យោងទៅតាមប្រភពព័ត៌មានស៊ី អិន អិន ចេញផ្សាយកាលពីថ្ងៃអាទិត្យ ទី២៣ កញ្ញា ឆ្នាំ២០១២ បានឱ្យដឹងថា សហព័ន្ធបាល់ទាត់អឺរ៉ុបយូហ្វាកំពុងបើកការស៊ើបអង្កេតដើម្បីរកភស្តុតាងដាក់បន្ទុកក្លិបបាល់ទាត់ Lazio ពីបទរើសអើងពូជសាសន៍ ក្នុងអំឡុងពេលប្រកួតបាល់ទាត់យូរ៉ូបា៉ាលីកជួបជាមួយក្លិប Tottenham កាលពីថ្ងៃទី២១ កញ្ញា ឆ្នាំ២០១២ ។
យោងទៅតាមប្រភពព័ត៌មានស៊ី អិន អិន ចេញផ្សាយកាលពីថ្ងៃអាទិត្យ ទី២៣ កញ្ញា ឆ្នាំ២០១២ បានឱ្យដឹងថា សហព័ន្ធបាល់ទាត់អឺរ៉ុបយូហ្វាកំពុងបើកការស៊ើបអង្កេតដើម្បីរកភស្តុតាងដាក់បន្ទុកក្លិបបាល់ទាត់ Lazio ពីបទរើសអើងពូជសាសន៍ ក្នុងអំឡុងពេលប្រកួតបាល់ទាត់យូរ៉ូប៉ាលីកជួបជាមួយក្លិប Tottenham កាលពីថ្ងៃទី២១ កញ្ញា ឆ្នាំ២០១២ ។
កីឡាករសម្បុរខ្មៅបីរូបគឺ Aaron Lennonn, Defoe និង Andros ត្រូវបានអ្នកគាំទ្រក្លិប Lazio ស្រែកបន្ទរតិះដៀលថាដូចសត្វស្វាដែលជាសញ្ញាបញ្ជាក់ពីការរើសអើងពូជសាសន៍ ។សមាជិកក្រុមអ្នកប្រឆាំងការរើសអើសពូជសាសន៍បាល់ទាត់ (FARE) កំពុងរៀបចំឯកសារដើម្បីផ្ញើទៅឱ្យយូហ្វាដើម្បីបើកផ្លូវស៊ើបអង្កេត ។
នៅក្នុងសេចក្តីថ្លែងការណ៍របស់យូហ្វាបានលើកឡើងថា យូហ្វាមិនឈរឱបដៃមើលករណីបែបនេះទេ ហើយកំពុងតែប្រមូលរកភស្តុតាងបន្ថែមទៀតចំពោះអាកប្បករិយាប្រព្រឹត្តមិនសមរម្យរបស់អ្នកគាំទ្រក្លិប Lazio ដែលមានចរិតរើសអើងពូជសាសន៍មកលើក្លិប Tottenham ហើយយូហ្វានឹងលើកយករឿងក្តីនេះមកដោះស្រាយនៅថ្ងៃទី១៨ ខែតុលា ខាងមុខនេះ ។ប្រសិនបើរកឃើញកំហុសមែននោះ ក្លិប Lazio អាចនឹងត្រូវពិន័យជាប្រាក់ចំនួន២៦.០០០ដុល្លារសហររដ្ឋអាមេរិក ហើយការប្រកួតលើកក្រោយនឹងមិនឱ្យមានអ្នកគាំទ្រចូលរួមទេ ។
គួររំលឹកដែរថា ការរើសអើងពូជសាសន៍គឺជាបញ្ហាចម្បងមួយមិនអាចលុបបំបាត់បាននៅឡើយទេក្នុងវិស័យបាល់ទាត់នៅលើពិភពលោកនេះ ៕
ចែករំលែកព័តមាននេះ