ខេត្តពោធិ៍សាត់ ៖ ក្មេងពាលក្នុងភូមិម្នាក់ខ្ចីទូរស័ព្ទមិត្តភក្តិនិយាយ រួចក៏យកទៅបាត់ ពេលម្ចាស់តាមទៅទារជននោះបានទាញដាវដេញកា.ប់ផ្អើលពេញភូមិ ឃើញដូច្នោះម្ចាស់ទូរស័ព្ទក៏ ទៅប្តឹងសមត្ថកិច្ចឱ្យឃាត់ខ្លួនតែម្តង ។ ករណីនេះបានកើតឡើងកាលពីថ្ងៃទី២២ កញ្ញា ២០១២ វេលាម៉ោង៩យប់ នៅហាងកាហ្វេមួយកន្លែងស្ថិតក្នុងភូមិកាប៉ាស់ ឃុំឈើតុំ ស្រុកក្រគរ ។
ខេត្តពោធិ៍សាត់ ៖ ក្មេងពាលក្នុងភូមិម្នាក់ខ្ចីទូរស័ព្ទមិត្តភក្តិនិយាយ រួចក៏យកទៅបាត់ ពេលម្ចាស់តាមទៅទារជននោះបានទាញដាវដេញកាប់ផ្អើលពេញភូមិ ឃើញដូច្នោះម្ចាស់ទូរស័ព្ទក៏ ទៅប្តឹងសមត្ថកិច្ចឱ្យឃាត់ខ្លួនតែម្តង ។ ករណីនេះបានកើតឡើងកាលពីថ្ងៃទី២២ កញ្ញា ២០១២ វេលាម៉ោង៩យប់ នៅហាងកាហ្វេមួយកន្លែងស្ថិតក្នុងភូមិកាប៉ាស់ ឃុំឈើតុំ ស្រុកក្រគរ ។
ប៉ូលិសប៉ុស្តិ៍ឈើតុំឱ្យដឹងថា ក្មេងពាលដែលត្រូវចាប់ឃាត់ខ្លួននោះឈ្មោះសៃ ឆក ភេទប្រុស អាយុ១៧ឆ្នាំ ឃាត់ខ្លួនថ្ងៃទី២៣ វេលាម៉ោង៦ព្រឹកតាមពាក្យបណ្តឹងរបស់ម្ចាស់ទូរស័ព្ទឈ្មោះនៅ វ៉ាន់និត ភេទប្រុស អាយុ១៨ឆ្នាំ រស់នៅភូមិ-ឃុំកើតហេតុជាមួយគ្នាដែលបានចោទប្រកាន់ថា កាលពីថ្ងៃទី២២ កញ្ញា វេលាម៉ោង៥ល្ងាច ខណៈខ្លួន (នៅ វ៉ាន់និត) កំពុងអង្គុយផឹកកាហ្វេជាមួយឈ្មោះយក្ស និងឈ្មោះហ៊ាង នៅតៀមកាហ្វេរបស់ឈ្មោះតឿ ពេលនោះឈ្មោះឆក (ជនសង្ស័យ) ដែលផឹកកាហ្វេក្បែរគ្នានោះបានខ្ចីទូរស័ព្ទរបស់ខ្លួននិយាយទៅអ្នកផ្សេងមួយភ្លែត លុះពេលនិយាយទូរស័ព្ទចប់ឈ្មោះឆក បានយកគេចខ្លួនទៅណាបាត់ ។ ស្អែកឡើងថ្ងៃទី២៣ កញ្ញា ពេលខ្លួនតាមទៅទារស្រាប់តែឈ្មោះឆកនិយាយថា ទូរស័ព្ទនោះអញយកទៅបញ្ចាំគេបាត់ហើយ អញមិនឱ្យអាឯងទេ ចង់ធ្វើអីអញធ្វើចុះ ។ ថាហើយគេក៏ដើរចេញធ្វើព្រងើយ ពេលខ្លួនដើរតាមទារស្រាប់តែឈ្មោះឆកនោះរត់ទៅយកដាវមកដេញកាប់ ប៉ុន្តែបានអ្នកភូមិជួយអន្តរាគមន៍ បន្ទាប់មកខ្លួនក៏ប្តឹងប៉ូលិសប៉ុស្តិ៍ឱ្យឃាត់ខ្លួនតែម្តង ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ