាល់ការវាយចេញរបស់គេត្រូវចំទិសដៅបានល្អ ប៉ុន្តែមានសភាពយឺតយ៉ាវបន្តិច ជាពិសេសស្នៀតជើងរបស់គេមិនសូវប្រើការបានល្អឡើយ ។ ផ្ទុយពីកៅ ឡាក់ ដែលល្អទាំងស្នៀតកែង និងជង្គង់ ចលនាវាយចេញរបស់គេមានភាពច្បាស់លាស់ល្អខ្លាំងណាស់ ។ ទោះជាយ៉ាងណា កៅ ឡាក់ ក៏មានការកោតញញើតវីរៈ ដែរ ព្រោះថាភាពអំណត់ និងការចេះសន្សំសំចៃកម្លាំងរបស់វីរៈ គឺជាកត្តាមួយដែលអាចនាំឱ្យគេទទួលបានជ័យជម្នះច្រើនជាងការបរាជ័យ ។ រីឯកៅឡាក់ វិញមានចរិតឆេវឆាវបន្តិច ចូលចិត្តចំណាយកម្លាំងច្រើនឥតប្រយោជន៍ ដូច្នេះចាំមើលគូនេះអ្នកណាខ្លាំងជាងអ្នកណាគង់តែបានដឹងនោះទេ។
នៅសង្វៀនដដែលក៏មានជំនួបរវាងកីឡាករយស់ សំអាល់ មកពីក្លិបឃ្លាំងមឿងកីឡា និងកីឡាករ ទី ពន្លែត មកពីក្លិបសឹករងខេត្តសៀមរាប ។ កីឡាករ កុសល វិសាល មកពីក្លិបសាលវ័ន្តកីឡា និងកីឡាករសល់ ប៊ុនហីុម មកពីក្លិបអាសីុកីឡា ៕
ចែករំលែកព័តមាននេះ