លោកបានគីមូន ស្នើរដ្ឋជាសមាជិកអ.ស.ប បង្កើនការខិតខំប្រឹងប្រែងដោះស្រាយវិបត្តិដែលមានការកើនឡើងលើពិភពលោក
អគ្គលេខាធិការអ.ស.បលោកបានគីមូន ក្នុងសង្កថាបើកការជជែកពិភាក្សាទូទៅនៃមហាសន្និបាតលើកទី៦៧របស់អ.ស.ប កាលពីថ្ងៃទី២៥ កញ្ញា មានប្រសាសន៍ថា ពិភពលោកកំពុងតែប្រឈមមុខនឹងការប្រឈមធំៗដើម្បីធានាដល់អនាគតរបស់ខ្លួន ខណៈ
លោកបានគីមូន ស្នើរដ្ឋជាសមាជិកអ.ស.ប បង្កើនការខិតខំប្រឹងប្រែងដោះស្រាយវិបត្តិដែលមានការកើនឡើងលើពិភពលោក
អគ្គលេខាធិការអ.ស.បលោកបានគីមូន ក្នុងសង្កថាបើកការជជែកពិភាក្សាទូទៅនៃមហាសន្និបាតលើកទី៦៧របស់អ.ស.ប កាលពីថ្ងៃទី២៥ កញ្ញា មានប្រសាសន៍ថា ពិភពលោកកំពុងតែប្រឈមមុខនឹងការប្រឈមធំៗដើម្បីធានាដល់អនាគតរបស់ខ្លួន ខណៈដែលធនធានមានតម្លៃទាំងឡាយ ដែលបម្រើដល់ការអភិវឌ្ឍន៍សេដ្ឋកិច្ច និងកាត់បន្ថយការផ្លាស់ប្តូរបរិយាកាសត្រូវប្រើខ្ជះខ្ជាយទៅលើបណ្តាអាវុធសម្លាប់រង្គាល ។
លោកបានគីមូន គូសបញ្ជាក់ថា ឆ្នាំនេះខ្ញុំសូមធ្វើការអំពាវនាវជាបន្ទាន់ចំពោះថ្នាក់ដឹកនាំគ្រួសារមនុស្សជាតិ ។ យើងកំពុងស្ថិតក្នុងដំណាក់កាលចលាចលមួយដោយសារការផ្លាស់ប្តូរនិងការឆ្លងកាត់ ខណៈពេលវេលាមិនស្ថិតនៅខាងយើង ។លោកបន្តថា ការប្រើប្រាស់របស់យើងនូវបណ្តាធនធានរុញច្រាន ពិភពលោកដល់កម្រិតមួយដែលផែនដីពុំអាចរ៉ាប់រ៉ងបាន ។ សម្រាប់បរិស្ថានមួយចំនួនពេលនេះវាដល់កម្រិតមានផលប៉ះពាល់ ។ យោងតាមពួកអ្នកវិទ្យាសាស្ត្រល្បីៗនៃពិភពលោកថា យើងត្រូវឱ្យមានការផ្លាស់ប្តូរ ដើម្បីកុំឱ្យវាហួសពេល ។
ប្រមុខរដ្ឋនិងប្រមុខរដ្ឋាភិបាលជាច្រើនរូបបច្ចុប្បន្នកំពុងស្ថិតនៅទីក្រុងញូវយ៉កដើម្បីចូលរួមក្នុងការជជែកពិភាក្សាទូទៅក្នុងមហាសន្និបាតអ.ស.បដែលចាប់ផ្តើមពីថ្ងៃទី២៥ កញ្ញា ទៅរួចបន្តរហូតដល់ថ្ងៃទី១ តុលា ។លោកបានគីមូន បានសម្តែងការអបអរសាទរចំពោះការរីកចម្រើនសំខាន់ៗក្នុងការតស៊ូប្រឆាំងភាពក្រីក្រ ដែលកាត់បន្ថយបានពាក់កណ្តាលនៃអត្រាអ្នកក្រីក្របំផុតចាប់តាំងពីឆ្នាំ២០០០មក ។ លោកក៏លើកឡើងដែរពីការឆ្លងកាត់ប្រជាធិបតេយ្យដែលកំពុងប្រព្រឹត្តទៅនៅមជ្ឈឹមបូពា៌នៅមីយ៉ាន់ម៉ា និងនៅប្រទេសជា ច្រើនទៀតនៃពិភពលោក ។ ម្យ៉ាងទៀតលោកបានសរសើរដល់ទ្វីបអាស៊ី និងអាហ្វ្រិក ដែលបច្ចុប្បន្នមានកំណើនសេដ្ឋកិច្ច យ៉ាងលឿន ។
ស្តីពីបញ្ហាស៊ីរីដែលនៅទីនោះមនុស្សជាង១៨.០០០នាក់ ហើយត្រូវស្លាប់ តាំងពីចាប់ផ្តើមមានវិបត្តិកាលពី១៨ខែមុនមក ហើយពលរដ្ឋស៊ីរីជិត២,៥លាននាក់ ត្រូវការជំនួួយមនុស្សធម៌បន្ទាន់លោកបានគីមូន អះអាងពីភាពកាន់តែដុនដាបនៃសភាពការណ៍នៅទីនោះពីមួយថ្ងៃទៅមួយថ្ងៃដែលគំរាមកំហែងដល់ស្ថេរភាពនៅមជ្ឈឹមបូព៌ា ៕
ចែករំលែកព័តមាននេះ