រាជធានីភ្នំពេញ ៖ បន្ទាប់ពីបានចូលរួមធ្វើការហ្វឹកហ្វាត់និងចូលរួមប្រកួតជាលក្ខណៈមិត្តភាពកាលពីថ្ងៃទី២០ កញ្ញា នៅទីលានបាល់ទាត់ក្រុងបាងកក ដែលនាំឱ្យក្រុម Bankok Glass ឈ្នះក្រុម BEC Tero Sasana 3-2 រួចមក កុបអុីសា មានជំនឿចិត្តថា អាចលេងនៅក្នុងក្រុមល្បីរបស់ថៃបាន ។
រាជធានីភ្នំពេញ ៖ បន្ទាប់ពីបានចូលរួមធ្វើការហ្វឹកហ្វាត់និងចូលរួមប្រកួតជាលក្ខណៈមិត្តភាពកាលពីថ្ងៃទី២០ កញ្ញា នៅទីលានបាល់ទាត់ក្រុងបាងកក ដែលនាំឱ្យក្រុម Bankok Glass ឈ្នះក្រុម BEC Tero Sasana 3-2 រួចមក កុបអុីសា មានជំនឿចិត្តថា អាចលេងនៅក្នុងក្រុមល្បីរបស់ថៃបាន ។
កីឡាករខ្សែប្រយុទ្ធរបស់ណាហ្គាខប វ័យ១៩ឆ្នាំ រូបនេះ បាននិយាយថា ទាំងល្បឿននិងបច្ចេកទេសលេងគឺលោកមិនចាញ់កីឡាករល្បីៗ នៅក្នុងក្រុម Bankok Glass ឡើយ ។ ការដែលនាំឱ្យលោកមានឱកាសបានចូលរួមប្រកួតនៅក្នុងក្រុមល្បី Bankok Glass នាពេលនោះ គឺបន្ទាប់ពីលោកបានចូលរួមហ្វឹកហាត់១ថ្ងៃជាមួយក្រុម Bankok Glass នៅថ្ងៃទី១៨ កញ្ញា រួចមក ។
លោកប្រាក់ សុវណ្ណារ៉ា គ្រូបង្វឹករបស់ណាហ្គាខប បាននិយាយថា លោកពិតជាមានការកោតសរសើរយ៉ាងខ្លាំងចំពោះកុបអុីសា នៅពេលលោកបានឃើញពីរបៀបលេងរបស់គេស៊ីសង្វាក់គ្នាជាមួយមិត្តរួមក្រុមនៅក្នុងក្រុម Bankok Glass ទាំងបច្ចេកទេសនិងល្បឿន គឺគេធ្វើបានល្អបំផុត ។ និយាយរួមគឺការសហការគ្នារវាងមិត្តរួមក្រុមទាំងអស់តែម្តង ដូចជាការបញ្ជូនគ្រាប់បាល់ទៅឱ្យមិត្តរួមក្រុមធ្វើការស៊ុតបញ្ចូលទីបានសម្រេចនោះគឺជារឿងដែលល្អបំផុត ។
លោក Yeo WEE Han ប្រធានផ្នែកគ្រប់គ្រងទីផ្សារកីឡារបស់ណាហ្គាវើល បានឱ្យដឹងផងដែរថា ទាំងអស់នេះ គឺជាបទពិសោធន៍ដែលកីឡាករម្នាក់ៗទទួលបានមិនមែនតែសម្រាប់ក្រុមណាហ្គាខបនោះទេ ហើយអ្វីដែលសំខាន់ជាងនេះទៅទៀតនោះ គឺការប្រើប្រាស់បទពិសោធន៍ទាំងនេះឱ្យក្លាយជាកីឡាករអាជីព នាពេលអនាគតសម្រាប់កម្ពុជា។ នេះគឺជាលើកទី១ ហើយ ដែលណាហ្គាវើលរៀបចំឱ្យមានការទៅចូលរួមធ្វើការផ្លាស់ប្តូរបទពិសោធន៍ជាមួយក្រុមដទៃទៀត នៅក្នុងតំបន់អាស៊ាន បានន័យថា កីឡាករដែលលេងនៅក្នុងក្រុមណាហ្គាខប នឹងមានឱកាសហ្វឹកហាត់ និងបង្ហាញសមត្ថភាពបានគ្រប់ៗគ្នាជាបន្តបន្ទាប់នៅក្រៅប្រទេស ។
លោក Surachai Jaturaputtarapong គ្រូបង្ហាត់របស់ Bankok Glass មានការកោតសរសើរយ៉ាងខ្លាំងដល់ខ្សែប្រយុទ្ធកុប អុីសា ដែលអាចលេងស៊ីសង្វាក់គ្នាជាមួយកីឡាករទាំងអស់នៅក្នុងក្រុម Bankok Glass របស់លោក ៕
ចែករំលែកព័តមាននេះ