រាជធានីភ្នំពេញ ៖ តារាបង្ហាញម៉ូដកម្ពុជា កញ្ញាគួយ ច័ន្ទដានិច្ច ដែលបានទៅចូលរួមការបង្ហាញម៉ូដជាលក្ខណៈអន្តរជាតិនៅប្រទេសអូស្រ្តាលី កាលពីថ្ងៃទី៤ ដល់ថ្ងៃទី៩ កញ្ញា បានវិលត្រឡប់មកវិញហើយកាលពីថ្ងៃទី២០ កញ្ញា ឆ្នាំ២០១២ ដោយនាំមកនូវភាពជោគជ័យយ៉ាងត្រចះត្រចង់ ។ នេះបើតាមការឲ្យដឹងរបស់អ្នកស្រីសាពណ៌ រិនដល អគ្គនាយិកា Sapor Modeling
រាជធានីភ្នំពេញ ៖ តារាបង្ហាញម៉ូដកម្ពុជា កញ្ញាគួយ ច័ន្ទដានិច្ច ដែលបានទៅចូលរួមការបង្ហាញម៉ូដជាលក្ខណៈអន្តរជាតិនៅប្រទេសអូស្រ្តាលី កាលពីថ្ងៃទី៤ ដល់ថ្ងៃទី៩ កញ្ញា បានវិលត្រឡប់មកវិញហើយកាលពីថ្ងៃទី២០ កញ្ញា ឆ្នាំ២០១២ ដោយនាំមកនូវភាពជោគជ័យយ៉ាងត្រចះត្រចង់ ។ នេះបើតាមការឲ្យដឹងរបស់អ្នកស្រីសាពណ៌ រិនដល អគ្គនាយិកា Sapor Modeling Agency ។
នេះជាលើកទីមួយដែលតារាបង្ហាញម៉ូដកម្ពុជាមួយរូប បានបោះជំហានទៅចូលរួមការបង្ហាញម៉ូដជាលក្ខណៈអន្តរជាតិ នៅប្រទេសអូស្ត្រាលី និងទទួលបានជោគជ័យ ។លោកស្រីសាពណ៌ រិនដល បានឲ្យដឹងនៅក្នុងសន្និសីទកាសែតថ្ងៃទី២០ កញ្ញា ឆ្នាំ២០១២ នៅ Elyxir Ubran Wine Spot ថា នេះជាព្រឹត្តិការណ៍ជោគជ័យមួយដ៏ធំធេងសម្រាប់តារាបង្ហាញម៉ូដកម្ពុជា ដែលទទួលបានកិត្តិយសដ៏ឧត្តុង្គឧត្តមទៅចូលរួមដើរបង្ហាញម៉ូដជាមួយតារាបង្ហាញម៉ូដល្បីៗរបស់អូស្ត្រាលី នៅក្នុងម៉ូដសម្លៀកបំពាក់ដ៏ស្រស់ស្អាត រចនាឡើងដោយអ្នកច្នៃម៉ូដលំដាប់ពិភពលោក របស់ប្រទេសអូស្ត្រាលី ។
លោកស្រីសាពណ៌ បានបន្តថា នេះជាសក្ខីកម្មថ្មីមួយបង្ហាញថា វិស័យបង្ហាញម៉ូដនៅប្រទេសកម្ពុជា កំពុងទទួលបាននូវមោទនភាព និងភាពរីកចម្រើនឈានឡើងទៅកាន់ស្តង់ដាអន្តរជាតិ។ លោកស្រីមានមោទនភាពយ៉ាងខ្លាំង ចំពោះកញ្ញាគួយ ច័ន្ទដានិច្ច ដែលមានទេពកោសល្យ និងសមត្ថភាពប្រកបដោយភាពជឿជាក់ក្នុងការបង្ហាញគ្រប់ម៉ូដសម្លៀកបំពាក់ ដែលអ្នកច្នៃម៉ូដបានផ្តល់ជូននៅក្នុងកម្មវិធីនោះ ។
កញ្ញាគួយ ច័ន្ទដានិច្ច ដែលជាតារាបង្ហាញម៉ូដរបស់សាពណ៌ បានឲ្យដឹងថា នាងសប្បាយចិត្តស្ទើរតែដើរទៅមុខមិនរួចដោយការរំភើបខ្លាំងពេកជាមួយនឹងស្នូរទះដៃអបអរសាទរ ប្រកបដោយកិត្តិយស។ នាងសង្ឃឹមយ៉ាងមុតមាំថា ទៅថ្ងៃអនាគត នាងនឹងមានឱកាសចេញទៅបង្ហាញម៉ូដនៅប្រទេសដទៃទៀត ដើម្បីនាំមកនូវបទពិសោធន៍ល្អៗចែកជូនដល់តារាបង្ហាញម៉ូដកម្ពុជាដទៃទៀត ដើម្បីឲ្យក្លាយជាអ្នកបង្ហាញម៉ូដអាជីពប្រកបដោយសេចក្តីថ្លៃថ្នូរ ក៏ដូចជាទទួលបានឱកាសរួមការងារជាលក្ខណៈអន្តរជាតិបែប
នេះសម្រាប់ជាប្រយោជន៍ដល់ប្រទេសជាតិ ៕
ចែករំលែកព័តមាននេះ