ក្លិបតោខៀវ Chelsea យល់ព្រមបន្តកុងត្រាថ្មីឱ្យកីឡាករ David Luiz រយៈពេល៥ឆ្នាំ
12 ឆ្នាំ មុន
យោងទៅតាមប្រភពព័ត៌មានញូ អេស៊ី ចេញផ្សាយកាលពីថ្ងៃអាទិត្យ ទី២៣ កញ្ញា ឆ្នាំ២០១២ បានឱ្យដឹងថា ក្លិបតោខៀវ Chelsea បានយល់ព្រមបន្តកុងត្រារយៈពេល៥ឆ្នាំបន្ថែមទៀតឱ្យកីឡាករ David Luiz ។ ការបន្តកុងត្រាថ្មីនេះធ្វើឱ្យកីឡាករសញ្ជាតិប្រេស៊ីល វ័យ២៥ឆ្នាំរូបនេះនឹងមានវត្តមានបន្តស្នាក់នៅជាមួយក្លិប Chelsea រហូតទៅដល់ឆ្នាំ២០១៧ ។
យោងទៅតាមប្រភពព័ត៌មានញូ អេស៊ី ចេញផ្សាយកាលពីថ្ងៃអាទិត្យ ទី២៣ កញ្ញា ឆ្នាំ២០១២ បានឱ្យដឹងថា ក្លិបតោខៀវ Chelsea បានយល់ព្រមបន្តកុងត្រារយៈពេល៥ឆ្នាំបន្ថែមទៀតឱ្យកីឡាករ David Luiz ។ ការបន្តកុងត្រាថ្មីនេះធ្វើឱ្យកីឡាករសញ្ជាតិប្រេស៊ីល វ័យ២៥ឆ្នាំរូបនេះនឹងមានវត្តមានបន្តស្នាក់នៅជាមួយក្លិប Chelsea រហូតទៅដល់ឆ្នាំ២០១៧ ។
កីឡាករ David Luiz បានផ្លាស់មកពីក្លិបBenfica មុននឹងចូលមកលេងជាមួយក្លិប Chelsea កាលពីឆ្នាំ២០១១ ក្នុងតម្លៃខ្លួន២៥លានផោន ប្រហែល៤០លានដុល្លារសហរដ្ឋអាមេរិក ។នៅលើគេហទំព័ររបស់ក្លិប Chelsea កីឡាករខ្សែការពារមុខស្រស់រូបនេះបាននិយាយថា ៖«ខ្ញុំសប្បាយចិត្តខ្លាំងណាស់ដោយទទួលបានកុងត្រាថ្មី៥ឆ្នាំបន្ថែមទៀតពីក្លិប Chelsea ។
លោកបានបន្តទៀតថា ក្លិបតោខៀវ Chelsea គឺជាក្លិបមួយដ៏ខ្លាំង ខ្ញុំចង់ឈ្នះពានរង្វាន់ជាច្រើននៅជាមួយក្លិបនេះ ។ ហើយលើសពីនេះទៅទៀតនោះ ខ្ញុំចូលចិត្តអ្នកគាំទ្រនៅទីនេះពីព្រោះពួកគេបានផ្តល់ការស្វាគមន៍យ៉ាងកក់ក្តៅដល់រូបខ្ញុំ និងកីឡាករផ្សេងៗទៀត ។គួររំលឹកដែរថា កីឡាករ David Luiz បានចូលមករួមរស់ជាមួយក្លិប Chelsea តាំងពីឆ្នាំ២០១១ ។ នៅជាមួយក្លិប Chelsea គាត់ធ្លាប់បានបង្ហាញវត្តមានចំនួន៣៥លើក ដោយស៊ុតបាល់បញ្ចូលទីបាន៤គ្រាប់ ។ ចំណែកឯអាជីពក្នុងក្រុមជម្រើសជាតិប្រេស៊ីលវិញ លោកបានចូលលេងក្នុងឆ្នាំ២០១០ ដោយបង្ហាញវត្តមាន១៤លើក តែពុំធ្លាប់សុ៊ុតបាល់បញ្ចូលទីបាន១គ្រាប់សោះ ៕
ចែករំលែកព័តមាននេះ