កីឡាករអង់គ្លេស Justin Roseនិងកីឡាករអាមេរិក Brandt Snedekerបាននាំមុខរួមគ្នាក្នុងជុំទី៣ប្រកួតវាយកូនហ្គោល The PGA Tour Championshipបន្ទាប់ពីធ្វើបានលទ្ធផលស្មើគ្នា ៨អាន់ឌ័រ ២០២ ។ ការប្រកួតកម្មវិធីដែលមានទឹកប្រាក់រង្វាន់សរុប ៨លានដុល្លារនេះ ត្រូវបានរៀបចំធ្វើនៅទីលានវាយកូនហ្គោលស្ថិតក្នុងទីក្រុង Atlantaរដ្ឋ Georgiaសហរដ្ឋអាមេរិកកាលពីថ្ងៃសៅរ៍
កីឡាករអង់គ្លេស Justin Roseនិងកីឡាករអាមេរិក Brandt Snedekerបាននាំមុខរួមគ្នាក្នុងជុំទី៣ប្រកួតវាយកូនហ្គោល The PGA Tour Championshipបន្ទាប់ពីធ្វើបានលទ្ធផលស្មើគ្នា ៨អាន់ឌ័រ ២០២ ។ ការប្រកួតកម្មវិធីដែលមានទឹកប្រាក់រង្វាន់សរុប ៨លានដុល្លារនេះ ត្រូវបានរៀបចំធ្វើនៅទីលានវាយកូនហ្គោលស្ថិតក្នុងទីក្រុង Atlantaរដ្ឋ Georgiaសហរដ្ឋអាមេរិកកាលពីថ្ងៃសៅរ៍ទី២២កញ្ញា កន្លងមកនេះ ។
Roseបញ្ចប់ជុំទី៣ធ្វើបានពិន្ទុ ២អាន់ឌ័រ ៦៨ខណៈSnedeker ធ្វើបាន ៦អាន់ឌ័រ ៦៤ ។ Snedeker វ័យ៣២ឆ្នាំបានថ្លែងថា ៖«ខ្ញុំពិតជាសប្បាយចិត្តនិងរំភើបយ៉ាងខ្លាំងចំពោះលទ្ធផលនេះ ។ ការធ្វើបានល្អក្នុងការវាយកូនបាល់បញ្រ្ចាសខ្យល់ក្នុងតំបន់ Greens ពិតជាផ្តល់អត្ថប្រយោជន៍ចំពោះជោគជ័យលើកនេះ »។
ឯ Roseវ័យ៣២ឆ្នាំដែរនោះបានថ្លែងថា ៖«ការព្យាយាមដើម្បីឱ្យមានឈ្មោះក្នុងក្របខណ្ឌ FedEx Cupនៅមានសង្ឃឹមនៅឡើយ ។ យ៉ាងណា ការប្រកួតនៅទីនេះពិតជាមិនងាយស្រួលនោះទេ ។ រឿងអ្វីក៏អាចកើតមានឡើងបានដែរ »។ តាមពីក្រោយពួកគេ២សត់គឺកីឡាករអាមេរិក Ryan Moore ។ Moore ឆ្លងកាត់៣ជុំប្រកួតធ្វើបានលទ្ធផលសរុប ៦អាន់ឌ័រ ២០៤នាំមុខក្នុងគម្លាតពិន្ទុ១ស្ត្រូកពីកីឡាករអៀរឡង់ខាងជើងរ៉ូរី ម៉ាកអុីលរយ ។
ម៉ាកអុីលរ៉យដែលបានយកឈ្នះពានជើងឯកចំនួន៣ក្នុងចំណោមកម្មវិធី៤ចុងក្រោយ ឆ្លងកាត់ការប្រកួតអស់៣ជុំធ្វើបានលទ្ធផល ៥អាន់ឌ័រ ២០៥ស្ថិតនៅចំណាត់ថ្នាកលេខ៤ស្ទួនជាមួយកីឡាករអាមេរិក Jim Furyk និង Bubba Watson ។ អ្នកទាំង៣ស្ថិតនៅគម្លាតពិន្ទុ ៣សត់ពីកីឡាករនាំមុខ Justin Rose និង Brandt Snedeker ។
ចំណែកកីឡាករថៃហ្គ័រ វូដធ្វើបានពិន្ទុសរុប ៤អាន់ឌ័រ ២០៦បន្ទាប់ពីបញ្ចប់ជុំទី៣ក្នុងលទ្ធផល ៣អាន់ឌ័រ ៦៧ ។ ជាមួយនឹងលទ្ធផលនេះនាំឱ្យអតីតកីឡាករលំដាប់ទី១ពិភពលោករូបនេះដណ្តើមបានត្រឹមចំណាត់ថ្នាក់លេខ៧ស្ទួនជាមួយកីឡាករមិត្តរួមជាតិ Bo Van Pelt, Robert Garrigus និង Matt Kuchar ៕
ចែករំលែកព័តមាននេះ