រាជធានីភ្នំពេញ ៖ សពក្មេងប្រុសម្នាក់ ត្រូវបានគេប្រទះឃើញនៅក្នុងស្រះទឹកមួយក្បែរផ្លូវរទេះភ្លើងក្នុងក្រុម៤ ភូមិដីថ្មី សង្កាត់ភ្នំពេញ ថ្មី ខណ្ឌសែនសុខ កាលពីវេលាម៉ោង៣ និង៣៥នាទីរសៀលថ្ងៃទី២៤ កញ្ញា ២០១២ ដែលគេសង្ស័យថា ជាករណីឃាតក.ម្មដោយនៅលើខ្លួនសព គេឃើញមានស្នាមជាំត្រង់ពោះ ។
រាជធានីភ្នំពេញ ៖ សពក្មេងប្រុសម្នាក់ ត្រូវបានគេប្រទះឃើញនៅក្នុងស្រះទឹកមួយក្បែរផ្លូវរទេះភ្លើងក្នុងក្រុម៤ ភូមិដីថ្មី សង្កាត់ភ្នំពេញ ថ្មី ខណ្ឌសែនសុខ កាលពីវេលាម៉ោង៣ និង៣៥នាទីរសៀលថ្ងៃទី២៤ កញ្ញា ២០១២ ដែលគេសង្ស័យថា ជាករណីឃាតកម្មដោយនៅលើខ្លួនសព គេឃើញមានស្នាមជាំត្រង់ពោះ ។
ក្មេងប្រុសរងគ្រោះឈ្មោះផន ចាន់រិទ្ធ អាយុ៦ឆ្នាំ មានម្តាយឈ្មោះអ៊ុន សូត អាយុ៤៧ឆ្នាំ ជាកម្មការិនីរោងចក្រកាត់ដេរ ស្នាក់នៅផ្ទះជួលភូមិតាងួន សង្កាត់កាកាប ខណ្ឌពោធិ៍សែនជ័យ ប្រាប់ឱ្យដឹងថា កាលពីថ្ងៃទី២៣ កញ្ញា ២០១២ កូនប្រុសរបស់គាត់បានបាត់ពីផ្ទះ ដោយពុំដឹងទៅណានោះទេ ទោះខំដើររកយ៉ាងណាក៏រកពុំឃើញដែរ ប៉ុន្តែត្រូវបានប្រជាពលរដ្ឋប្រាប់ថា ឃើញកូនប្រុសរបស់ខ្លួនជិះកង់ជាមួយនារីម្នាក់អាយុប្រហែល២០ឆ្នាំ ។ លុះមកដល់ថ្ងៃខាងលើ ស្រាប់តែប្រទះឃើញសពតែម្តង ។ ទោះបីបែបណា សមត្ថកិច្ចមិនទាន់សន្និដ្ឋានថា ជាករណីអ្វីនោះទេ ដោយរង់ចាំធ្វើកោសល្យវិច័យ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង ៕
ចែករំលែកព័តមាននេះ