ខេត្តសៀមរាប ៖ គណៈកម្មការអន្តររដ្ឋាភិបាលសិទ្ធិមនុស្សអាស៊ាន ( AICHR) បានកិច្ចប្រជុំលើកទី១០ ស្តីពីសេចក្ដីព្រាងសេចក្ដីប្រកាសសិទ្ធិមនុស្សអាស៊ាន និងកិច្ចប្រជុំផ្លូវការលើកទី១០ នៅសណ្ឋាគារអប្សរាអង្គរ ខេត្តសៀមរាប ពីថ្ងៃទី ២១ ដល់ថ្ងៃទី២៤ កញ្ញា ។
ខេត្តសៀមរាប ៖ គណៈកម្មការអន្តររដ្ឋាភិបាលសិទ្ធិមនុស្សអាស៊ាន ( AICHR) បានកិច្ចប្រជុំលើកទី១០ ស្តីពីសេចក្ដីព្រាងសេចក្ដីប្រកាសសិទ្ធិមនុស្សអាស៊ាន និងកិច្ចប្រជុំផ្លូវការលើកទី១០ នៅសណ្ឋាគារអប្សរាអង្គរ ខេត្តសៀមរាប ពីថ្ងៃទី ២១ ដល់ថ្ងៃទី២៤ កញ្ញា ។
កិច្ចប្រជុំទាំងពីរនេះ ដឹកនាំដោយលោក ឱម យិុនទៀង ទេសរដ្ឋមន្រ្តី ប្រធានគណៈកម្មាធិការសិទ្ធិមនុស្សកម្ពុជា និងជាតំណាងកម្ពុជាប្រចាំ គណៈកម្មការអន្តររដ្ឋាភិបាលសិទ្ធិមនុស្សអាស៊ាន។ ក្នុងឆ្នាំនេះ គណៈកម្មការអន្តររដ្ឋាភិបាលសិទ្ធិមនុស្សអាស៊ាន មមាញឹកក្នុងការរៀបចំសេចក្ដីព្រាងសេចក្ដីប្រកាសសិទ្ធិមនុស្សអាស៊ាន ដែលជាឯកសារគោលទីមួយផ្នែកសិទ្ធិមនុស្សតំបន់ ។ ថ្នាក់ដឹកនាំអាស៊ាន មានគោលដៅធ្វើឱ្យចប់ និងប្រកាសជាផ្លូវការនូវឯកសារនេះក្នុងឆ្នាំ២០១២នេះ ក្នុងពេលដែលកម្ពុជា ជាប្រធានអាស៊ាន ។
គណៈកម្មការអន្តររដ្ឋាភិបាលសិទ្ធិមនុស្សអាស៊ាន បានប្រគល់សេចក្ដីព្រាងជាផ្លូវការជូនរដ្ឋមន្រ្តីការបរទេសអាស៊ាន ដើម្បីពិនិត្យដាក់ជូនថ្នាក់ដឹកនាំអាស៊ាន បន្ទាប់ពីមានកិច្ចពិគ្រោះយោបល់ថ្នាក់តំបន់ និងថ្នាក់ជាតិជាមួយអ្នកជាប់ពាក់ព័ន្ធ ។ ការពិគ្រោះយោបល់ថ្នាក់តំបន់បានធ្វើឡើងជាមួយអង្គភាពតាមវិស័យរបស់អាស៊ាន សង្គមស៊ីវិល និងអ្នកជំនាញសិទ្ធិមនុស្ស ។
គួររំលឹកថា គណៈកម្មការអន្តររដ្ឋាភិបាលសិទ្ធិមនុស្សអាស៊ាន បានដាក់ជូនទៅរដ្ឋមន្រ្តីក្រសួងការបរទេសអាស៊ាននូវសេចក្ដីព្រាង សេចក្ដីប្រកាសសិទ្ធិមនុស្សអាស៊ាន លើកទីមួយក្នុងខែកក្កដា ឆ្នាំ២០១២ នាពេលប្រជុំរដ្ឋមន្រ្តីការបរទេសអាស៊ាន(AMM) នៅរាជធានីភ្នំពេញ ៕
ចែករំលែកព័តមាននេះ