លោកវ៉ា សូណាត អគ្គនាយករងកំពង់ផែស្វយ័តក្រុងព្រះសីហនុ មានប្រសាសន៍ថា បច្ចុប្បន្ននេះកំពង់ផែស្វយ័តក្រុងព្រះសីហនុ បានទទួលការចូលចតរបស់នាវាទេសចរណ៍បរទេសពីបណ្តាប្រទេសនានាជុំវិញពិភពលោកជាបន្តបន្ទាប់ ហើយមានអ្នកទេសចរបរទេសគ្រប់ជាតិសាសន៍ច្រើនរាប់ម៉ឺននាក់បានធ្វើដំណើរតាមនាវាទេសចរណ៍មកកាន់ព្រះរាជាណាចក្រកម្ពុជាជារៀងរាល់ឆ្នាំ ។
ខេត្តព្រះសីហនុ ៖ នាវាទេសចរណ៍មួយគ្រឿងបានចូលចតនៅកំពង់ផែកាលពីវេលាថ្ងៃត្រង់ថ្ងៃទី២៣ កញ្ញា ដែលជាកិច្ចចាប់ផ្តើមនៃកិច្ចសហប្រតិបត្តិការផ្នែកសេវាកម្មទេសចរណ៍បរទេសមកពីប្រទេសថៃ ចូលមកកាន់កំពង់ផែស្វយ័តក្រុងព្រះសីហនុ ដែលនៅជើងដំបូងនេះមានអ្នកទេសចរបរទេសចម្រុះជាតិសាសន៍ជិត១០០នាក់ បានធ្វើដំណើរតាមនាវាមកកាន់ខេត្តព្រះសីហនុ ។
លោកវ៉ា សូណាត អគ្គនាយករងកំពង់ផែស្វយ័តក្រុងព្រះសីហនុ មានប្រសាសន៍ថា បច្ចុប្បន្ននេះកំពង់ផែស្វយ័តក្រុងព្រះសីហនុ បានទទួលការចូលចតរបស់នាវាទេសចរណ៍បរទេសពីបណ្តាប្រទេសនានាជុំវិញពិភពលោកជាបន្តបន្ទាប់ ហើយមានអ្នកទេសចរបរទេសគ្រប់ជាតិសាសន៍ច្រើនរាប់ម៉ឺននាក់បានធ្វើដំណើរតាមនាវាទេសចរណ៍មកកាន់ព្រះរាជាណាចក្រកម្ពុជាជារៀងរាល់ឆ្នាំ ។
ចំពោះការចូលចតរបស់នាវាទេសចរណ៍មកពីប្រទេសថៃនេះ គឺជាផ្នែកមួយនៃកិច្ចសហប្រតិបត្តិការផ្នែកការដឹកជញ្ជូនភ្ញៀវទេសចរបរទេសតាមច្រកប្រទេសថៃចូលមកកម្ពុជា ហើយសកម្មភាពនេះនឹងធ្វើជាទៀងទាត់តាមកម្មវិធីដែលបានគ្រោងទុក ។ មន្ត្រីកំពង់ផែរួមនឹងមន្ត្រីអាជ្ញាធរខេត្តព្រះសីហនុបានសម្តែងនូវសុទិដ្ឋិនិយមថា ការភ្ជាប់ទំនាក់ទំនងនៃការដឹកជញ្ជូនភ្ញៀវទេសចរនៅតាមនាវាពីប្រទេសថៃ នឹងធ្វើឱ្យចំនួនភ្ញៀវទេសចរមកលេងកម្សាន្តនៅកម្ពុជាកាន់តែកើនឡើង រួមជាមួយនឹងនាវាទេសចរណ៍បរទេសដែលមកពីបណ្តាប្រទេសនានាលើពិភពលោក ៕
ចែករំលែកព័តមាននេះ