ខេត្តព្រះសីហនុ ៖ នៅតំបន់កម្សាន្តឆ្នេរសមុទ្រអូរឈើទាល នាព្រឹកថ្ងៃទី២៣ កញ្ញា កន្លងទៅនេះ មន្ទីរបរិស្ថានខេត្ត អង្គការម្លប់តាប៉ាង សហការជាមួយអង្គការ LET US CREETE ដោយមានការចូលរួមពីអាជីវករជាជនជាតិបរទេសនៅតាមតំបន់ឆ្នេរអូរឈើទាល សភាពាណិជ្ជកម្មខេត្ត សិស្ស និស្សិត មកពីសាលាសុវណ្ណភូមិប្រមាណ២០០នាក់ បានរួមគ្នាសម្អាតអនាម័យបរិស្ថានទីក្រុង
ខេត្តព្រះសីហនុ ៖ នៅតំបន់កម្សាន្តឆ្នេរសមុទ្រអូរឈើទាល នាព្រឹកថ្ងៃទី២៣ កញ្ញា កន្លងទៅនេះ មន្ទីរបរិស្ថានខេត្ត អង្គការម្លប់តាប៉ាង សហការជាមួយអង្គការ LET US CREETE ដោយមានការចូលរួមពីអាជីវករជាជនជាតិបរទេសនៅតាមតំបន់ឆ្នេរអូរឈើទាល សភាពាណិជ្ជកម្មខេត្ត សិស្ស និស្សិត មកពីសាលាសុវណ្ណភូមិប្រមាណ២០០នាក់ បានរួមគ្នាសម្អាតអនាម័យបរិស្ថានទីក្រុង LET’S DO IT! ក្រោមប្រធានបទ«ចាំអង្កាល់ទៀត»។ នេះគឺជាកម្មវិធីសម្អាតពិភពលោក ដែលផ្តួចផ្តើមដំបូងនៅក្នុងប្រទេសអេស្តូនី ក្នុងឆ្នាំ២០០៨ និងបានដំណើរការអស់រយៈពេល៤ឆ្នាំមកហើយ ដោយមានប្រទេសចំនួន៩៦ចូលរួម ក្នុងនោះក៏មានប្រទេសកម្ពុជាយើងដែរ ។
សកម្មភាពខាងលើនេះ ក៏ដូចជាការរំលឹកឡើងវិញទាក់ទងទៅនឹងប្រធានបទខាងលើ។ អ្នកសម្របសម្រួលនៃអង្គការទាំង២បានមានមតិស្វាគមន៍ និងថ្លែងអំណរគុណអាជ្ញាធរគ្រប់លំដាប់ថ្នាក់ ប្រធានមន្ទីរបរិស្ថានប្រធានមន្ទីរទេសចរណ៍ខេត្ត សភាពាណិជ្ជកម្មខេត្ត និងក្មួយៗសិស្ស និស្សិតទាំងអស់ ដែលបានឆ្លៀតយកពេលវេលាថ្ងៃឈប់សម្រាកមកចូលរួមសម្អាតអនាម័យបរិស្ថាននៅតំបន់ឆ្នេរសមុទ្រអូរឈើទាលនាថ្ងៃនេះ ដែលញាំុងឱ្យសកម្មភាពបានដំណើរការយ៉ាងសស្រាក់សស្រាំ បើទោះបីជាមេឃមានភ្លៀងធ្លាក់យ៉ាងណាក្តី ។
លោកអែម សារឿន ប្រធានមន្ទីរបរិស្ថាន ខេត្ត និងលោក សេង ខា ប្រធានមន្ទីរទេសចរណ៍ខេត្តបានមានមតិមុននឹងចេញធ្វើសកម្មភាពសម្អាតអនាម័យដែលមានខ្លឹមសារប្រហាក់ប្រហែលគ្នាថា តាមចក្ខុវិស័យរបស់ខេត្ត រាជរដ្ឋាភិបាលកម្ពុជាបានចាត់ទុកជាប៉ូលមួយដ៏សំខាន់នៅក្នុងចំណោមប៉ូល៣រួមមានរាជធានីភ្នំពេញ ខេត្តសៀមរាប និងខេត្តព្រះសីហនុ ។ ជាងនេះទៀតឆ្នេរសមុទ្រខេត្តព្រះសីហនុ រួមជាមួយខេត្តចំនួន៣ទៀតមានខេត្តកំពត ខេត្តកែប និងខេត្តកោះកុង ដែលជាខេត្តតំបន់ឆ្នេររបស់ព្រះរាជាណាចក្រកម្ពុជា បានជាប់ជាសមាជិកក្លិបឆ្នេរសមុទ្រស្អាតជាងគេលើពិភពលោក ហើយត្រូវបានប្រសិទ្ធនាមជា«តារារះនាទិសនិរតី»។
លោកសេង ខា ប្រធានមន្ទីរទេសចរណ៍ខេត្តថ្លែងថា ក្រោមការដឹកនាំដ៏ត្រឹមត្រូវ និងឈ្លាសវៃប្រកបដោយគតិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដឹកនាំប្រទេសឱ្យមានសន្តិភាព សន្តិសុខ សុវត្ថិភាពពេញលេញ និងមានការរីកចម្រើនលើគ្រប់វិស័យ។ និយាយដោយឡែក ការរីកចម្រើនយ៉ាងលឿននៃវិស័យទេសចរណ៍ ជាកិច្ចខិតខំប្រឹងប្រែងអស់ពីកម្លាំងកាយចិត្តក្នុងការដឹកនាំរបស់លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ព្រមទាំងមានការចូលរួមទាំងអស់គ្នាពីស្ថាប័នរដ្ឋ ផ្នែកឯកជន និងអង្គការសង្គមស៊ីវិល ដែលបានសហការអនុវត្តទៅតាមគោលនយោបាយរបស់រាជរដ្ឋាភិបាលដែលបានដាក់ចេញនូវគោលនយោបាយជាតិ និងយុទ្ធសាស្ត្រអភិវឌ្ឍន៍លើវិស័យទេសចរណ៍។
លោកសេង ខា បន្តថា ជាពិសេសនៅតែបន្តផ្សព្វផ្សាយយុទ្ធនាការកម្ពុជា ព្រះរាជាណាចក្រអច្ឆរិយៈ និងចលនាប្រឡងប្រណាំង«ទីក្រុងស្អាត រមណីយដ្ឋានស្អាត សេវាល្អ» ព្រមទាំងទេសចរណ៍បៃតង។ យើងនឹងរួមគ្នាបន្តការសម្អាតអនាម័យនៅឆ្នេរដ៏ស្រស់ត្រកាលនេះទៀត ដើម្បីរក្សាបាននូវសោភ័ណភាពដែលជាកត្តាជំរុញទឹកចិត្តភ្ញៀវទេសចរឱ្យកាន់តែចង់មកកម្សាន្តតម្តងហើយម្តងទៀត ដូចពាក្យមួយឃ្លាបានលើកឡើងថា «ទេសចរណ៍ដើម្បីទាំងអស់គ្នា ទាំងអស់គ្នាដើម្បីទេសចរណ៍»៕
ចែករំលែកព័តមាននេះ