កីឡាករស្កុតលែន Ricky Burnsរក្សាបាននូវខ្សែក្រវាត់ពិភពលោកស្ថាប័ន WBO របស់ខ្លួនក្រោយពីផ្តួលកីឡាករអង់គ្លេស Kevin Mitchellឱ្យសន្លប់ក្នុងទឹកទី៤ ។ ការប្រកួតនេះត្រូវបានធ្វើនៅសង្វៀន SECC ក្រុង Glasgow ប្រទេសស្កុតឡែនកាលពីរាត្រីថ្ងៃសៅរ៍ទី២២ខែកញ្ញាកន្លងមកនេះ ។
កីឡាករស្កុតលែន Ricky Burnsរក្សាបាននូវខ្សែក្រវាត់ពិភពលោកស្ថាប័ន WBO របស់ខ្លួនក្រោយពីផ្តួលកីឡាករអង់គ្លេស Kevin Mitchellឱ្យសន្លប់ក្នុងទឹកទី៤ ។ ការប្រកួតនេះត្រូវបានធ្វើនៅសង្វៀន SECC ក្រុង Glasgow ប្រទេសស្កុតឡែនកាលពីរាត្រីថ្ងៃសៅរ៍ទី២២ខែកញ្ញាកន្លងមកនេះ ។
Burnsដែលមានឯតទគ្គកម្មប្រកួតឈ្នះ៣៥ ចាញ់២ មិនដែលស្មើនិងផ្តួលដៃគូឱ្យសន្លប់១០លើកបានវាយឱ្យកីឡាករ Mitchellដួលចំនួន២លើកក្នុងទឹកទី៤ ។ បន្ទាប់មកលោកអាជ្ញាកណ្តាលក៏បានសម្រេចចិត្តបញ្ឈប់ការប្រកួត ។ទោះជាយ៉ាងណា នៅក្នុង៣ទឹកដំបូង កីឡាករទាំង២បានប្រយុទ្ធគ្នាយ៉ាងស៊ីសាច់ហុតឈាមដែលធ្វើឱ្យអ្នកទស្សនាងើបឈរអបអរសាទរ ។ Burnsបានសំពង Mitchellជាមួយនឹងកណ្តាប់ដៃស្តាំ ប៉ុន្តែរងការវាយបកមកវិញយ៉ាងធ្ងន់ដែរ ។ នេះជាការឈឺចាប់មួយក្នុងចំណោមការឈឺចាប់ជាច្រើនដែលពួកគេទទួលបានពីការប្តូរកណ្តាប់ដៃគ្នាក្នុងទឹកទី១ ។
ក្នុងទឹកទី២ ការសម្រុកគ្នាកាន់តែខ្លាំងឡើង តែក្នុងទឹកនេះ Mitchellដែលគ្មានសំណាងត្រូវរងកណ្តាប់ដៃស្តាំរបស់ Burnsយ៉ាងធ្ងន់ៗថែមទៀត ។ ក្នុងទឹកទី៣ Mitchellបានទះទ្រូងជម្នះដើរចូលក្រោយពីត្រូវវាយចំក្បាលនិងដួលលើក្តាររេញ ។ថ្លែងបន្ទាប់ពីការប្រកួត Burnsវ័យ២៩ឆ្នាំបានបញ្ជាក់ថា ៖«ខ្ញុំមានអារម្មណ៍ថា ខ្លួនឯងខ្លាំងជាងមុនឆ្ងាយ ។ ជំនឿចិត្តខ្ញុំកាន់តែមានផងដែរ ។ ខ្ញុំបាននិយាយជាមុនហើយថា ខ្ញុំនឹងផ្តួលគេក្នុងទឹកទី១ ។ បន្ទាប់ពីនេះ ខ្ញុំសង្ឃឹមអាចទទួលបានការប្រកួតឯកភាពខ្សែក្រវាត់មួយជាមិនខាន ។ វាជាសុបិនមួយដែលបានក្លាយមកជាការពិត »។
ឯក Mitchell ដែលមានឯតទគ្គកម្មប្រកួត ឈ្នះ ៣៣ ចាញ់២ និងផ្តួលដៃគូឱ្យសន្លប់ចំនួន ២៤លើកបានថ្លែងសរសើរគូប្រកួតរបស់ខ្លួនថា ៖«នៅរាត្រីនេះ គេពិតជាធ្វើបានល្អខ្លាំងណាស់ ។ គេមានកម្លាំងខ្លាំងនិងសក្តិសមបំផុត »៕
ចែករំលែកព័តមាននេះ