ខេត្តកំពង់ឆ្នាំង ៖ ពាក់ព័ន្ធនឹងករណីប្លន់កាណូតដឹកត្រីកាលពីរំលងអធ្រាត្រឈានចូលថ្ងៃទី២៣ កញ្ញា នៅចំណុចភូមិឫស្សីដង្កួច ឃុំជលសារ ស្រុកជលគិរី កន្លងទៅនេះ ត្រូវបានមន្ត្រីប៉ូលិសដែលខិតខំប្រឹងប្រែងក្នុងការបង្ក្រាបបទល្មើសខាងលើនិយាយថា មុនពេលឈានដល់មានករណីប្លន់កាណូតដឹកត្រីនេះ គឺផ្តើមចេញពីរឿងគំនុំសុទ្ធសាធ ទើបឈានដល់ករណីប្លន់កើតឡើង ។
លោកជឹម ប៊ុនធឿន នាយការិយាល័យព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត បាននិយាយថា ក្រោយពីមានករណីប្លន់កាណូតដឹកត្រី ហើយរហូតជនសង្ស័យបានបាញ់ច្រឡំគ្នាឯង បណ្តាលឱ្យស្លាប់ម្នាក់ និងបានព្យាយាមបើកកាណូតដឹកត្រីនោះដឹកសពជនសង្ស័យទៅទុកចោលដល់ស្រុកពញាឮ ខេត្តកណ្តាលនោះ លោកឧត្តមសេនីយ៍ត្រី អាត់ ខែម ស្នងការនគរបាលខេត្ត បានចេញបញ្ជាឱ្យរូបគាត់ចុះស្រាវជ្រាវ និងទៅពិនិត្យសាកសពជនសង្ស័យដល់ស្រុកពញាឮ ខេត្តកណ្តាល ។ ក្រោយពីបានពិនិត្យ និងស្រាវជ្រាវដឹងថា រវាងជនរងគ្រោះ និងជនសង្ស័យ គឺជាមនុស្សស្គាល់គ្នា និងជាមនុស្សទំនាស់នឹងគ្នាពីរឿងដណ្តើមកន្លែងគ្នាដាក់លបចាប់ត្រីរយៈកាលកន្លងមក ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ