ឆ្នាំ១៦៥៥
-លោកចន កាស័រ គឺជាមនុស្សស្របច្បាប់ទី១ដែលគេទទួលស្គាល់ថា ជាទាសករនៅក្នុងសហរដ្ឋអាមេរិក ។
ឆ្នាំ១៧៧៥
-លោកថូម៉ាស ផេន កវីជនជាតិអង់គ្លេសបាននិពន្ធអត្ថបទក្រោមចំណងជើងថា “ទាសភាពអាហ្វ្រិកនៅក្នុងប្រទេសអាមេរិក”ដែល នេះជាអត្ថបទទី១នៅក្នុងសហរដ្ឋអាមេរិកដើម្បីហៅឱ្យមានភាពស្មើគ្នា ឬសិទ្ធិស្មើគ្នានៃទាសករ និងតំរូវឱ្យរំលាយរបបទាសភាពជាសាធារណៈ ។
ឆ្នាំ១៨១៧
-ផ្សារហ៊ុនញូវយ៉កត្រូវបានបង្កើតឡើង។
ឆ្នាំ១៨៤៤
-អូស្ការទី១ បានឡើងគ្រងរាជ្យជាស្ដេចនៃប្រទេសស៊ុយអែត-ន័រវ៉េស ។
ឆ្នាំ១៩១១
-ទិវានារីអន្ដរជាតិបានប្រារឰឡើងនៅ ទីក្រុងកូប៉េនហាក ប្រទេសដាណឺម៉ាក ដោយមានលោកស្រីក្លេរ៉ា ហ្សេតគីន ប្រធានការិយាល័យស្ដ្រីសំរាប់គណបក្សសង្គមប្រជាធិបតេយ្យនៃប្រទេសអាល្លឺម៉ង់ចូលរួម ។
ឆ្នាំ១៩២១
-នាយករដ្ឋមន្ដ្រីប្រទេសអេស្ប៉ាញឈ្មោះអេឌូអាដូ ដាតូអ៊ីរ៉ាឌីយេ ត្រូវបានគេធ្វើឃាត ពេលលោកកំពុងដើរចេញពីវិមានសភានៅទីក្រុងម៉ាឌ្រីដ។
ឆ្នាំ១៩២៤
-មានការផ្ទុះរ៉ែនៅទីក្រុងកាសល ហ្គេត រដ្ឋយូតា ចំនួន៣ដងបណ្ដាលឱ្យស្លាប់មនុស្ស១៧១នាក់ ដែលការស្លាប់ដោយសារស្រូបសារធាតុកាបូន ម៉ូណូអុកស៊ីត។ បច្ចុប្បន្នទីក្រុងនេះត្រូវបានគេបោះបង់ចោល ។
ឆ្នាំ១៩៤២
-ក្នុងសង្គ្រាមលោកលើកទី២ ប្រទេសហុល្លង់បានចុះចាញ់កងទ័ពប្រទេសជប៉ុននៅលើដែនកោះជ្វា បច្ចុប្បន្នប្រទេសឥណ្ឌូណេស៊ី។
ឆ្នាំ១៩៥៧
-ប្រទេសអេហ្ស៊ីបបានសំរេចបើកច្រកព្រែកជីកស៊ុយអេ ជាថ្មី បន្ទាប់ពីមានវិបត្ដិលើព្រែកជីកនេះ ។
-ប្រទេសហ្គាណា បានចូលជាសមាជិកនៃអង្គការសហប្រជាជាតិ ។
ឆ្នាំ១៩៦៦
-ក្រុមបាតុករក្មេងអៀរឡង់ បានដាក់គ្រាប់បំផ្ទុះរូបសំណាកនេលសុន ភីឡា ក្នុង ទីក្រុងឌូប្លីន ប្រទេសអៀរឡង់ ។
ឆ្នាំ១៩៧៤
-ព្រលានយន្ដហោះសាលដឺហ្គោល បានបើកសម្ពោធនៅក្នុងទីក្រុងប៉ារីស ប្រទេសបារាំង ។
ឆ្នាំ១៩៧៩
-ក្រុមហ៊ុនហ្វីលីពបានដាក់បង្ហាញ CD ជាសាធារណៈជាលើកទី១។
ឆ្នាំ១៩៨៣
-ប្រធានាធិបតីទី៤០របស់សហរដ្ឋអាមេរិកលោក រ៉ូណាល់ រីហ្គេន បានហៅសហភាពសូវៀតថា “ចក្រភពបិសាច”។
ឆ្នាំ២០០៣
-តាមរយៈការធ្វើប្រជាមតិឃើញថា ប្រទេសម៉ាល់តានឹងចូលក្នុងសហគមន៍អឺរ៉ុបនៅឆ្នាំ២០០៤។
ឆ្នាំ២០០៤
-រដ្ឋធម្មនុញថ្មីនៃប្រទេសអ៊ីរ៉ាក់ត្រូវ បានចុះហត្ថលេខាដោយក្រុមប្រឹក្សារដ្ឋាភិបាលអ៊ីរ៉ាក់ ។
ឆ្នាំ២០០៥
-នៅប្រទេសអូស្ដ្រាលី ស្ដ្រីមេម៉ាយវ័យ១០៤ឆ្នាំ ជនជាតិចិនឈ្មោះស៊ីយូហ៊ូ ដែលបានរស់នៅក្នុងប្រទេសអូស្ដ្រាលី១០ឆ្នាំមកហើយនោះត្រូវបានគេច្រានចោលសំណើសុំទិដ្ឋាការ (VISA) អចិន្ដ្រៃយ៍ ។
ឆ្នាំ២០០៧
-សង្គ្រាមស៊ីវិលនៅស្រីលង្កាធ្វើឱ្យប្រជាជនស៊ីវិលរាប់ម៉ឺននាក់រត់ភៀសខ្លួនចេញពី ផ្ទះដោយសារការប្រយុទ្ធគ្នារវាងកងទ័ពរដ្ឋាភិបាល និងពួកឧទ្ទាមខ្លាតាមិល ។
ឆ្នាំ២០០៩
-ប្រទេសកូរ៉េខាងជើងបានរៀបចំធ្វើការបោះឆ្នោតសភាប្រជាជនជាន់ខ្ពស់របស់ខ្លួន ៕
ចែករំលែកព័តមាននេះ