ក្រុមអ្នកជំនាញការចិននិយាយកាលពីថ្ងៃអាទិត្យទី២៣ កញ្ញា ថា ភាពយឺតយ៉ាវនៃកំណើនសេដ្ឋកិច្ចចិននឹងត្រូវបានទប់ស្កាត់នៅក្នុងត្រីមាសទី៤ ឆ្នាំនេះបន្ទាប់ពីមានវិធានការរបស់រដ្ឋាភិបាល ប៉ុន្តែភាពមិនប្រាកដប្រជានៅតែមានសម្រាប់ការអភិវឌ្ឍនាពេលខាងមុខ។
ក្រុមអ្នកជំនាញការចិននិយាយកាលពីថ្ងៃអាទិត្យទី២៣ កញ្ញា ថា ភាពយឺតយ៉ាវនៃកំណើនសេដ្ឋកិច្ចចិននឹងត្រូវបានទប់ស្កាត់នៅក្នុងត្រីមាសទី៤ ឆ្នាំនេះបន្ទាប់ពីមានវិធានការរបស់រដ្ឋាភិបាល ប៉ុន្តែភាពមិនប្រាកដប្រជានៅតែមានសម្រាប់ការអភិវឌ្ឍនាពេលខាងមុខ។
គេរំពឹងថា សេដ្ឋកិច្ចចិននឹងកើន៧,៧% នៅក្នុងត្រីមាសទី៣ ឆ្នាំ២០១២នេះ ខណៈដែលកំណើនពេញមួយឆ្នាំមានអត្រា៧,៨% ។ នេះបើតាមមជ្ឈមណ្ឌលចិននៅក្នុងសេដ្ឋកិច្ចពិភពលោក(CCWE)ឱ្យដឹង ។ កាលពីត្រីមាសទី២សេដ្ឋកិច្ចចិនធ្លាក់ដល់៧,៦%ដែលជាល្បឿនមួយយឺតយ៉ាវបំផុតនៅក្នុងរយៈពេលជាង៣ឆ្នាំកន្លងមកនេះ ។ CCWE និយាយថា ការធ្លាក់ចុះកំណើននៅក្នុងត្រីមាសទី៣ គឺជាលទ្ធលនៃការថមថយការវិនិយោគទ្រព្យសកម្ម ជាពិសេសវិស័យអចលនទ្រព្យដែលនឹងមានការផ្លាស់ប្តូរបន្ទាប់ពីរដ្ឋាភិបាលចាប់ផ្តើមអនុម័តគម្រោងហេដ្ឋារចនាសម្ព័ន្ធដើម្បីលើកស្ទួយកំណើនសេដ្ឋកិច្ច ។
គួរបញ្ជាក់ថា កាលពីដើមខែនេះ គណៈកម្មាធិការអភិវឌ្ឍន៍និងកំណែទម្រង់ជាតិបានអនុម័តគម្រោងហេដ្ឋារចនាសម្ព័ន្ធដែលមានទឹកប្រាក់ជាង១លានលានយាន់ ទៅលើផ្នែកផ្លូវហាយវ៉េកំពង់ផែ ផ្លូវដែក បណ្តេញទឹកស្អុយ និងរោងចក្រកែច្នៃកាកសំណល់នៅក្នុងប្រទេស ។ យោងតាមរបាយការណ៍បានឱ្យដឹងថា ប្រទេសចិននៅតែមានសក្តានុពលដើម្បីកំណើនសេដ្ឋកិច្ចដ៏ឆាប់រហ័សនៅក្នុងរយៈពេលវែងនិងមធ្យម ហើយនគរូបនីយកម្មនឹងក្លាយជាសន្ទុះមួយសម្រាប់ការអភិវឌ្ឍនាពេលអនាគត ។ CCWE ប៉ាន់ស្មានថា ផលិតផលក្នុងស្រុកសរុបរបស់ចិននឹងកើន ៨,២% នៅក្នុងឆមាសទីមួយបើធៀបនឹងរយៈពេលដូចគ្នាកាលពីឆ្នាំមុន ហើយឆ្នាំ២០១៣ ខាងមុខនឹងកើន៨% ។
យ៉ាងណាក៏ដោយ CCWE និយាយថា សេដ្ឋកិច្ចចិនក៏ប្រឈមមុខនឹងហានិភ័យធំដែររួមមានកោលាហលនយោបាយសាកលនិងជម្រើសមានកំណត់នៅក្នុងការបង្កើតគោលនយោបាយរូបិយវត្ថុ ។
ចែករំលែកព័តមាននេះ