ខេត្តបន្ទាយមានជ័យ ៖ កាលពីវេលាម៉ោង៥និង១២នាទីព្រឹកថ្ងៃទី១៩ កញ្ញា ២០១២ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជនសហការជាមួយកម្លាំងនគរបាលវរសេនាតូចការពារព្រំដែនគោកលេខ៩១១ បានធ្វើការបង្ក្រាបចាប់ឃាត់ខ្លួនជនសង្ស័យប្រព្រឹត្តអំពើនាំពលករឆ្លងដែនចេញដោយមិនស្របច្បាប់ និងទប់ស្កាត់ពលករចំនួន៥នាក់ នៅចំណុចភូមិសាស្ត្រក្រុងប៉ោយប៉ែត ។
លោកវរសេនីយ៍ទោ សិទ្ធ ឡោះ នាយការិយាល័យប្រឆាំងការជួញដូរមនុស្ស និងការពារអនីតិជនបានឱ្យដឹងថា ជនសង្ស័យជាប់ពាក់ព័ន្ធនឹងការប្រព្រឹត្តអំពើនាំពលករឆ្លងដែនចេញដោយមិនស្របច្បាប់ ហើយត្រូវបានឃាត់ខ្លួន ១-ឈ្មោះង៉ិល រ៉ែន ភេទប្រុស ២-ឈ្មោះយ៉ិន សាម៉េត ភេទប្រុស ៣-ឈ្មោះសេង ធា ភេទប្រុស ៤-ឈ្មោះម៉ៅ គឹមយូត ភេទស្រី ត្រូវបានកម្លាំងការិយាល័យជំនាញ រៀបចំសំណុំរឿងបញ្ជូនទៅសាលាដំបូងខេត្តចាត់ការតាមនីតិវិធីនៅថ្ងៃទី២១ កញ្ញា ២០១២ នេះហើយដែរ និងម្នាក់ទៀតកំពុងស្វែងរកចាប់ខ្លួនឈ្មោះចិន ណាន ភេទប្រុស ជនទាំង៥នាក់នៅក្រុងប៉ោយប៉ែត ។ ចំពោះជនរងគ្រោះចំនួន៥នាក់ មានទីលំនៅខេត្តសៀមរាប ត្រូវបានសមត្ថកិច្ចជំនាញធ្វើការអប់រំរួចឱ្យវិលត្រឡប់ទៅលំនៅឋានវិញ ។
ព័ត៌មានលំអិតនឹងផ្សាយជូននៅពេលក្រោយ នៅលើទំព័រកាសែតកោះសន្តិភាព និងនៅតាមវិទ្យុសំឡេងកោះសន្តិភាព FM 87.75 រាជធានីភ្នំពេញ, FM 87.5 ខេត្តបាត់ដំបង៕
ចែករំលែកព័តមាននេះ